Eremyas 14:2 - Fanawbuid tagsibaliwas Fakayabian

² “Uda ay at ngay furuan kabalu. At ngay tagbanwan sis Erusalem malunggung sisad daga ay nawayway maksvn.

Eremyas 14:2 ပူးပေါင်းရင်းမြစ်များ

Ub 34:28

Kanya fagayu nafalingun at ngay taw at yud e kwa, ay Dius nadungug kafag ngay nafalingunan nu get gubuk.

Alubad. 144:14

Ay umkayu yangay nangus em ngay famaloun em ngay baka at fagnamubaun. Ay em ngay fawayan nangus wa nangiklas ya em alad furuan, ay wa ban nangus nantaban ya emi. Ay wa nangus e guro ya kalimu si em ngay dalan.

Nu Galin 2:24

Ay Dius nadungug kanya fagayu nu gdarangin aroro gidapan, ay Dius namatang at nasadian sas Abrayam, sas Isak, ay sas Akub.

Isayas 15:5

Anbalu au at kinfasludan sas Muab. Fagayu at nalagyu andasug sas Suar ay sas Eglat-Selisya. Fagayu taw gwayway kaduge gundaud sas Luit. Ay tibak taw maksvn nu gwayway gina glao sas Kurunaim, aroro at kinfasludan sa anya.

Isayas 24:11

Fagayu ban taw guro sa sangaba dalan, grvbvy fanlangu. Ay at fagusegananun ban umsik fakabaluun. Ay sas fagdaul daga we fagmanabayanun ya.

Isayas 24:4

Daga ban umgong ay umtugas. Ay fagdaul daga umkalyam ban, anggan at ngay takadungug ay at mabalyanan fag ngay taw.

Isayas 24:7

Fagayu ban tanuman wat ubas umlangke wan, ay umkamin waban at fanlangu. Ay fagayu ban taguseganan kabalu,

Isayas 3:26

Nu katanya, ngayu ban tagwayway ay takabalu sas sakbawan alad. Ay at furuan ban umkata sik mangena at malunggung way lang sis daga at kaksvnan nu kabalu, aroro fagayu at fagagbilugun namin wan.

Isayas 33:9

Afanyuan talun Israel. Anlangke wan Lebanun at ngay kayu, ay kapla wan. Datag Sarun kata way sik talun at yud e taw. Nafangatongan wan ngay kayu at don sas Basan ay sas Karmel.

Isayas 5:7

Yawi at Mabalyanan at tanuman wat ubas, ngay taw Israel wan. Ay at fagusegananun fag ngay wat ubas at bagu gtugbung, ngay taw Uda wan. Yawi at fagsegun at tanuman namasure nangus fagmatuyanun, dewa katanya, kanya fagayu nafamabul way. Ay kanya gseg yangay te, at tanuman namasure at fagyudun e malong, dewa katanya, at fakamulun, kamalingun way.

Eremyas 11:11

Nu katanya, au, Yawi, glong au te, ‘Namadasug au sa anya fagayu sik faurianan at yud e malangfe. Ay kanya ban fagayu dewa get gubuk sa angku kwa ggubuk ya.

Eremyas 12:11

Ay kanya ban fag talun we tungkul ya. Ay kafag furuan umkata sik talun at yud e taw, aroro wa ban e ggubuk ya anya.

Eremyas 12:4

Seduge ya ban lutuk nu magong ay ngay makmak nu mayangoan? Aroro siginan ngay taw at fagmauriun, ngay mangilafang ay ngay manuk tungud kabul wan. Ay kanya fagayu glong yay fia te, “Yawi wa glag em ngay fakamulun.”

Eremyas 18:22

Fabayani wan kanya fagayu nu guro kalimu, gina at ngay fawayan nanrasras at ngay bale. Ay kanya fagayu nalusung laman ku fakatongan, ay nawat yangay sangdaw laman kasangdaw au.

Eremyas 4:28

Fagdaul daga kabalu ay banwa kadulum, aroro nalong kwan ku faurianan ay kwa gfabadbalian ya. Nafalganan kwan ku namatangan ay namafasludan kwan.”

Eremyas 46:12

Ay fagayu ban talun sas fagdaul daga sumaful ay fagmaplaun ay anggan ay fagwaywayun. Ay ay ngay tagfawayan ban umbul gtudtungudan.”

Eremyas 8:21

Maksvn nu gidapan au gamatangan ku ngay kaiban at fagdalanun fag fagidapun.

Takabalu 2:8

Yawi anke algan nanrasras furuan Erusalem at alad. Kanya nafalganan laman namakamulun takatanya. Ay nafataglayun at algan.

Takabalu 2:9

Erusalem at ngay sakbawan alad anrasras wan. Yawi nalifung wan ay narasras at ngay faningding sakbawan. Ay at fun anggan at ngay tagfangguna natabanan wan sa tangayayu fag talun. We saful ya Yawi at faugali, ay ngay taglong we taginfan ya siginans Yawi.

Takabalu 5:10

At kaksvnan nu kalunus ami anke fakasaitun ami, ay maksvn nu garagnat ami.

Usea 4:3

Nu katanya, wa ban kafatugbung ya ngay fananumun sa ay daga, ay fagayu ban tagbanwan sanya maksvn nu kabalu, ay fagayu mangilafang, ay ngay manuk tungud ay anggan ngay albon, umbul wan.

Uel 1:10

Fagayu at ngay tanum sit gamasun namin wan. Ay at ngay gamasun antubas wan. Fagayu at tanum wat ubas ay ngay kayu ulibu anyango wan ay at ngay gutluan namling wan.

Uel 1:11

Am fag ngay tagtanum abalui! Ay am fag ngay tagulit wat ubas waywayi maksvn, aroro fagayu rawvg takagutlu anfangulan wan.

Uel 1:14

Nanlong am sas Uda at ngay tagfangguna ay sas fagayu tagbanwan te, fagayu am loi sas Yawi at bale laman e buknga am nu yud kon, ay eti sas Yawi te, “Gubuki emi.”

Uel 2:6

Nusnga sinu fag taw at nalag kafag ngay liung maksvn nu kalimu.

Agay 1:11

Nafagong kwan fagdaul ay talun ay fagayu buksul, nu katanya, nataipan yangay ngay rawvg, ubas at mamam, langis, ay fagayu taw, ay ay ngay fagbaugun, ay anggan fagayu ay nainlufuyan.”

Sakaryas 7:13

Aroro kanya fagayu wa gdungugan ku ngay suguan, nu katanya, kwa yangay gdungugan nu guro angku.

1 Samwel 5:12

Ngay taw at yud anbul, natayukan yangay kafag famaga. Aroro sat kindasug, kanya fagayu maksvn nu gwayway ay at kaksvnan andasug sas banwa.

1 Samwel 9:16

“Balabag ban kata katsi, gsugu kban sa emu sik taw tagsiginans Benamin. Rarusi ban sat alfuyu langis fakatoglagan te, kanya wan ku nafili at namunan ban ku ngay taw Israel. Kanya ban at namalangfe ku ngay taw siginan ngay taw Filistia, aroro nalag au ku ngay taw nu gidapan ay nadungug au nu get gubuk.”