Eremyas 13:27 - Fanawbuid tagsibaliwas Fakayabian

²⁷ Nalag au ay ngay nafakamulun at mauri nu gseg am ngay fagsegan, sa sangay buksul, ay sa sangay datag. Kata am sik mangena tagfaebayad, sik tagfanugtug ay sik takamatugtug at yud kagwanta ya nu namataladan. Ngay taw Erusalem, afanyuan am! Seduge ya ban nu katanya am?”

Eremyas 13:27 ပူးပေါင်းရင်းမြစ်များ

Alubad. 94:4

Ngay taw mauri maksvn nu kamatungudun.

Alubad. 94:8

Am fag ngay taw at yud e fagsafulun, ginain ya ban nu katogdungug am? Asafuli te,

Fangatulun 1:22

“Am fag ngay taw at yud e fagsafulun, seduge ya ban nu katanya am gugat? Ay am fag ngay taw takamalingun, seduge ya ban nu kamanagsag am kamalingun gugat? Ay am fag ngay taw at yud mamatanganan, seduge ya ban nu yud am kaylat fagsafulun?

Isayas 57:7

Kawat am ay ngay fagfiangalayan sa tangabat fag ngay buksul, ay sanya wan nu gfon am ay ngay fanggalangun.

Eremyas 11:15

Ku fakesugun fag ngay taw nafakamulun ngayuk fakamulun at maksvn nu mauri. Kanya fag ngay taw wa masine ya gsakbo sa ku bale. At ngay fanggalangun wa mafafaragang takadasug fag faurianan laman sa anya fagayu. Ay kanya fagayu guseganan way at fakamulun fagayu dewa mauri.”

Eremyas 3:6

Gina Usyas gfunan, Yawi nalong sa angku te, “O nalag o at yud matuyan fag ngay taw Israel at nafakamulun? Kanya fagayu naseg tibak fagsegan si tangabat fag ngay buksul, ay si sangay fun kayu at marabung at lanbung. Kanya fagayu kata sik takamatugtug fag mangena.

Esekyel 16:23

“ ‘Au, Fun Dius Yawi, glong au te, afanyuan o! Aroro saman ya am nafakamulun mauri,

Esekyel 2:10

Kanya narafad si ku salubangan, ay dewa sit bilingan e rirukan wan. At marirukan sanya ngay fagidapun way lang ay fakabaluun.

Esekyel 20:28

Aroro gina au natabanan kafag ngay taw sa ku nafatuyanan fag daga, kanya fagayu nafon at ngay fanggalangun: ngay famaebebanglu fag lune ay ngay fanginum, si tangabat fag buksul ay sis daga fun kayu at marabung. Nu katanya, andotama au anya fagayu.

Esekyel 24:12

Dewa ro wo nafakamulun takatanya, afuy ro wa mafafalyam at ngay anenay.

Esekyel 24:13

“ ‘Matuyan, furuan Erusalem, nafasik mauri o emu siginan am nafakamulun at mauri. Gugatan koma gfasine emu, dewa katanya, wo kaylat kasine. Nu katanya, yakmay kban nafadasug sa emu ku fandotaman at maksvn, mauri way o gugat.

Esekyel 24:6

Aroro au, Fun Dius Yawi, glong au te, takamabul fag ngay taw Erusalem afanyuan wan. Kafag furuan wa kafasine ya kata sik bisu taganenay wan. Nu katanya, fasadsadiani buli am sineud fag yamas. Ay lag o gfili ya.

Esekyel 36:25

Namaramsig kban sa ayu at masine fag mamam laman umfegus am, siginan fagayu ay fagmauriun ay nu gseg am sa tibak fagsegan.

Esekyel 36:37

Fun Dius Yawi gfataglayun glong te, “Gdog kyay ban gdungugan ngay taw Israel at ngay fagetun, ay katatuy ban ku fagnamakamulunun sa anya fagayu: namayu kban anya fagayu kayu at fanggalangun fag ngay tupa galay fagmafulun sis furuan Erusalem. Nu katanya, ngayu bank taw at namanwan si sangay furuan ayu daul at kinrasras. Ay kanya ban fag ngay taw sumaful te, au Yawi.”

Esekyel 6:13

Ay gina ban at ngay kaiban at mabulan magamut sit ngay fagsegan, sit day fagirugan at ligung, ay si sangay buksul, ay si sangay tungud buksul, ay si sangay fun kayu tagbia, ay si sangay fun kayu at marabung at lanbung, ay fagayu kayu ensina at marabung, sat fagnangirugan gugat at ngay fagirugun at mabebanglu fag lune laman sat ngay fagsegan, sumaful te, au wan Yawi.

Usea 1:2

Katatuy Yawi at longan taguna sas Usea, “Famubayi sik mangena takamatugtug, ay ay ngay sisian ban kangayan te, sik takamatugtug fag mangena at sisian, aroro ku ngay taw kata sik ngay takamatugtug siginan nu gseg tibak fagsegan.”

Usea 4:2

Abat ngate, gfataglayun wayam glong at mauri sa ay iba, ay kamuag, ay kamabul, ay gfangkamul ay gfanugtug. Ay wam gfaning ya ku ngay faugali, ay wam gfaragang nu kamabul am.

Usea 8:5

Kwa kaylat ngay taw Samarya at fagsegan fag baka. Maksvn nu kadotama au anya fagayu. Seduge ya ban kanya fagayu nu yud gfakamulun at masine?

Sefanias 3:1

Sefanyas nalong te, “Ida ngay taw Erusalem! Aroro kanya fagayu kamabo Dius ay gfakamulun at mauri ay at ngay tagfangguna kamalingun.

Mateu 11:21

Ay Isus nalong te, “Ida, furuan Kurasin ay furuan Betsaida at ngay taw. Aroro nu sa di ngap furuan Tiru ay Sidun nu gfakamulun au ku nafakamulun sa ayu at madulo, kanya ro fag duak furuan glugo wan nu gubun at ngay asalanan, ay gsulun saku, ay malunggung sis dafug, laman gfalag te, gubun wan at ngay asalanan.

2 Kurintu. 12:21

Gafanawa au te, nu nadog kban manga ndasug sa ayu, Dius ban manga gfapla way angku si ay daga salubangan. Nu katanya way ban, maksvn nu kabalu au aroro ngayu yay si ayu at ke asalanan, ay at yud yay naubun at fagmauriun ay at fagfanugtugun.

2 Kurintu. 7:1

Ku fakesugun ku ngay faduksay, aroro Dius nafatuyanan tua sa antam takatanya fagayu, ubuni wan nusnge wain tagfasuya tam bilug ay tam falad. Ay kabavn ugatani tua ugalii yud e malong ay suyui Dius.

Santiagu 4:4

Wam mangaro matuyan sas Dius. O nunda wam nasaful te, nu gfagadgalangan wayam ste swa daga, gfawayan wayam Dius? Nusnga sinu tagfagadgalangan fagdaul daga, kanya gfawayan Dius.

At Nafasure 8:13

Ay sanya ginan nalag au sik bio nu glayug sis kiwang, ay nadungug au nu guro te, “Gina ban at tulu yak tagbarita nauyup at budyung, kadasug ban at maksvn fag malimu sa sangay taw tagbanwan sas fagdaul daga.”