Eremyas 15:3 - Fanawbuid tagsibaliwas Fakayabian

³ “Au, Yawi, glong au te, namadasug kban sa anya fagayu ufatk faurianan: kanya ban fagayu kabul sas awayan, ay ngay idu nangguyudan at ngay bilug, ay ngay manuk tungud naninduk anya fagayu, ay tagfangagat fag ngay mela namamin at ngay nagsawadan.

Eremyas 15:3 ပူးပေါင်းရင်းမြစ်များ

Alubad. 68:23

laman namabul au anya fagayu ay gsiad am at ngay taguk. Ay ay ngay idu umfanud gsupsup at ngay taguk.”

Isayas 18:6

Dius ban namamin wan ngay taw Etiupya, ay namaon sa tagsis talun fag ngay mangilafang. Kanya ban ngay manuk tungud at fakonun gina mangune, ay tagsis talun fag ngay mangilafang at fakonun gina abagat.

Eremyas 12:9

Ku nafili fag ngay taw anke fagmauriun maksvn sa angku, ay ankata sik tagfaninduk fag ngay manuk tungud. Ay tibak manuk tungud tagfaninduk naligung anya fagayu. Ay namasanya au at madot fag ngay mela laman nangon anya fagayu.

Eremyas 14:12

Kanya ro fag ngay taw dewa e buknga nu yud gfangon laman gdarangin, laman get gubuk sa angku, kwa ro gdungugan ya anya fagayu. Ay kanya ro fagayu dewa gfon at ngay fagirugun fag ngay fanggalangun ay at famauseganan sa angku fag ngay fanggalangun, kwa kaylat ya. Abat ngate, namabul kwan anya fagayu sas awayan, fanlunus, ay sas faurianan.”

Eremyas 14:16

Ay e nangukas ban sas furuan Erusalem at ngay dalan at ngay kinbul at nafanud sanya fag ngay taglong. Kanya ban fagayu umbul sas awayan ay sas fanlunus. Wa ban e namoli ya at ngay mangena ay at ngay sisian. Ay namadasug kban sa anya fagayu at kasakan fag faurianan.

Eremyas 16:4

Kanya ban fagayu umbul siginan at maksvn fag fakasaitun. Wa ban e gamatang ya ay we namoli ya anya fagayu. At ngay bilug ban grapyagan sanya fag talun kata sik fagbaugun at ngay kek. Ay e kabul yangay ban sas awayan ay sas fanlunus. Sanya ginan ban ngay manuk tungud ay at madot fag ngay mela nangon kanya fag ngay taw at ngay bilug.”

Eremyas 7:33

Ngay manuk tungud ay at madot fag ngay mela nangon ku ngay taw at bilug at mabulan, ay nusnga sinu we manansabug ya.

Takabalu 3:11

Ay natangagan angku siginan sad dalan, ay nagat ay naubun wan.

Esekyel 14:21

“Au, Fun Dius Yawi, glong au te, afanyuan ban furuan Erusalem gina kban nafadasug sa kafag ngay taw ku nalong fag ufatk faurianan: awayan, fanlunus, tagfangagat fag mela, ay fakasaitun. Aroro kanya ban fagayu at namabul kafag ngay taw gasfuan at ngay fagbaugun.

Esekyel 33:27

“Au, Fun Dius Yawi gfatuyanan au te, kafanud nu gleleg au, ngay taw ban at sawad sit marasrasan fag furuan daul kabul sas awayan. Ay at sawad ban tagsis talun, ngay mangilafang ban kagat wan, ay tagsi sangay fagsuksuanan fag ngay luib kabul sas fakasaitun.

Lebitiku 26:16

Nu katanya, katatuy ban ku fakamulun sa ayu: Sat maksvn fag fakalimuun umlipsik am, aroro gfadasug kban sa ayu fakasaitun at yud ya kafia, ay sik ragnat tagfadulum ay mata ay tagfamomuy ay bilug. Gtanum ban am, dewa katanya, wa ban am e gutluan, aroro ay ngay fawayan ban namawayan ayu ay gbul fagayu ay gutluan.

Lebitiku 26:22

Namadasug kban sa ayu tagsis talun fag ngay mangilafang ay gfabul ban ay ngay sisian anggan ay ngay fagbaugun. Nu katanya, wa ban am ngayu ya, ay wa yangay ban ngayu ya taglao sa ay ngay dalan.

Lebitiku 26:25

Gfadasug kban sa ayu ay ngay fawayan laman namaidapan ayu aroro wam nafaning tam nasadian. Dewa ban am nasuksuan sa ay furuan, gfaurianan kyay ban fia ayu, ay gafabulunan ban am namababaun sa ay ngay fawayan.

Amus 5:19

Ay kata ban am sik taw tagamatangan te, anlangfe wan siginan sik liun, ay aroro mangaro, nafablang yay fia sik usu. Ay gamatangan yangay te, anlangfe wan aroro siwa at bale, ay aroro mangaro gina nated at dingding sik ule nagat anya.

Deuterunumyu 28:26

Ngay manuk tungud ay at madot fag ngay mangilafang kon ban ay ngay bilug at mabulan, ay wa ban e nansabug ya.

Deuterunumyu 32:24

Namae fanlunus kban sa anya fagayu, ay kanya ban fagayu kabul sas fanlunus ay sas fakasaitun. Ay namadasug kban sa anya fagayu takamabul fag ngay mangilafang ay ule, laman nangagat anya fagayu.

At Nafasure 6:8

Ay nadama au, ay ku nalag sik kabayu mamalaksian. Ay tagsakay sanya at ngayan Fakabulun. Ay e gguyan anya at ngayan Kinbul at Talun. E nafon sa anya fagmabalyananun gagbilug at faufatk afud daga laman ban namabul siginans fiso ay fanlunus ay fakasaitun ay siginan tagfangagat fag ngay mela.