Eremyas 14:22 - Fanawbuid tagsibaliwas Fakayabian

²² Nusdi sadik fagsegan sa sangay talun we mafadasug arak, ay we mafae ayuyus, ay anggan banwa wa mafae arak. Yawi em Dius, o way lang at mafafakamulun takatanya, ay sa way lang emu nu gafanud ami.

Eremyas 14:22 ပူးပေါင်းရင်းမြစ်များ

1 Fun 17:1

Elyas sik taglong tagbanwan sis Tisbe, sis Gilyad fag afud talun. Kanya nalong sas fun Akab te, “Gfatuyanan au sas Yawi, tagleleg fag Dius ku fagfaningun te, wa ban e damug ay e arak nu seyuk banwa, kway ban gsugu.”

1 Fun 17:14

Aroro Yawi, Israel at Dius, nalong te, ‘Wa ban kamin fangawat tinapay sim fagsuadan, ay wa ban kamin langis sim tikung, yakmay kban nafadasug arak.’ ”

1 Fun 18:1

Ay nu tulu wak banwa nu yud karak, Yawi nalong sas Elyas te, “Namablang o Akab, aroro namarak kwan.”

1 Fun 8:36

dungugani tua ban anya fagayu sanya sis banwa. Ay falyami ban am ngay fagsuguan fag ngay taw Israel at ngay asalanan. Foyungi anya fagayu laman matuyan tua nu gbanwan, ay fadasugi arak sa am nafon sa anya fagayu fag talun laman at fagagbilugun.

Ub 28:26

kanya nafalganan wan nu inda ban nu ganting, ay nu inda ban lingsi ay limbad at fakatukan.

Ub 5:10

Kanya nafaarak sas fagdaul daga ay sa tam ngay gamasun.

Alubad. 130:5

Yawi, gfanya au emu sas fagdaul ku amatanganan, ay ku fagsegun siginan way lang am longan.

Alubad. 135:7

Kanya mafae linyabu siginan sik fungfung daga ay mafadasug yangay sa sik fungfung daga. Kanya gfalimbad ay gfarak ay gfatagmara siginan at mesa fagduksunan.

Alubad. 147:8

Aroro kanya mafafagdaul tua linyabu sas kiwang, ay gfarak tua gugat sas daga, ay gfatugbung ngay makmak sa sangay buksul.

Alubad. 25:21

Nangugali au sat matuyan ay sat yud e malong, nu katanya, dirii tua angku aroro gafanud ktua sa emu.

Alubad. 25:3

Nusnga sinu tagafanud sa emu di ban gafaplan, dewa katanya, tagfandaya fag ngay taw umkapla ban.

Alubad. 27:14

Afanudi sas Yawi! Faksvni ay amatanganan, ay dangay kamomuy. Afanudi tua sa anya!

Isayas 30:18

Dewa katanya, Yawi mafanyan nu nangakbang am sa anya laman kafanyu ayu. Kanya mafalganan namalag ayu at fakafanyun. Aroro Yawi wan at matuyan fag Dius, ay fagayu tagafanud sa anya mauseganan.

Isayas 30:23

Yawi ban gfarak gina sis fantanuman fag buknga, ay umkayu ban ay tanum at rawvg. Ay fagayu ay ngay fagbaugun nu gfangonan sat tagbia fag fagnamafangonan.

Isayas 41:29

Kafag ngay fagsegan we masuad, ay we fagmafafakamulunun, kata way sik tagmara.”

Eremyas 10:12

Siginan Yawi at fagmabalyananun ay at fagsafulun, kanya nawat banwa ay fagdaul daga.

Eremyas 10:13

Siginan at aringang banwa gfangalung, ay gfae linyabu siginan sangay fungfung daga. Ay gfae limbad gina karak, ay gfadasug tagmara siginan at fagfungsuan.

Eremyas 10:15

ay we tungkul ay maksvn nu mauri. Gina ban gfaurianan fag menit, umkamin yangay ban at ngay awatan.

Eremyas 10:3

Kanya fag ngay taw wa masuad at fakamulun. Kanya fagayu namul kayu sasad araw ay namawat at ngay fagsegan sa tagsaful kawat.

Eremyas 16:19

Nalong au te, “Yawi, o wan ku fagmabitsugun ay ku tagfasun gina au kabalu. Fagayu talun at ngay taw tagsis fagdaul daga nangakbang sa emu ay nanlong te, ‘Em ngay mangaguyang at ngay fagsegan we masuad. Kanya fagayu we nafakamulun nusnge wain at masine.

Eremyas 5:12

Kanya fagayu wa gfoyung at matuyan sabaliwa angku. Abat ngate, glong way te, ‘Yawi wa gfaurianan antam! We faurianan, we malimu, ay we fanlunus takadasug sa antam.’

Eremyas 5:24

Ay at ngay longan wa siginan at ngay amatanganan, kanya fagayu dewa glong fia te, ‘Gseg watam Yawi tam Dius, tagfon antam arak gina abagat, ay tagfon antam ngay rawvg gina fanggutluan.’

Eremyas 51:16

Siginan at aringang banwa gfangalung, ay gfae linyabu siginan sangay fungfung daga. Ay gfae limbad gina karak, ay gfadasug tagmara siginan at fagfungsuan.

Usea 2:7

Ay kanya ban dewa namafalo kafag ngay mangama, wa masud. Ay dewa yay nanrvbvy anya fagayu, wa glag. Sanya ginan, kanya glong te, ‘Kafoli kway sa ku mangama aroro gina au magamut si anya, amanabayan yap tua ku kayaunanan.’

Uel 2:23

Am fag ngay taw tagbanwan sis Siun, useganani sa tam Dius Yawi, aroro nafadasug sa ayu taguna fag arak laman gfalag te, matuyan. Kanya gfadasug tua gugat taguna ay taguyan fag arak kata ebi ginan.

Amus 4:7

Ay kwa nafarak kaduge tuluk magdanun yakmay andasug fanggutluan. Nafae arak au sa sik furuan ay sa tiba ngap kfuruan, duan. Ay nafae arak au sa sik gamasun ay sa ngap tibak gamasun wa karak.

Mikas 5:6

Ay kanya ban namabo ay nanfunan talun Asirya, Nimrud at talun. Nu katanya, ngay taw ban Asirya nu namawayan way tam talun, tam tagfangguna ban gfalangfe tua antam.

Mikas 7:7

Dewa katanya au, gafanud au sas Yawi ku Dius. Gfanya au anya, ku tagfalangfe ay ku taggubuk.”

Mateu 5:45

laman umtuyan te, am wan ay Mama tagsis banwa at ngay sisian. Aroro Dius gfasure menit sat mauri fag taw ay sat masine fag taw. Ay gfarak sat matuyan fag taw ay sat yud matuyan fag taw.

Deuterunumyu 28:12

Yawi ban gfadasug sa ayu arak gina sit buknga, siginan at fagfungsuan at fagmaramramanun sas banwa, ay kanya ban gfae masuad fagayu ay nafakamulun. Gfabedan ban am sa tibak talun at taw, dewa katanya, am ban diam gbedan.

Deuterunumyu 32:21

Ay kanya fagayu gfasulupan angku sat yud matuyan fag fagsegan, ay nafadotama angku siginan nu gseg at yud e tungkul fag ngay fagsegan. Nu katanya, gfasulupan kyangay anya fagayu siginan nu gfon au ku ngay famonun sa tibak talun. Ay gfae fakauriun kyangay anya fagayu siginan nu gfon au ku ngay famonun sat yud e fagsafulun fag ngay talun at ngay taw.