Eremyas 15:1 - Fanawbuid tagsibaliwas Fakayabian

¹ Yawi nalong sa angku te, “Dewa yay ro Muisis ay Samwel at namainfanyuan sa angku laman sanya fag ngay taw, kwa kafanyu ya anya fagayu. Nu katanya, namayayu o anya fagayu siginan angku. Nangaiyan wo anya fagayu!

Eremyas 15:1 ပူးပေါင်းရင်းမြစ်များ

Fakasigadan 19:27

Balabag di sbalabag, Abrayam anfoli sa ebi ginan at fagnangkamatoanan Yawi.

2 Fun 17:20

Nu katanya, Yawi ankuri fagayu taw Israel ay nafababawan sat ngay fawayan laman gfaurianan, ay naiyan siginan at daga salubangan.

Alubad. 106:23

Dius anke algan gfabul at ngay taw. Dewa katanya, at fagsuguan Muisis nafafanyuan sas Dius te, “Lag gfataglayun am dotama. Lag gfabul.”

Alubad. 99:6

Kanya nafili Muisis ay Arun laman at tagfon fanggalangun, ay Samwel sik tagdarangin yangay. Ay kanya fag tulu mafandarangin; nu katanya, Yawi gbalus tua gugat.

Fangatulun 14:35

Sik fun guseganan tua at fagsuguan at ke fagsafulun, dewa katanya, kauri way at fagsuguan yud e fagsafulun.

Eremyas 10:18

Yawi nalong te, “Gaiyan kban ayu ste ginan fag talun, ay namaidapan kban ayu, yakmay ban am namatang te, maksvn nu kadotama au ayu.”

Eremyas 11:14

“Nu katanya, Eremyas, lag o gdarangin ay lag o gfainfanyuan sa angku laman sa anya fagayu, aroro kwa ro gbalus ya anya fagayu nu naet gubuk gina e fagidapun.

Eremyas 14:11

Sanya ginan, Yawi nalong sa angku te, “Lag o gdarangin sabaliwa kafag ngay taw at fagmanabayanun.

Eremyas 14:12

Kanya ro fag ngay taw dewa e buknga nu yud gfangon laman gdarangin, laman get gubuk sa angku, kwa ro gdungugan ya anya fagayu. Ay kanya ro fagayu dewa gfon at ngay fagirugun fag ngay fanggalangun ay at famauseganan sa angku fag ngay fanggalangun, kwa kaylat ya. Abat ngate, namabul kwan anya fagayu sas awayan, fanlunus, ay sas faurianan.”

Eremyas 15:19

Nu katanya, Yawi nalong sa angku te, “Nu gubun tuo am asalanan, namafoli au emu sa ku day tigyangan laman namataglayun o namakamulun sa angku. Nu matuyan tua ban fia fagayu am longan, ay nu gsaruy tua ban o fagayu at mauri, namadog kban nanfili emu laman ku taglong. At matuyan, kanya way ban fagayu at nangakbang sa emu.

Eremyas 16:13

Nu katanya, nangaiyan kwan ayu ste ginan fag talun, ay namabanwan au ayu sa ay fagyudun toglag fag talun, ay anggan ay ngay mangaguyang at fagyudun toglag. Ay gina ban am sanya fag talun, gseg ban am sa tibak fagsegan kayu menit ay yabi, ay kwa ban kafanyu ya ayu.’

Eremyas 16:5

Yawi nalong yay fia te, “Lag o gsakbo sa sik bale at ke mabulan. Lag o kabalu gasfuan ngay takabalu, ay lag o gfalag am fakafanyun sas nusnga sinu. Aroro kwa kesug ya ay kafanyu kanya fag ngay taw.

Eremyas 18:20

Masine oma ku nafakamulun sa anya fagayu, dewa katanya, at famasud sa angku, mauri way. Ay kanya fagayu nalusung laman ku fakatongan, dewa au ankakbang ay nadarangin sa emu te, ‘Lag o gfaurianan anya fagayu aroro sam dotama.’

Eremyas 22:28

Yuyakin, kata o sik tikung at marufan at yud e masuad ya. Nu katanya, nangukas kwan emu ay anggan am ngay sisian say fagyudun toglag fag talun.

Eremyas 23:39

gaiyan kwan ay gfalyam emu siginan ku daga salubangan. Ay gfabayan kban ste fag furuan ku nafon sam ngay mangaguyang.

Eremyas 35:19

nu katanya, nafatuyanan au te, Yeunadab, Rekab at baguama e gaban tua ban gugat at namakamulun laman sa angku. Au, Yawi at Mabalyanan, Israel at Dius taglong tuy.’ ”

Eremyas 52:3

Nu katanya, Yawi andotama, ay naiyan ngay taw Erusalem ay taw Uda siginan at daga salubangan. Ay Sedekya nafamabo talun Babilunya at fun.

Eremyas 9:19

Dungugani sis Erusalem fag ngay taw nu gwayway. Kanya fagayu glong te, Nababawan watam! Ay anke fakaplaun tam! Ay gubun watam tam talun aroro anggan tam ngay bale ankiklas wan!”

Esekyel 14:14

Kanya ban fag ngay taw dewa gfadgaloan yay Nui, Daniel, ay Ub, kanya way lang fag tulu takalangfe, aroro kanya fag tulu matuyan tua at ugali. Au, Fun Dius Yawi, taglong tuy.

Esekyel 22:30

“Narvbvy au sik taw at magubuk furuan Erusalem, ay tagwabilug angku sa sangay taw laman ban kwa grasras at furuan, ay kwe nalag.

Usea 9:15

Dius nabalus te, “Fagayu ku ngay taw at fagmauriun gfasigad siginans Gilgal. Kanya fagayu gina sanya, kadotama au anya fagayu. Aroro siginan at fagmauriun, gaiyan kwa ban anya fagayu siginan ku fagbanwanan fag talun Israel. Ay kwa ban kesug ya anya fagayu. At ngay tagfangguna kamabo angku.

Sakaryas 3:3

Uswe kaduge malindug sis tagbarita at salubangan, masuya way at lanbung.

Deuterunumyu 9:26

Nu katanya, gdarangin au sas Yawi te, “Fun Dius Yawi, lag o gfaurianan am ngay taw, aroro siginan am fagmabalyananun nafalangfe tuo ay nafalfas anya fagayu siginans talun Igiptu.

Ebreu 9:24

Aroro tam Fun Isus at fagsakboan bunwa taw at nawat fag fagnansegan Dius fag bale ramit, nu bunway sa tuas banwa. Taw at nawat fag fagnansegan fag bale ramit sik aninu way at matuyan fag bale ramit tagsis banwa. Ay katsi tam Fun Isus si was Dius at daga salubangan, laman tam tagwabilug.

Tagfangguna 5:9

Ay guseganan au sas Israel at ngay tagfangguna, ay anggan sa sangay taw Israel at nafaning tua at ngay tagfangguna. Segi Yawi!

1 Samwel 12:19

Ay kanya fagayu nalong sas Samwel te, “Darangini sas Yawi am Dius, laman wa gfabul emi aroro anfamut em asalanan siginan nu get ami sik fun.”

1 Samwel 12:23

“Ay gdarangin kban gugat ayu sas Yawi, aroro kway ban nafakamulun takatanya, umke asalanan kban sas Dius. Ay gfataglayun kban gfoyung sa ayu at matuyan fag ngay ugali.

1 Samwel 7:9

Nu katanya, Samwel nanamul sik riangan tupa ay nairug laman at fanggalangun sas Dius. Kanya naet gubuk sas Yawi laman sa sangay taw Israel, ay Yawi nabalus tua at darangin.