Eremyas 15:15 - Fanawbuid tagsibaliwas Fakayabian

¹⁵ Eremyas nalong te, “Yawi, saful wayo fagayu, amatangi tua ay gubuki angku. Fasudi sas fagayu at nafauri angku. Saful au te, di o masakit gfangauri. Nu katanya, lag o gfabayan ku ngay fawayan nu gfabul angku. Amatangi ku ngay naidapan laman sa emu.

Eremyas 15:15 ပူးပေါင်းရင်းမြစ်များ

Nemyas 13:22

Sanya ginan, nasugu au ngay taw Lebi te, “Fasinei ay uliti ngay sakbawan laman ngay taw gfae tungkul tua Famiangalay fag Menit.” Dius, aylati ku nafakamulun ay afanyui angku, kata ay maksvn fag fakesugun.

Nemyas 13:31

Natuyan kyangay te, falganani ngay famaygang laman gina namon fanggalangun e famaygang tua kasakan, ay anggan ngay taguna fag gutluan laman mafalganan wa gugat. Ay nadarangin au te, “Ku Dius, amatangi angku ay gubuki.”

Nemyas 5:19

Ay gdarangin au te, “Ku Dius, amatangi angku ay gubuki nu gfakamulun au laman stae fag ngay taw.”

Nemyas 6:14

Nu katanya, nadarangin au sas Dius te, “Faurianani Tubya ay Sanbalat ay anggan Nuadya fag taglong fag mangena, ay tiba yak taglong at ke algan namalimu angku.”

Ub 10:7

Nasaful wo te, kwe asalanan. Dewa katanya, we mafaago angku siginan am daluap.

Alubad. 102:24

Ay nalong au te, “Ku Dius, lag yap gbul ku leleg, aroro mabaguama kyay. Gleleg tuo kabavn,

Alubad. 106:4

Yawi, amatangi yangay angku gina o ggubuk am nafili fag ngay taw, ay falangfei yangay angku gina o gfalangfe anya fagayu,

Alubad. 119:84

Seduge ya ban nu gfanya au? Ginain ya ban nu gfaurianan o tagfauri angku am fagsuguan?

Alubad. 17:3

Nainsaful o ku amatanganan, ay dewa sad yabi nafaskud o angku. Ay wo e nalag si angku nusnga setaw fag asalanan, ay kwa nalong at mauri kata tibak taw at fakamulun,

Alubad. 39:13

Faragangi wan nu kadotama o angku, laman ban batang kyay guseganan, gina au gakabulun.”

Alubad. 44:22

Aroro gafanud ami sa emu, kabavn munakbang ami gugat sas fakabulun. Ay tibak taw nu glag, kata way mi sik fagfilasun fag ngay tupa.

Isayas 38:3

“Yawi, amatangani tua ku ngay nafakamulun at matuyan, ay nasaful wo te, fagdaul ku amatanganan nafaning ktua emu, ay fagdaul ku nafakamulun masine tua sa emu.” Ay kanya gwayway maksvn.

Eremyas 12:3

Yawi, dewa katanya, gtoglag tuo angku, ay saful way o ku amatanganan. Guyudani tuy fag ngay taw kata sik ngay tupa ay fasamani anya fagayu laman am fagfabulun.

Eremyas 15:10

Afanyuan au! Ku mina nangus wa nafasalug ya angku! Ngay taw Uda gfawayan gugat angku. Kwa oma e bedan ay kwa yangay e fagfabedanan sas nusnga sinu, dewa katanya, kanya fagayu kadotama angku.

Eremyas 15:20

Namakata kban emu sik mogat fag alad at fangawat tansu laman sa sangay taw. Kanya ban fagayu namawayan emu, dewa katanya, wa ban gbabo aroro gufud ktua ban gugat emu. Gdiri kban ay gfalangfe emu. Au, Yawi, taglong tuy.

Eremyas 17:16

Yawi, nafakamulun au am nafatigwanan sa angku fag fakamulun laman sik tagalaga am ngay taw. Kwa kaylat nu gfauri o anya fagayu. Saful way o ku ngay nalong.

Eremyas 18:23

Dewa katanya, saful way o kanya fagayu at ngay algan laman namabul angku. Nu katanya, lag o gfalyam kanya fag ngay taw at ngay asalanan ay at ngay fagmauriun. Fabayani wan at ngay fawayan nu gbabo anya fagayu kaduge o gdama. Fadasugi wan am dotama sa anya fagayu.”

Eremyas 20:11

Yawi, kafag ngay taw at algan sa angku dewa kata kanya, gufud tuo angku. Kata o sik tagfawayan at maseganama ay at mabalyanan. Nu katanya, kanya ban fagayu wa gbabo angku ay umfaurianan ban ay umke fakaplaun takamatang gugat.

Eremyas 20:12

Yawi at Mabalyanan, saful way o nu sinu at matuyan aroro saful o at ngay amatanganan. Falagi sa angku nu gfasud o sa kafag ngay taw, aroro nafatigwanan kwan sa emu takatanya fagayu.

Eremyas 20:8

Yawi, galay au namoyung am longan, ku fagfoyungun gugat sa way lang baliwa nu karasras ay fakabulun! Nu katanya, ngay taw kase ay gfalingun angku.

Takabalu 3:64

Yawi, faurianani wan anya fagayu kata at nafakamulun.

Takabalu 3:66

Yawi, aroro sa am dotama, fafaloi anya fagayu ay fabuli, laman kanya fagayu kalyam wan siginans fagdaul daga.

Mateu 10:22

Ay ginanya ban fag ngay menit, fagayu ban taw kauri ayu, aroro gafanud am sa angku. Ay dewa katanya at namabakvd sat fagafanudun sitsigons fakatabuan umlangfe tua ban.

Mateu 19:29

Ay nusnga sinu at naubun at bale ay at ngay faduksay ay at mama ay at mina ay at sisian ay at daga aroro gafanud sa angku, kanya ban fag taw mul ayu yap tua at naubun, ay e leleg tua ban at yud e fakatabuan.

Lukas 21:17

Ay ginanya ban fag ngay menit, fagayu taw kauri ayu, aroro gafanud am sa angku.

Ruma 12:19

Ku ngay fakesugun, lag am gfasud tagfauri ayu, nu bunway fabayani wan Dius at namasud. Aroro katatuy at Rirukan te, “Tam Fun nalong te, ‘Au waban tagfasud, ay au waban tagfafoli.’ ”

Ruma 8:35

Sinu at mafasaruayan antam siginan tam Fun Isus at fakesugun? O famaskud, ay fagidapun, ay faurianan, ay fanlunus, ay fagyudun e lanbung, ay fagmalimuun, ay fakabulun?

2 Kurintu. 5:11

Dakngani saful wami te, masine nu gseg tua tam fia tam Fun, maksvn nu gugatan ami gfoyung sa sangay taw laman gafanud ban sa anya. Dius nasaful wan em kaugalian ay em fagsegun sumaful yangay am sabaliwa emi.

2 Timuteu 4:14

Aleandru fag takawat ngay fagagbilugun siginans sanbung, kanya mauri at fakamulun sa angku. Tam Fun waban tagfasud sa anya kata at nafakamulun.

At Nafasure 18:20

Useganani am tagsis banwa aroro at kindasug sa anya. Useganani, am Dius at ngay taw, ay at ngay nasugu, ay at ngay taglong, aroro Dius nafaurianan wa anya aroro sat nafakamulun sa ayu at mauri.’ ”

At Nafasure 6:10

Kanya fagayu maksvn nu guro te, “Em Fun at mabalyanan, ay at yud e malong ay at matuyan, seduge yaban nu gfanya ami nu namatuyan o ngay taw at asalanan ay nu namasud o sat nafabul emi fag ngay taw tagbanwan sis daga?”

Tagfangguna 16:28

Ay ginanya, Samsun gdarangin te, “Yawi, ku Fun, amatangi angku. Nu masine, fafolii ku fagmabitsugun laman mafasud au ngay taw Filistia at nabul ku mata.”