Eremyas 15:6 - Fanawbuid tagsibaliwas Fakayabian

⁶ Natalyuyan am ay anyayu siginan angku. Nu katanya, au, Yawi, glong au te, namalugde au ku ngay take laman namamin ayu ay kwa kafanyu ya ayu.

Eremyas 15:6 ပူးပေါင်းရင်းမြစ်များ

Isayas 1:4

Ida! Kanya fagayu ngay tagasalanan way, ay sik gaban taw tagfakamulun at mauri sat iba. Ay sas fagdaul at talun maksvn wan at fagmauriun, nu katanya kanya fagayu kata nu gbuba at mabyat fag famubaun. Am fag ngay taw at maksvn nu mauri, natalyuyan am Yawi, nafalingun am Israel at Dius at yud e Malong, ay wam gfaning ya anya.

Isayas 28:13

Nu katanya, Yawi at longan sa anya fagayu we masuad, kata sa sik ngenge sirut nu garingang we masuad. Ay kanya fag ngay taw nu glo wan umfuan ay umke fakarukan, ay umsangdaw ay umgamat wan.

Isayas 31:3

Ngay taw Igiptu sik ngay taw way kata ayu, ay bunwa Dius. Ay at ngay kabayu bunwa sik ngay falad, kanya kata yay tibak kabayu. Ay gina ban Yawi gfauri, umrasras wan talun Igiptu anggan at faggubukun fag ngay talun at ngay taw. Ay kafag duak talun umkamin ban.

Eremyas 1:16

Namaurianan kban ku ngay taw tagfakamulun at mauri, aroro kanya fagayu natalyuyan angku siginan nu girug famaebebanglu fag lune ay nu gseg at nawat fag ngay fagsegan.

Eremyas 13:14

Namaadkatukan au ngay fagtainan ay at ngay sisian. Kwa ban kafanyu ya gfabul anya fagayu.’ Au, Yawi, taglong tuy.”

Eremyas 2:13

Ku ngay taw nafakamulun duak asalanan: kanya fagayu natalyuyan angku, au oma tagfon leleg fag bulbug, ay naseg tibak fagsegan kata nu naali sik bubun takalanggang way.

Eremyas 2:17

Ngay taw Israel, am yay at nafaurianan ayu, aroro natalyuyan am angku, au ay Dius Yawi at naufud ayu gina am glao.

Eremyas 2:19

Nu katanya, namaurianan au ayu aroro sa ay fagmauriun ay sa ay natalyuyanan angku. Amatangani nu se aksvn nu mauri am ay nu se maidap ay natalyuyanan ay ay nafamaboan angku. Au ay Fun, Yawi at Mabalyanan taglong tuy.

Eremyas 20:9

Tiba ginan, gamatangan au te, deyud ya ku nafoyung sabaliwa emu ay ku nafamoyung am ngay suguan sa angku. Dewa katanya, kwa nafaragang, aroro am ngay longan kata sik afuy tagigang si ku amatanganan ay si ku ngay bini.

Eremyas 44:22

Yawi wa nkagwanta ay ngay nafakamulun at mauri ay at masuya, nu katanya, kanya narasras ay talun ay ansik mabaluanan aroro we gbanwan ya.

Eremyas 6:11

Maksvn yangay nu kadotama au, kata Yawi nu kadotama, ay kwa kagwanta ya.” Yawi nalong te, “Namadasug au ku dotama sa sangay sisian tagawean, ay sa sangay baguama at maful, ay sa sangay dadwa ay anggan sat ngay mafagtainan wan.

Eremyas 6:12

Ay namon kwan sa tibak taw at ngay bale anggan at ngay gamasun ay at ngay bubay. Umfasludan ban takatanya gina au nafaurianan ngay taw tagbanwan ste fag talun. Au, Yawi, taglong tuy.

Eremyas 6:19

Ngay taw sas fagdaul daga, dungugani! Gfadasug kban sik maksvn fag faurianan sa sangay taw tagbanwan ste, laman sik faurianan sat ngay algan. Aroro kanya fagayu wa kaylat gdungugan ku ngay longan, ay wa nafaning ku ngay suguan.

Eremyas 7:16

“Eremyas, lag o gdarangin laman sa kafag ngay taw. Ay lag o gfainfanyuan get sa angku laman sa anya fagayu, aroro kwa ngap ro gdungugan emu.

Eremyas 7:24

“Dewa katanya, kanya fagayu wa nafaning ay wa nadungugan angku. Abat ngate, nafaksvn way nu kamaogatun at amatanganan ay nu gfakamulun at mauri. Ay kanya fagayu abat ngate nangakbang sa angku, gfataglayun way kayayu.

Eremyas 8:5

Dewa katanya, am fag ngay taw Erusalem, wain ay fagtalyuyanun gugat angku? Ay wain ay fakaylatun yay gugat ay ngay fagsegan at yud matuyan, ay wayam kafoli sa angku?

Eremyas 8:9

Ngay taw taglong te, e fagsafulun ami, umke fakaplaun ay umke fakalimuun aroro e nantaban ban anya fagayu. Aroro kanya fagayu natalyuyan ku ngay longan, nataw fag fagsafulun tagsi anya?

Esekyel 14:9

“ ‘Ay sik taglong nu nafoyung at yud matuyan fag foyungan, au, Yawi, at nafamatanganan anya laman gfoyung takatanya. Gfaurianan kban anya ay nangaiyan siginan ku ngay taw at fagmafulan.

Esekyel 25:7

Aroro nafakamulun am takatanya, namaurianan kban ayu siginan nu gfabayan au tibak talun nu namul ay ngay fagagbilugun. Namamin kban ayu ay sumaful ban am te, au Yawi.”

Esekyel 35:3

‘Au, Fun Dius Yawi, glong au te, am tagsis Buksul Seir, ku fawayan wayam. Gfaurianan kban ayu, ay ay talun ban umsik mabaluanan maksvn.

Usea 11:7

Ku ngay taw namatangan nangayayu angku, nu katanya, dewa kanya fagayu masadi nangakbang sa angku, kwa ban ggubuk ya anya.

Usea 13:14

Kwa ban gfalangfe ayu siginans fakabulun, abat ngate, glong kban sas fakabulun te, ‘Fakabulun, dada wan am famauri? Dada wan am famabul?’ Kwa kafanyu ya ayu.

Usea 4:16

Aroro ngay taw Israel kamaogatun at amatanganan, kata sik tumad baka tina at yud magup. Nu katanya, tain ro nu mafaulit au anya fagayu kata sik ngay tupa sas fagnamafangonan?

Sefanias 1:4

Namaurianan au ngay tagbanwan sis Uda, ay fagayu tagbanwan sis Erusalem. Namamin kyangay at kinsawad tagseg Baal fag fagsegan, anggan ngay tagfon fanggalangun tagfakamulun sanya laman ban kanya fagayu wa kamatang ya.

Sakaryas 7:11

“Ay kanya fagayu wa nadungugan ku longan. Kanya fagayu natalyuyan angku ay wa nafaning.