Eremyas 15:10 - Fanawbuid tagsibaliwas Fakayabian

¹⁰ Afanyuan au! Ku mina nangus wa nafasalug ya angku! Ngay taw Uda gfawayan gugat angku. Kwa oma e bedan ay kwa yangay e fagfabedanan sas nusnga sinu, dewa katanya, kanya fagayu kadotama angku.

Eremyas 15:10 ပူးပေါင်းရင်းမြစ်များ

1 Fun 21:20

Akab nu nalag Elyas, kanya gagras glong te, “O nablangan yay ta ngaro gayvd!” Ay Elyas nabalus te, “Sabv, nastie au aroro nasaful au te, nafakamulun o at mauri sas Yawi at daga salubangan.

1 Fun 22:8

Ay Israel at fun nabalus Eusafat te, “Sabv, e sik taw yay tam fagnangintoan Yawi at fakaylatun. Dewa katanya, kauri au anya, aroro we longan ya sa angku at masine nu bunway at mauri way lang. At ngayan Mikaya, Imla at baguama.” Ay Eusafat nalong te, “Lag glong takatanya.”

Alubad. 109:28

Dewa kanya fagayu gfauri angku, ggubuk tuo gugat angku. Ay dewa namaurianan angku, umkapla way. Nu katanya, au am fagsuguan guseganan ktua gugat.

Alubad. 15:5

wa get famamut sat ngay fagfabedanan, ay di gbul famayad laman nanfantabugan sat yud e asalanan.” Nusnga sinu tagfakamulun takatatuy mabayan tua nu gbanwan kabavn.

Alubad. 69:4

Takadotama angku ayu yap tua ku ngay buk. Ay kanya fagayu gyafabulun angku, deyud au e malong. Ay gfabulun glong sa angku te, “Fafolii,” deyud au nafangkamul.

Nu Galin 22:25

“Nu gfaulbus wayam ay salapi sa ay kaibaman at yud e kwa, lag am gfae famamut ya gina gfafoli, kata ngay tagfaulbus salapi at fakamulun.

Fangatulun 26:2

At mauri fag longan we tungkul sa sik yud e asalanan fag taw. At fagfaningun kata way sik manuk tungud taglayugan gugat at yud kaylat nangafun.

Eremyas 15:20

Namakata kban emu sik mogat fag alad at fangawat tansu laman sa sangay taw. Kanya ban fagayu namawayan emu, dewa katanya, wa ban gbabo aroro gufud ktua ban gugat emu. Gdiri kban ay gfalangfe emu. Au, Yawi, taglong tuy.

Lebitiku 25:36

Faulbusi tua sa anya ay salapi ay lag gfamut ya at famafoli, ay faloi sa anya fakonun yud e famamut at famayad, laman kanya mafataglayun gbanwan gasfuan ayu. Fakamuluni ban takatanya laman gfalag am te, gsuyu tuam angku ay Dius.

Abakuk 1:3

Wain yay am fagfalagun sa angku ngay fagmauriun? Dewa nday gfadfabulan, ay e fagmauriun, ay kadkaurian ay gbadbaboan.

Mateu 24:9

“Ginanya ban e ggamat ayu ay gtaban sat mauri fag ngay taw, laman gfauri ay namabul ayu. Fagayu talun ban at ngay taw kauri yangay ayu, aroro gafanud am sa angku.

Mateu 5:44

“Ay katsi glong au ayu te, esugi tagfawayan ayu ay darangini tagfauri ayu,

Lukas 2:34

Ay Simyun nafadante dadwa ay nalong sas Maria te, “Nafalganan tuy fag sisian laman ban ngayuk taw umsik afanyuan ay ngayu yangay ban ktaw umsik mafanud. Ay kanya ban sik fakasafulan tagsiginans Dius, ay ngayu ban ktaw glong mauri sabaliwa anya.

Lukas 6:22

“Mauseganan tuam gina e kadotama ayu, ay gaiyan ayu, ay gfalingun ayu ay glong at mauri sabaliwa ayu, siginan nu gafanud am sa angku, Taw at Baguama.

Fakamulun 28:22

Ay dewa katanya, kaylat ami gdungugan nusnga setaw am fagyalongun, aroro saful wami te, nusnga ndaginan ngayuk taw takauri sam naylatan fag fagafanudun.”