Eremyas 15:4 - Fanawbuid tagsibaliwas Fakayabian

⁴ Fagayu ban talun at ngay taw sas fagdaul daga kasuya anya fagayu, aroro sas Manase, Esekyas at baguama, at nafakamulun sas furuan Erusalem ebi gina kanya gfunan sis Uda.

Eremyas 15:4 ပူးပေါင်းရင်းမြစ်များ

2 Fun 21:1

Manase at banwa labi dua gina gfasigad gfunan. Ay kanya gbanwan sis Erusalem ay nu gfunan limak safulu e limak banwa. At mina Kefsiba.

2 Fun 21:15

Umfasludan takatanya sa anya fagayu aroro nafakamulun at mauri sa ku daga salubangan, ay kanya fagayu nafadotama angku, siginan nu gfaduksun au at ngay mangaguyang siginans talun Igiptu dasug katsi.”

2 Fun 21:2

Ay kanya mauri way at nafakamulun sis Yawi at daga salubangan. Kanya nafaning way Yawi at naiyan fag ngay taw at ngay fagmauriun. Yawi nafababawan anya fagayu sa sangay taw Israel.

2 Krunika 33:1

Manase at banwa labi dua gina gfasigad gfunan. Ay kanya gbanwan sis Erusalem ay nu gfunan limak safulu e limak banwa.

2 Krunika 33:2

Ay kanya mauri way at nafakamulun sis Yawi at daga salubangan. Kanya nafaning way Yawi at naiyan fag ngay taw at ngay fagmauriun. Yawi nafababawan anya fagayu sa sangay taw Israel.

Eremyas 24:9

Nama sik masuya au anya fagayu sa sangay fagfunanun sas fagdaul daga. Ay tiba bank talun gfalingun ay gfauri anya fagayu nusnga nday nu gbanwan.

Eremyas 29:18

Anud, awayan ban ay fanlunus ay fakasaitun gfafalo anya fagayu, ay tiba bank fagfagtainanan gfalingun anya fagayu. Ay gaiyan kban anya fagayu sas nusnga nday fag talun, ay ngay taw ban gfauri, gfalingun, ay kadotama maksvn anya fagayu.

Eremyas 34:17

“Nu katanya, au, Yawi, glong au te, aroro wam nafaning angku ay wam nafalfas ay ngay fagsuguan ay ngay kaiban fag ngay taw Udyu, namalfas au ayu laman kabul am sas awayan, sas fanlunus ay sas fakasaitun. Ay namasik masuya au ayu sas fagayu fagfagtainanan at daga salubangan sas fagdaul daga.

Eremyas 9:16

Ay namarapyagan au anya fagayu sat fagyudun toglag fag ngay talun, ay anggan at mangaguyang at fagyudun toglag. Ay namadasug kban sa anya fagayu tagfawayan laman namawayan ay namamin.”

Takabalu 1:8

Maksvn wan furuan Erusalem at asalanan. Nu katanya, kanya ansik mauri. Ebi tagfauseganan anya fag ngay taw, katsi gfalingun wan, aroro sat fakaplaun. Ay at kaksvnan nu kapla kanya gfandeng ay natalyuyan gidapan.

Esekyel 18:19

“Dewa katanya, tibaginan ban ginto am angku te, ‘Wain sik baguama at fagafauriananun aroro sat mama at asalanan?’ Sik baguama nu matuyan tua, ay nu gfakamulun tua at masine, ay nu gfaning tua ku ngay faugali, kanya ban ngaduge tua nu gleleg.

Esekyel 23:46

“Au, Fun Dius Yawi at nasugu ngay taw sas duksay laman namawayan ay namalimu, ay nangago at ngay ramraman.

Lebitiku 26:33

Umke awayan ban maksvn si ayu laman grasras ay furuan, ay namasaruayan kban ayu sa sangay talun.

Deuterunumyu 28:25

Yawi ban gfababawan ayu sa ay ngay fawayan. Masadi ban am namawayan anya fagayu, dewa katanya, gsaruayan way ban am ay glagyu anya fagayu. Ay umsik mauri ban am sas fagayu fagfagtainanan sas fagdaul daga.

Deuterunumyu 28:64

Yawi ban gfasaruayan ayu nusnga nday fag talun. Ay sanya ban gseg am sa tibak ngay fagsegan at mawatan kayu ay gang, am ay anggan ay mangaguyang ay fagyudun toglag fag ngay fagsegan.