Eremyas 13:23 - Fanawbuid tagsibaliwas Fakayabian

²³ O katubus yay sik taw at balat at malayung? O kuti daul tagridrirukun mafabali at sigyu? Duan! Am fag ngay taw Erusalem, katanya yangay am, wam mafakamulun ya at masine aroro maksvn wan ay ngay fakamulun nu mauri.

Eremyas 13:23 ပူးပေါင်းရင်းမြစ်များ

2 Fun 17:40

Dewa katanya, kanya fag ngay taw wa nafandungug; nafataglayun way at ngay fakamulun kata ebi ginan.

Fangatulun 27:22

Dewa o gugat gfoyung sik yud e fagsafulun fag taw, wo mafafalyam siginan anya at fagyudun e fagsafulun.

Takamoyung 1:15

Wo mafalugde at mabarukung, ay wo mafatap at yud e kalag.

Isayas 1:5

Ngay taw Israel, wain ay fakamaboun gugat? O nunda kaylat am gafaurianan? Kabavn ay amatanganan wa mabayan, anggan ay basad taw anmomuy.

Eremyas 17:9

“Taw at amatanganan kamuag way gugat ay maksvn nu mauri. Sinu tagsaful te, kaksvn kanya nu mauri?

Eremyas 2:22

Dewa am gigus gugat ay grarus sa ay ngay bilug balugu, e lagan kyay gugat ay ngay asalanan. Au Yawi, ay Fun, taglong tuy.

Eremyas 2:30

Nafauri koma ay ngay sisian, dewa katanya, wa naubun at fagmauriun, ay wa nafayfoyung. Ay nafabul wam ay ngay taglong, kata sik liun takalunus nu gfabul.

Eremyas 4:22

Yawi nalong te, “Ku ngay taw we fagsafulun; kanya fagayu wa toglag angku, kata way sik ngay baguama yud e fagsafulun ay at yud gtogdungug, ay annanad gfakamulun at mauri ay wa saful gfakamulun at masine.”

Eremyas 5:3

Sanya ginan, nalong au sas Yawi te, “O grvbvy o at matuyan fag taw? Nafauri o am nafili fag ngay taw ay wa nkuri. Nafaurianan o anya fagayu ay wa kaylat gfayfoyung. Kanya fagayu nafamaogatun ay wa kaylat gubun at ngay asalanan.

Eremyas 9:5

Galay at sadi kamuag way sat ngay iba, ay nusdi sadik taw we glong ya at matuyan. At ngay leplep annanad wan nu garingang sas fakamuagun, ay gfalufuy at sadili siginan nu gfakamulun at mauri.

1 Samwel 19:21

Saul nu nasaful at kinfasludan sat ngay fagsuguan, kanya gdog yay nasugu at faduak gaban fagsuguan laman nanggamat Dabid. Dewa katanya, katanya yangay fia at kinfasludan. Ay Saul nadog yay fia nasugu at ngay fagsuguan laman nanggamat Dabid ay katanya way gugat at kinfasludan, kanya fagayu nu ndasug sanya, gfoyung yangay Dius at longan.