Eremyas 13:26 - Fanawbuid tagsibaliwas Fakayabian

²⁶ Namaksvn kban ay fakaplaun kata sik mangena at malulasan.

Eremyas 13:26 ပူးပေါင်းရင်းမြစ်များ

Isayas 47:3

Ay fagayu taw lumag nu malulasan o ay umkapla o. Namaurianan au emu ay kwa ban kafanyu ya emu.”

Eremyas 13:22

Nu ginto o sam sadili te, “Wain ku faginfauriananun kata sik mangena at nagiratan at lanbung ay at natugtugan?” Andasug sa emu takatanya aroro siginan am asalanan at kayuan.

Eremyas 49:10

Ay kanya ban fagayu nanrvbvy ay nangagbilug Isaw at ngay kasugfunanan at ngay ramraman. Namul kwan at fagsuksuanan at faningding laman kanya fagayu we fagnanuksuanan ya. Nu katanya, umbul ban at ngay sisian, at ngay kalongan ay at ngay fasabale, ay wa ban e sawad ya.

Takabalu 1:8

Maksvn wan furuan Erusalem at asalanan. Nu katanya, kanya ansik mauri. Ebi tagfauseganan anya fag ngay taw, katsi gfalingun wan, aroro sat fakaplaun. Ay at kaksvnan nu kapla kanya gfandeng ay natalyuyan gidapan.

Esekyel 16:37

Namaful kban kanya fagayu ay si ban at ngay salubangan gbul kban am ngay sulun laman kanya ban fagayu lumag nu malulasan o.

Esekyel 23:29

Kanya ban fagayu kadotama ay namaurianan emu, ay nangagbilug ban fagayu am nainlufuyan. Kanya ban fag ngay taw gubun emu malulasan, ay ngay taw ban lumag nu malulasan o, ay am kayaunanan at mapla aroro sam fagmauriun nu kamatugtug o sa tibak taw.

Usea 2:10

Katsi, namasure au at fakamatugtugun sat ngay mangama at daga salubangan, ay we mafalangfe anya siginan ku faurianan.

Usea 2:12

Nanrasras kwan at ngay tanuman wat ubas ay ngay fun kayu igus ngay mangama at famayad sa anya. Namafaut kwan kafag tanuman, ay takon ban at ngay rawvg, ngay mangilafang way lang tagsis talun.

Naum 3:5

Yawi at Mabalyanan nalong te, “Am fag ngay taw Ninibe, dungugani! Ku ngay fawayan am! Nu katanya, namapla au ayu sis salubangan ngay talun ay sa sangay fagfagtainanan. Umkata am sik mangena at naurug at lanbung sitsigon at alfuyu ay anlag nu malulasan.