Eremyas 16:14 - Fanawbuid tagsibaliwas Fakayabian

¹⁴ “Abandi ban, ngay taw wa glong ya te, ‘Gfatuyanan au sas Yawi, tagleleg fag Dius at nafaduksun ngay taw Israel siginans talun Igiptu.’

Eremyas 16:14 ပူးပေါင်းရင်းမြစ်များ

Alubad. 81:11

Dewa katanya, wam nafandungug ay wam nafaning angku.

Alubad. 81:7

Gina am gidapan, nadarangin am sa angku, ay nafalangfe au ayu. Siginan sad madulum fag linyabu, nabalus au ayu, ay nafaskud au ay fagafanudun gina am sis bulbug Meriba.

Nu Galin 20:2

“Au wan ay Dius Yawi at nafaduksun ayu siginans talun Igiptu nu inda nu gafagsuguanan am.

Eremyas 32:37

namaful kban ku ngay taw siginans fagayu talun nu inda ku fagfasaruayanan anya fagayu. Ay nantaban kban anya fagayu stae fag furuan ay kanya ban fagayu gbanwan manabayan.

Mikas 6:4

Nafalfas koma ayu siginan nu gafagsuguanan am sis talun Igiptu. Nafili au Muisis, ay Arun, ay Miryam laman gfangguna ayu.

Deuterunumyu 15:15

Amatangani te, ebi sik ngay fagsuguan yangay am sis talun Igiptu, dewa katanya, ay Dius Yawi nafalfas tua ayu. Kanya wan at masuad ku fagnafonun ayu tuy fag suguan katsi.

Deuterunumyu 20:1

Nu glao am laman namawayan, ay dewa am nalag te, ay ngay fawayan ay at ngay kabayu ay anggan at ngay faguyudan ayu yap tua ayu, lag am kalimu anya fagayu, aroro ay Dius Yawi at nafaduksun ayu siginans talun Igiptu gufud tua ayu.