Eremyas 14:14 - Fanawbuid tagsibaliwas Fakayabian

¹⁴ Yawi nabalus te, “Kanya fag ngay taglong kamuag sa ku ngayan. Kwe nasugu ay kwe nalong sa anya fagayu. Wa siginan angku ay we masuad kanya fagayu at taginfan at foyungan sa ayu, nu bunway siginan way at ngay amatanganan.

Eremyas 14:14 ပူးပေါင်းရင်းမြစ်များ

Isayas 56:10

Ngay taw Israel nangus at ngay tagfangguna gulit tua. Ay aroro mangaro, kanya fagayu kata way at yud glag ay at yud e fagsafulun, ay kata yangay tagulit fag ngay idu at yud gsubang ya. Kanya fagayu gtaygilidan way gugat gtiug ay gtaginfan.

Isayas 9:15

Ngay fagtainan ay at ke fanambagun fag ngay taw umkata kafag mangilafang at liug, ay takamuag fag ngay taglong umkata kafag mangilafang at iug.

Eremyas 20:6

Pasur, e nantaban ban emu gasfuan am ngay kalongan sas talun Babilunya. Ay sanya yangay ban nu kabul o ay nu gfoli am bilug, gasfuan am ngay fagadgalangan am fakamuagan.”

Eremyas 28:11

Ay kanya nalong sa sangay taw tagsanya te, “Katatuy Yawi at longan: fun Nabukudunusur kata nu nafoli sat nagbilug fag ngay talun ngay fantungud liug. Dewa katanya, nanggatvng kban kanya fag fantungud liug kaduge duak banwa.” Sanya ginan, Eremyas nalo wan.

Eremyas 28:13

“Loi sas Kananya ay nanlong o sa anya ku longan te, ‘Nagatvng wo fantungud liug fag kayu, ay nantubus au sik sanbung fag fantungud liug.

Eremyas 28:15

Sanya ginan, Eremyas nalong sas Kananya fag taglong te, “Dungugani! Yawi wa nasugu emu, dewa katanya, tuy fag talun nafanud sam fakamuaganun.

Eremyas 29:21

Katatuy Yawi at Mabalyanan, Israel at Dius, at longan sabaliwas Akab, Kulaya at baguama ay Sedekya, Maaseya at baguama: “Kanya fag duama nalong ku ngayan laman kamuagan garingang sa ayu. Nu katanya, namon au duama sas fun Nabukudunusur ay kanya namabul kafag duama si ay daga salubangan.

Eremyas 29:31

“Fabubai kanya fag rirukan sas fagayu at natabanan. Ay nanlong o sa anya fagayu te, katatuy ku longan sabaliwa Semaya tagsiginans Nekelam: Kwa nasugu Semaya laman nangaringang sa ayu. Kanya gfaylatan way ayu sat fakamuaganun.

Eremyas 37:19

Dada wan ay ngay taglong taginsaful te, fun Babilunya ban wa namawayan tuy fag furuan?

Eremyas 5:31

At ngay taglong kamuag nu gfoyung, ay at ngay tagfon fanggalangun gfangguna siginan at ngay sadili fagsafulun, ay ku ngay taw maksvn nu kaylat takatanya. Dewa katanya, tain ban at fakamulun nu ndasug at fakatabuan fag buknga?”

Eremyas 8:10

Nu katanya, namon kban at ngay mangena ay at ngay gamasun sa tibak taw. Ay dewa at yud e kwa ay takadungug, ay at ngay taglong ay at ngay tagfon fanggalangun gsud way gfangalabian salapi.

Eremyas 8:11

Kanya fagayu gfutus oma ku ngay taw at bangbang ay wa fia kasalag, nu bunway glong way te, “Mabayan waymi!” Ay aroro mangaro, wa mabayan.

Takabalu 2:14

Ay ngay taglong at ngay taginfan wa mafanud. Ay kanya fagayu wa nafoyung ya sa ayu ay ngay asalanan, laman diam gatabanan. Ay at foyungan sa ayu at yud way matuyan.

Takabalu 2:9

Erusalem at ngay sakbawan alad anrasras wan. Yawi nalifung wan ay narasras at ngay faningding sakbawan. Ay at fun anggan at ngay tagfangguna natabanan wan sa tangayayu fag talun. We saful ya Yawi at faugali, ay ngay taglong we taginfan ya siginans Yawi.

Esekyel 12:24

Matuyan, si ban sfuruan Israel we gtaginfan ya at yud matuyan, ay wa ban e glong ya at yud matuyan fag foyungan.

Esekyel 13:2

“Taw at baguama, nanlong o sat yud matuyan fag ngay taglong sis Israel te,

Esekyel 13:23

Nu katanya, umkalyam waban nu gtaginfan am yud mafanud ay nu ginsaful am yud matuyan. Namalangfe kban ku ngay taw siginan ay ngay daluap. Ay sumaful ban am te, au Yawi.’ ”

Esekyel 21:29

Kanya fag ngay taw at taginfan sabaliwas fiso wa katanya. At mafanud, kanya fag fiso mafalganan wan laman nanggatvng at mauri fag ngay taw at ngay liug. Ay andasug wan faurianan laman sa takatanya fag ngay taw.

Mikas 3:11

Gfadiuganan am sa tagfon ayu famayad gina am gfawabilugan. Anggan ngay tagfon fanggalangun nu gfoyung gbul yangay famayad. Katanya yangay ngay taglong, wa nanginsaful way ro e famayad. Ay gseg am te, Yawi ggubuk ayu, ay gamatangan yangay am te, Yawi gufud tua gugat ayu, nu katanya, we mauri takadasug sa ayu.

Sakaryas 10:2

At mafanud, tibak fagsegan ay ngay taginsaful glong way at yud matuyan, ay kamuagan nu gfoyung at ngay taginfan at masuad. Kanya dewa gfabitsug ngay taw at amatanganan, we fanambagun, nu katanya, ngay taw Israel kata ngay tupa ginkalyaman. Kanya fagayu gidapan aroro we gfangguna.

Sakaryas 13:3

Ay nu e glong yay ban gugat te, ‘Sik taglong au, ay fagayu ku longan siginans Yawi,’ at fagtainan wan at nangurus anya aroro kamuag.

Deuterunumyu 18:20

Ay fabuli wan ngay taglong, tagaringang sa ku ngayan ku nayud nasugu, ay taguro sa tibak fagsegan at ngayan.”

1 Timuteu 4:2

Takatanya fag ngay foyungan siginan way takamaningan fag ngay takamuag, ay at amatanganan annanad wan sat mauri, ay wa gfaning ya at amatanganan at masine.

1 Uan 4:1

Ku ngay fakesugun, lag am gafanud sas nusnga sinu fag taw dewa glong te, “Si wa angku at Masine fag Falad.” Nu bunway insafuli te, o at falad siginan tuas Dius, aroro ngayuk takamuagan fag taglong at kinrapyag sas fagdaul daga.