Eremyas 14:16 - Fanawbuid tagsibaliwas Fakayabian

¹⁶ Ay e nangukas ban sas furuan Erusalem at ngay dalan at ngay kinbul at nafanud sanya fag ngay taglong. Kanya ban fagayu umbul sas awayan ay sas fanlunus. Wa ban e namoli ya at ngay mangena ay at ngay sisian. Ay namadasug kban sa anya fagayu at kasakan fag faurianan.

Eremyas 14:16 ပူးပေါင်းရင်းမြစ်များ

Fangatulun 1:31

Nu katanya, umdasug ban sa ayu fagidapun, aroro mauri way ay fakamulun anggan ay ngay algan.

Isayas 51:20

Kanya fagayu kalufuy ay mataygilid sa sangay sagbatan, kata sik ngay arasyo at kinsiuk sa sik sangdaw. Yawi at maksvn fag dotama andasug sa anya fagayu. Am Dius nasalag anya fagayu.

Isayas 9:16

Taw Israel at ngay tagfangguna gtabanan way at fagfanggunaun fag ngay taw sat yud matuyan, nu katanya, kafag ngay taw gaduanun.

Eremyas 16:4

Kanya ban fagayu umbul siginan at maksvn fag fakasaitun. Wa ban e gamatang ya ay we namoli ya anya fagayu. At ngay bilug ban grapyagan sanya fag talun kata sik fagbaugun at ngay kek. Ay e kabul yangay ban sas awayan ay sas fanlunus. Sanya ginan ban ngay manuk tungud ay at madot fag ngay mela nangon kanya fag ngay taw at ngay bilug.”

Eremyas 18:21

Nu katanya, fabayani wan at ngay sisian nu kabul sis fanlunus ay sis awayan. Fasik ngay fagbubayuni wan at ngay mangena, ay fabayani wan at ngay sisian nu kabul. Ay fabayani yangay at ngay mangama nu kabul sas fakasaitun ay at ngay baguama nu kabul sas fagawayanan.

Eremyas 20:6

Pasur, e nantaban ban emu gasfuan am ngay kalongan sas talun Babilunya. Ay sanya yangay ban nu kabul o ay nu gfoli am bilug, gasfuan am ngay fagadgalangan am fakamuagan.”

Eremyas 27:15

Katatuy Yawi at longan, ‘Kwa nasugu kanya fag ngay taglong. Kanya fagayu glong ku ngayan laman kamuag sa ayu. Nu katanya, nu nafanud way ban am, gaiyan kban ayu ay kabul ban am, gasfuan kanya fag ngay taglong.’ ”

Eremyas 4:18

Ay ngay ugali ay ay fakamulun maksvn nu mauri, kanya wan at fagindasugun sa ayu faurianan. Maksvn nu maidap at kindasug sa ayu fag faurianan! At kaksvnan kata nu natalfus sa ay ngay amatanganan.”

Eremyas 5:31

At ngay taglong kamuag nu gfoyung, ay at ngay tagfon fanggalangun gfangguna siginan at ngay sadili fagsafulun, ay ku ngay taw maksvn nu kaylat takatanya. Dewa katanya, tain ban at fakamulun nu ndasug at fakatabuan fag buknga?”

Eremyas 7:33

Ngay manuk tungud ay at madot fag ngay mela nangon ku ngay taw at bilug at mabulan, ay nusnga sinu we manansabug ya.

Eremyas 8:1

Yawi glong yay fia te, “Ginanya yangay ban fag buknga, namul ban siginans fagfolian ngay fun at ngay bini, ay Uda at ngay tagfangguna at ngay bini, ay ngay tagfon fanggalangun, ay ngay taglong, ay tagbanwan sis furuan Erusalem at ngay bini.

Eremyas 8:2

Ay namarapyagan kban sa sik talun kafag ngay taw at ngay bini. Ay matimrangan ban sis menit at sugba ay sis magdanun ay si sangay galeme at yamag. Katanya ban at faurianan sa kafag ngay taw aroro nesug menit ay magdanun ay ngay galeme, ay nafaning kafag ngay tagyamag ay ankakbang sanya ay nafauseganan.

Eremyas 9:20

Eremyas glong sa sangay mangena te, Katsi, dungugani fia Yawi at longan. Ay foyungi ay ngay baguina ay anggan ay ngay iba nu setain nu nanwayway ay nu nangabalu.

Eremyas 9:22

Ay Yawi nalong te, “At ngay mabulan kata sik fagbaugun at kek nangarapyag sa sangay gamasun, ay kata yangay taggutlu at nafamato fag ngay rawvg at yud e namul ya.

Esekyel 39:14

Ay ngay taw gfataglayun nu gfili ngay taw laman nanrvbvy ay namoli at ngay kinbul. Nu nlangfe fituk magdanun, kanya fagayu nanrvbvy fia namamin at mabulan.

Amus 7:17

Katatuy Yawi at longan sabaliwa emu te, ‘Am mangena ban umsik takamatugtug si ay furuan, ay am ngay sisian ban umbul sas awayan. Ay am ngay fawayan ban nangafudan am daga, ay o ban umbul o sa tibak talun. Ay matuyan wan e tumaban ban ngay taw Israel sa tibak talun.’ ”

Mateu 15:14

Fabayani wa anya, aroro kafag ngay taw takata way sik taw yud glag tagtabanan sik taw at yud yangay glag. Ay fagdua ro kabulsu way sasad lusung.”

At Nafasure 16:1

Ay siginan Dius at bale nadungug au sik uro gsugu sa kafag fituk tagbarita te, “Loi wan ay ugwagi sas daga kafag fituk taya at bilug, kanya wan Dius at fandotaman.”