Eremyas 16:17 - Fanawbuid tagsibaliwas Fakayabian

¹⁷ Nalag au kanya fagayu at ugali ay we masuksuk sa angku. Ay nalag kyangay kanya fagayu at ngay asalanan.

Eremyas 16:17 ပူးပေါင်းရင်းမြစ်များ

2 Krunika 16:9

Aroro Yawi gdama sas fagdaul daga laman gfabitsug ngay taw at matuyan sa anya. Wa matuyan am ngay nafakamulun. Nu katanya, siginan ban katsi namawayan way ban o gugat.”

Ub 10:14

Nu nke asalanan kway ro, gulit ro wo gugat angku, ay wo gtap angku te, sik yud au e asalanan.

Ub 31:4

O nunda Dius wa glag ku ngay dalan, ay gtap ku ngay siklang?

Alubad. 109:15

Ay at talanan ban nangus umkalyam siginans fagdaul daga.

Alubad. 139:3

Dewa au gtungkud ay gfakamulun, glag way o angku. Ay saful way o fagayu ku fakamulun.

Alubad. 33:15

Kanya at nafon amatanganan sa sangay taw, ay kanya yangay tagsaful fagayu at ngay fakamulun.

Alubad. 51:9

Ay falyami wan fagayu ku asalanan, ay lag gamatang ya.

Alubad. 90:8

Saful way o em ngay asalanan, ay anggan em fagsuksukun fag ngay fakamulun ansaful sim fagmayamagun.

Fangatulun 15:3

Yawi glag way nusnga nday fag talun, ay glag yangay at mauri ay at masine fag ngay taw at fakamulun.

Fangatulun 5:21

Aroro Yawi glag way fagayu am fakamulun, ay nusnga nday o, gulit way emu.

Isayas 29:15

Afanyuan am tagsuksuk ay ngay algan sas Yawi. Nu gfakamulun am ay fakamulun si way sad fagmadulumun ay glong am te, “Wa ngap e glag ay we gsaful tam fakamulun.”

Isayas 66:18

“Saful kway kafag ngay taw at fakamulun ay at ngay amatanganan. Nu katanya, kadasug kban laman namaful au fagayu talun at taw, ay kanya ban fagayu lumag ku fagmabalyananun.

Eremyas 2:22

Dewa am gigus gugat ay grarus sa ay ngay bilug balugu, e lagan kyay gugat ay ngay asalanan. Au Yawi, ay Fun, taglong tuy.

Eremyas 23:24

We taw masuksuan angku dewa snga nday fag furuan at masuksuk. O nunda wam saful te, si au sbanwa, ay sis daga ay nusnga nday? Au, Yawi, taglong tuy.

Eremyas 29:23

Umfasludan takatanya sa anya fagayu aroro nafakamulun at maksvn nu mauri sis Israel. Kanya fagayu natugtug at ngay kaiban at ngay bubay ay nalong ku ngayan laman kamuag, deyud au nasugu sa anya fagayu te, fakamuluni. Saful kway at ngay nafakamulun ay nafatuyan au sabaliwa anya fagayu. Au, Yawi, taglong tuy.”

Eremyas 32:19

At kasine am ngay algan, ay at kadulo am ngay nafakamulun. Glag way o fagayu taw at nafakamulun ay gfasud o ngay taw kata at ngay ugali ay at nafakamulun.

Eremyas 7:11

O nu glong am, tagfangkamul way at fagnanuksuanan tuy fag bale nu inda at fagnamauseganan angku? Saful kway ay ngay fakamulun si ku bale. Au, Yawi, taglong tuy.

Esekyel 8:12

Ay Dius nalong angku te, “Taw at baguama, o nalag o kafag ngay tagfangguna at nafakamulun? Galay at sadi sit mesa fagsegan, ay glong te, Yawi wa glag antam ay natalyuyan wan tam talun Israel.”

Esekyel 9:9

Kanya gbalus angku te, “Maksvn wan taw Israel ay taw Uda at asalanan. Ay maksvn wan nu gfadfabulan sit furuan ay we fagmatuyanun ya. Kanya fagayu glong te, ‘Yawi wa gdungug ya antam, ay natalyuyan wan.’

Sefanias 1:12

Ay ginanya yangay ban fia fag menit, namae salung au ay nanrvbvy ay namaurianan ngay taw sis Erusalem tagbanwan manabayan ay gamatangan te, ‘Yawi wa namakamulun sa emi at mauri ay at masine.’

Sakaryas 4:10

“Lag gfalingun dewa alay way at kinfakamulun, aroro Yawi guseganan glag nu nfasigad tua kafag fakamulun, ay guseganan yangay nu gdama Serubabel nu gbitbitan at fagaloan fag lubyang. (Kafag fituk salung at masuad te, Yawi at ngay mata tagdama sas fagdaul daga.)”

1 Kurintu 4:5

Nu katanya, kaduge tam Fun yud andasug, lag am gamatangan te, sik taw masine ay mauri. Tam Fun waban tagfasure fagayu nusnge wain at masuksukan sisad dulum ay anggan at masuksukan si sik taw at amatanganan. Ay ginanya ban fag menit, galay at sadi gbul famauseganan siginans Dius.

Ebreu 4:13

We taw masuksuk sas Dius. Aroro fagayu nusnge wain masure way sa anya, ay kanya glag way fagayu. Ay sa ban anya nu namoyung tam tam ngay nafakamulun.