Eremyas 14:10 - Fanawbuid tagsibaliwas Fakayabian

¹⁰ Ay Yawi nabalus te, “Matuyan, anyayu am siginan angku. Nafaning am ay sadili fakaylatun. Nu katanya, kwa kaylat ya ayu. Ay kwa ban kalyam ya ay ngay fagmauriun, ay namaurianan au ayu.”

Eremyas 14:10 ပူးပေါင်းရင်းမြစ်များ

1 Fun 17:18

Ay kanya fag fagbubayun nalong sas Elyas te, “Dius at fagsuguan, nataw am nadotaman angku? O nastae o laman namabul ku munama aroro sa ku ngay asalanan?”

Alubad. 119:101

Gsaruy au at mauri fag ngay ugali, laman mafaning au am ngay longan.

Alubad. 95:10

Kaduge ufatk safuluk banwa maksvn nu kadotama au anya fagayu, ay nalong au te, ‘Kanya fag ngay taw natalyuyan angku ay wa nafaning ku ngay foyungan.’ ”

Nu Galin 32:34

Ay loi wan, ay namangguna o kafag ngay taw sa ku nalong emu fag talun, ay ku tagbarita gumuna ayu. Dewa katanya, gina ban andasug sik buknga, gfaurianan au nusnga sinu at nafakamulun mauri.”

Eremyas 2:36

Masakit ay malayun nu gtubus am ay fagadgalangan fag ngay talun. Dewa katanya, ay fagadgalangan ngap ban fag talun Igiptu gfapla yangay ayu kata talun Asirya at nafakamulun sa ayu.

Eremyas 3:13

Longi way lang te, “Nafamabo ami emu, Yawi em Dius, ay nafaning ami tibak fagsegan siginan nu naseg ami si sangay fun kayu at marabung at lanbung.” Ay longi yangay te, “Wami nafaning emu.” Au, Yawi, taglong tuy.’ ”

Eremyas 31:34

Wa ban e glong ya sat ngay kaiban ay sat faduksay te, ‘Toglagi tua Yawi,’ aroro kanya fagayu toglag wan angku, siginan tagafalingunan ay anggan sat ngay takadungug. Namalyam kban kanya fagayu at ngay nafakamulun at mauri, ay kwa ban gamatangan ya at ngay asalanan.

Eremyas 6:20

We tungkul sa angku at fanggalangun fag ngay famaebebanglu dewa siginans talun Syeba, ay at mabebanglu fag langis siginan tangayayu fag talun. Kwa kaylat at fagirugun fag ngay fanggalangun. Ay kwa guseganan at ngay fanggalangun.

Eremyas 8:5

Dewa katanya, am fag ngay taw Erusalem, wain ay fagtalyuyanun gugat angku? Ay wain ay fakaylatun yay gugat ay ngay fagsegan at yud matuyan, ay wayam kafoli sa angku?

Esekyel 29:16

Ngay taw Israel ban at fagsegun bunwa sa anya ya. At kinfasludan tagfamatang Israel sat asalanan nu nanget gubuk sas talun Igiptu. Ay ngay taw Israel ban sumaful te, au Yawi.’ ”

Usea 11:7

Ku ngay taw namatangan nangayayu angku, nu katanya, dewa kanya fagayu masadi nangakbang sa angku, kwa ban ggubuk ya anya.

Usea 11:9

Ay kwa ban gfasure ya at maksvn ku dotama. Ay kwa ban gfamin ngay taw Israel, aroro au wan Dius bundi au taw. Au wan at matuyan fag Dius tagufud ayu. Kwa kadasug sa ayu at ke fandotaman.

Usea 7:13

Kanya fagayu sik afanyuan fag ngay taw aroro anyayu siginan angku. Ay namamin kban anya fagayu aroro nafamabo angku. Kaylat koma ggubuk anya fagayu, dewa katanya, wa matuyan at ngay nalong sa angku.

Usea 7:2

Kanya fagayu wa gamatangan ya te, kwa ban kalyam at ngay fagmauriun. Anggan katsi, kanya fagayu gasalanan way gugat.

Usea 8:13

Kanya fagayu nafon sa angku at ngay fanggalangun ay naon yamas, dewa katanya, kwa guseganan anya fagayu. Siginan takatanya, namatang au at ngay fagmauriun, ay namaurianan au anya fagayu aroro sat ngay asalanan, ay namafoli sas talun Igiptu.

Usea 9:9

Mauri wayam kata sik ngay mangama ebi sis Gibya. Dius gamatangan gugat ay ngay fagmauriun, ay kanya gfaurianan ayu sa ay asalanan.”

Amus 3:2

“Sas fagdaul daga, am wan ku nafili laman ku ngay taw. Dewa katanya, namaurianan kban ayu aroro sa ay ngay asalanan.”

Amus 5:22

Nu katanya, dewa am namuba sa angku ay fagirugun fag ngay fanggalangun ay gutluan fag fanggalangun, ay ay nafataglu fag fagbaugun, kwa kaylat.

Ebreu 8:12

Aroro ginanya ban gfalyam kwan kafag ngay taw at fagmauriun, ay kwa ban gamatangan ya at ngay asalanan.”

1 Samwel 15:2

‘Au, Yawi at Mabalyanan, namaurianan kban ngay taw Amalek aroro kanya fagayu nafawayan ngay taw Israel gina au nafaduksun siginans talun Igiptu.