Eremyas 14:8 - Fanawbuid tagsibaliwas Fakayabian

⁸ Yawi, o wan Israel at fagsegun ay at tagfalangfe gina e fagidapun. Wain am fakataun way em betaw? Ay wain am fakataun way sik tagfanloan tagsik yabi way nu gtiug si em talun?

Eremyas 14:8 ပူးပေါင်းရင်းမြစ်များ

Alubad. 10:1

Yawi, wain am fagngayayuun emi? Ay wain am fagsuksuanun emi gina ami sis buknga fagidapun?

Alubad. 138:7

Dewa ngayu ku fagidapun, gdiri tuo angku sa ku ngay fawayan at dotama, ay siginan am fagmabalyananun, gfalangfe tuo angku.

Alubad. 46:1

Dius wan tam fagsarirungan ay tam fagmabitsugun. Kanya mafalganan gugat ggubuk antam sis buknga fagidapun.

Alubad. 46:2

Nu katanya, wa tam kalimu ya, dewa guig sas fagdaul daga, ay dewa ngay buksul antong sasad dagat,

Alubad. 50:15

Gina am sis buknga fagidapun, darangini sa angku, ay gfalangfe au ayu, ay gfauseganan am angku.”

Alubad. 71:5

Yawi, ku Dius, o wan ku fagsegan. Siginan yay nu masisian au, gafanud kwan sa emu.

Alubad. 9:9

Yawi, o wan ngay taw tagafalingunan at fakakbangan ay at fagsarirungan, gina sis buknga fagidapun.

Alubad. 91:15

Ay kanya ban, dewa anke fagidapun, nu nadarangin ban sa angku, gbalus ktua ban anya, ay si ktua ban gugat anya, ay gfalangfe ay gfae fagusegananun anya.

Isayas 33:2

Yawi, afanyui emi aroro gafanud tuami sa emu. Fabitsugi emi kayu menit, ay falangfei emi gina ami gidapan.

Isayas 43:11

Au Yawi, ay sas day angku we tibak tagfalangfe.

Isayas 43:3

Aroro au Yawi am Dius, Israel at Dius at yud e Malong, ay am Tagfalangfe. Namon au ngay taw Egiptu, Etiupya, ay Seba sa tibak talun at ngay taw, laman famangsi emu.

Isayas 45:15

Dius, o wan Israel at Tagfalangfe, at matuyan wo kalag.

Isayas 45:21

Ngay fagsegan, kamatoani ay longi ay fagkamatoanun. Sinu at nafoyung ebi te, katanya ban at kumfasludan? O nunda bunwa au? Au Yawi, we tibak dius sas day angku, at Matuyan ay Tagfalangfe fag Dius.

Isayas 63:8

Yawi nalong te, “Matuyan kanya fagayu ku ngay taw, ay ku ngay sisian at yud nafamabo angku.” Nu katanya, Yawi nafalangfe anya fagayu.

Eremyas 16:19

Nalong au te, “Yawi, o wan ku fagmabitsugun ay ku tagfasun gina au kabalu. Fagayu talun at ngay taw tagsis fagdaul daga nangakbang sa emu ay nanlong te, ‘Em ngay mangaguyang at ngay fagsegan we masuad. Kanya fagayu we nafakamulun nusnge wain at masine.

Eremyas 17:13

Yawi o wan Israel at fagsegun. Fagayu ban at kinyayu emu umkapla. E namoli ban anya fagayu sas daga, aroro kanya fagayu nafamabo emu, fag bukbuan leleg.

Eremyas 30:7

Ay ginanya ban fag buknga maksvn nu malimu, ay wa ban e kaksvn nya kanya nu malimu. Ginanya ban Akub at ngay kasugfunanan gidapan, dewa katanya, sa ban taguyan kanya fagayu umlangfe yay sanya ginan fag fagidapun.

Eremyas 50:7

Ay kanya fagayu naonan nusnga sinu at nalag anya fagayu. Ay at ngay fawayan glong te, ‘Kanya fagayu anke asalanan sas Yawi, at ngay mangaguyang at fagfiangalayan ay at fagsegun, nu katanya, wa tam e asalanan dewa tam nanamawayan anya fagayu.’

Uel 3:16

Yawi ban at aringang gbia kata sik lingsi siginans Buksul Siun. Nu katanya, daga ay banwa muigan. Dewa katanya, Yawi wan ngay taw Israel at mogat fag fagsarigan.

Sakaryas 9:12

Am fag ngay natabanan at ke fagsegun yay kalfas, afolii wan sa ay ngay talun nu inda yud e gfauri ayu. Katsi glong au ayu te, nusnga seyu at nalyam si ayu, namafoli au duak kayu kanya.

Fakamulun 28:20

Kanya wan ku fagnafauroun ayu, kaylat au gyalagun ay gfakamatoan ayu aroro ku fagmasalodanun fia salambitan aroro sa sangay taw Israel at fagsegun.”

1 Timuteu 1:1

Au, Pablu, tam Fun Isus at nasugu, gfaning Dius tam tagfalangfe at suguan, ay tam Fun Isus tam fagsegun.

Tagfangguna 19:17

Ay kafag fagtainan nu nalag kafag dadwa ay anggan at fagsuguan, ankakbang ay nainto te, “Daginan am? Ay dada ban nu gfataglayun am glao?”