Eremyas 16:12 - Fanawbuid tagsibaliwas Fakayabian

¹² Ay fagmauriun aksvn yap tua ay ngay mangaguyang at fagmauriun. Fagayu am nafaning am ay fagmauriun ay ay ngay amatanganan takamaogatun, abat ngate am nafaning angku.

Eremyas 16:12 ပူးပေါင်းရင်းမြစ်များ

Fakasigadan 6:5

Yawi nu nalag fagdaul daga at ngay taw at fakamulun ay anggan at ngay amatanganan nu mauri,

Fakasigadan 8:21

Ay Yawi nu nayuk kafag fanggalangun at anus, nalong te, “Kwa ban gfadog ya gfaurianan daga aroro sas taw at nafakamulun, dewa au nasaful te, taw at ngay amatanganan kabavn mauri way siginan nu masisian. Kwa ban gfadog ya gfamin fagayu tagleleg, kata ebi ku nafakamulun.

Takamoyung 8:12

Sik taw at nasalan sadik sandan ginan, ay dewa yay ngaduge nu gleleg, nasaful au te, amasine yap ban sik taw takalimu tua Dius at fakadasugan.

Takamoyung 9:3

Katatuy at yud masine takafasludan stes fagdaul daga, katanya yay ban fagayu at fakatabuan. Ay bundi lang takatanya; ngay taw at fagamatanganun kaduge gleleg fagmauriun way lang ay fagyudun mamatanganan, ay sanya ginan kanya kabul yangay.

Eremyas 13:10

Kanya fag ngay taw at mauri, wa kaylat gfaning ku longan. Kanya fagayu nafaning way at sadili amatanganan ay naseg ngay fagsegan. Nu katanya, kanya ban fagayu umkata kafag famutus fagwan at yud e tungkul ya.

Eremyas 17:9

“Taw at amatanganan kamuag way gugat ay maksvn nu mauri. Sinu tagsaful te, kaksvn kanya nu mauri?

Eremyas 18:12

Dewa katanya, ngay taw gbalus te, ‘Duan! Gfataglayun wami em ngay fakaylatun; gfaning wami em amatanganan takamaogatun.’ ”

Eremyas 22:28

Yuyakin, kata o sik tikung at marufan at yud e masuad ya. Nu katanya, nangukas kwan emu ay anggan am ngay sisian say fagyudun toglag fag talun.

Eremyas 7:24

“Dewa katanya, kanya fagayu wa nafaning ay wa nadungugan angku. Abat ngate, nafaksvn way nu kamaogatun at amatanganan ay nu gfakamulun at mauri. Ay kanya fagayu abat ngate nangakbang sa angku, gfataglayun way kayayu.

Eremyas 7:26

Dewa katanya, wam nadungugan ay nafaning kanya fag ngay taglong. Ay ay ngay amatanganan amogat yap ay ngay mangaguyang at amatanganan, ay ay ngay fakamulun amauri yap ay ngay mangaguyang at nafakamulun.

Eremyas 9:14

Abat ngate, nafaning way at ngay amatanganan takamaogatun, ay naseg Baal kata at ngay mangaguyang at nafakamulun.”

Takabalu 5:7

Dewa em ngay mangaguyang at ke asalanan, ami way tagafaurianan.

Esekyel 20:30

“Katsi, nanlong o sa sangay taw Israel te, ‘Au, Fun Dius Yawi, glong au te, o namauri yangay am ay ngay sadili kata ay ngay mangaguyang at fakamulun? O ay nanseg yangay am sat ngay fagsegan at maksvn nu mauri?

Amus 2:4

Katatuy Yawi at longan sabaliwas Uda: “Ngay taw Uda gfataglayun way gugat nu gasalanan, nu katanya, namaurianan kban anya fagayu. Kanya fagayu nafamabo ku ngay suguan ay wa nafaning ku ngay fangatulun. Ay siginan nu gseg at ngay mangaguyang at ngay fagsegan, kanya fagayu ansik malyaman.

Malakyas 3:7

Dewa katanya, kata wayam ay ngay mangaguyang; wam nafaning ku ngay faugali. Ay katsi, afolii wan sa angku laman kafoli kyangay sa ayu. “Dewa katanya, ginto am sa angku te, ‘Setain ya ro nu nangafoli ami sa emu?’

Markus 7:21

Aroro tagsiginan sik taw at amatanganan kasure at mauri fag ngay algan, kata nu gfanugtug sat yud e indugan, ay nu gfangkamul, ay nu gfabul,

Deuterunumyu 29:19

Nusnga sinu ban at nadungug tuy fag famararang, lag ban gamatangan sat sadili te, wa ban umfaurianan dewa gfakamulun at fakaylatun. Aroro takatanya gfadasug way ayu sas faurianan.

Deuterunumyu 9:27

Lag o gamatangan ngay taw at fakamaogatun, ay at fagmauriun, ay at asalanan, nu bunway amatangani yakman am ngay taglong Abrayam, Isak ay Akub.

2 Timuteu 3:13

Dewa katanya, at mauri ay tagfandaya fag ngay taw at fagmauriun umkaksvn ban. Kanya fag ngay taw gfataglayun nu gfandaya ay anggan kanya gadayan yangay.

Ebreu 3:12

Ku ngay faduksay, nu katanya, dirii tua laman diam gamatangan sat mauri ay di kalyam ay fagafanudun ay tumalyuyan tagleleg fag Dius.

Tagfangguna 2:19

Ay kanya fag ngay tagfangguna nu nbul wan, ngay taw Israel gdog yay kafoli sat mauri fag fakamulun ay gdog yay gseg tibak fagsegan aksvn yap at ngay mangaguyang at fagmauriun. Ay kanya fagayu wa kaylat gubun at ngay fakamulun at mauri ay at fakamaogatunun.

1 Samwel 15:23

Fakamaboun sas Yawi gsud yay nu mauri fagfangufitun, ay takamaogatun nu mauri gsud yay tagseg tibak fagsegan. Aroro wo nafaning Yawi at longan, kanya wa kaylat ya emu laman ngay taw Israel at fun.”