Eremyas 14:12 - Fanawbuid tagsibaliwas Fakayabian

¹² Kanya ro fag ngay taw dewa e buknga nu yud gfangon laman gdarangin, laman get gubuk sa angku, kwa ro gdungugan ya anya fagayu. Ay kanya ro fagayu dewa gfon at ngay fagirugun fag ngay fanggalangun ay at famauseganan sa angku fag ngay fanggalangun, kwa kaylat ya. Abat ngate, namabul kwan anya fagayu sas awayan, fanlunus, ay sas faurianan.”

Eremyas 14:12 ပူးပေါင်းရင်းမြစ်များ

Ub 27:9

Ay o nunda ro Dius gdungug kanya nu get gubuk, nu ndasug sa anya fagidapun.

Fangatulun 1:28

Ay gina ban am guro angku, kwa ban gbalus ayu. Grvbvy ban am angku, dewa katanya, wa ban am lumag.

Fangatulun 15:8

Yawi kauri way at mauri fag ngay taw at fanggalangun, dewa katanya, kaylat tua at matuyan fag ngay taw at darangin.

Fangatulun 21:27

Yawi kauri way taw mauri at fanggalangun, kaugat wan at algan nu mauri way.

Fangatulun 28:9

Sik taw at yud gfaning Yawi at faugali, Dius kauri way takatanya fag taw at darangin.

Isayas 58:3

Kanya fagayu gdog yay glong sa angku te, ‘Wami nafangon laman gdarangin, dewa katanya, wo kasalag emi. Nafamababaun ami, dewa katanya, wo yangay kasalag.’ Katatuy ku famalus ayu: At matuyan, kaduge am yud gfangon laman gdarangin, ay sadili way ay fagamatanganun. Gfaidapan am ay ngay tagfakamulun.

Eremyas 11:11

Nu katanya, au, Yawi, glong au te, ‘Namadasug au sa anya fagayu sik faurianan at yud e malangfe. Ay kanya ban fagayu dewa get gubuk sa angku kwa ggubuk ya.

Eremyas 11:14

“Nu katanya, Eremyas, lag o gdarangin ay lag o gfainfanyuan sa angku laman sa anya fagayu, aroro kwa ro gbalus ya anya fagayu nu naet gubuk gina e fagidapun.

Eremyas 15:1

Yawi nalong sa angku te, “Dewa yay ro Muisis ay Samwel at namainfanyuan sa angku laman sanya fag ngay taw, kwa kafanyu ya anya fagayu. Nu katanya, namayayu o anya fagayu siginan angku. Nangaiyan wo anya fagayu!

Eremyas 16:4

Kanya ban fagayu umbul siginan at maksvn fag fakasaitun. Wa ban e gamatang ya ay we namoli ya anya fagayu. At ngay bilug ban grapyagan sanya fag talun kata sik fagbaugun at ngay kek. Ay e kabul yangay ban sas awayan ay sas fanlunus. Sanya ginan ban ngay manuk tungud ay at madot fag ngay mela nangon kanya fag ngay taw at ngay bilug.”

Eremyas 21:6

Namabul au fagayu tagbanwan ste fag furuan; ngay taw ay ngay fagbaugun. Ay kanya fagayu umbul sat maksvn fag faurianan.

Eremyas 24:10

Gfadasug kban sa anya fagayu awayan, fanlunus, ay fakasaitun yakmay ban anbul si ku nafon sa anya fagayu ay sat ngay mangaguyang fag fagbanwanan.”

Eremyas 32:24

Ay katsi, ngay taw Babilunya gfabungsud lutuk si sangaba tigyangan dingding alad furuan Erusalem laman ro kanya fagayu masakbo ay magbilug kanya fag furuan. Aroro siginan sangay awayan, fanlunus, ay fakasaitun, ngayu at kinbul ay ngay taw Babilunya naago kafag furuan kata am longan.

Eremyas 6:20

We tungkul sa angku at fanggalangun fag ngay famaebebanglu dewa siginans talun Syeba, ay at mabebanglu fag langis siginan tangayayu fag talun. Kwa kaylat at fagirugun fag ngay fanggalangun. Ay kwa guseganan at ngay fanggalangun.

Eremyas 8:13

Gfabul kban anya fagayu, ay gbul kwa ban at ngay wat ubas ay igus, ay kwa ban gfae sawad ya, ay anggan ban at ngay don kalangke wan. Ay gbul kyay ban ku nafon sa anya.’ ”

Eremyas 9:16

Ay namarapyagan au anya fagayu sat fagyudun toglag fag ngay talun, ay anggan at mangaguyang at fagyudun toglag. Ay namadasug kban sa anya fagayu tagfawayan laman namawayan ay namamin.”

Esekyel 14:19

“Aroro kadotama au anya fagayu, namadasug kban sanya fag talun fakasaitun laman umbul gasfuan at ngay fagbaugun.

Esekyel 14:21

“Au, Fun Dius Yawi, glong au te, afanyuan ban furuan Erusalem gina kban nafadasug sa kafag ngay taw ku nalong fag ufatk faurianan: awayan, fanlunus, tagfangagat fag mela, ay fakasaitun. Aroro kanya ban fagayu at namabul kafag ngay taw gasfuan at ngay fagbaugun.

Esekyel 8:18

Nu katanya, ku dotama ban umdasug sa anya fagayu. Kwa ban kafanyu ya anya fagayu. Ay dewa ban guro get gubuk sa angku, kwa ban ggubuk ya.”

Usea 5:6

Dewa ban am gfon sa angku ngay tupa, ngay kambing, ay ngay baka laman ay fanggalangun ginam nangakbang sa angku, wa ban am lumag ku fagmasineun, aroro natalyuyan kwan ayu.

Amus 5:21

Yawi glong te, “Kauri kway ay ngay fagmafulun ay kwa guseganan takatanya ay ngay fakamulun.

Mikas 3:4

Gina ban am gafaurianan fag menit, get ban am gubuk sas Yawi, ay wa ban ggubuk ayu aroro sa ay fagmauriun.”

Sakaryas 7:13

Aroro kanya fagayu wa gdungugan ku ngay suguan, nu katanya, kwa yangay gdungugan nu guro angku.

Malakyas 1:10

Yawi at Mabalyanan nalong yay fia te, “Am tua ban nangus at sadi tagdingding ku sakbawan bale, laman wam namae afuy sas fagirugan nu dway matuyan! Dewa katanya, kwa guseganan ayu ay kwa kaylat ay ngay fanggalangun sa angku.

Malakyas 2:13

“Ay katatuy ya ay fakamulun, gwayway am maksvn sis Yawi at daga salubangan aroro kanya wa kasalag ya ayu, ay wa kaylat ay ngay fanggalangun.

At Nafasure 6:8

Ay nadama au, ay ku nalag sik kabayu mamalaksian. Ay tagsakay sanya at ngayan Fakabulun. Ay e gguyan anya at ngayan Kinbul at Talun. E nafon sa anya fagmabalyananun gagbilug at faufatk afud daga laman ban namabul siginans fiso ay fanlunus ay fakasaitun ay siginan tagfangagat fag ngay mela.