Eremyas 13:22 - Fanawbuid tagsibaliwas Fakayabian

²² Nu ginto o sam sadili te, “Wain ku faginfauriananun kata sik mangena at nagiratan at lanbung ay at natugtugan?” Andasug sa emu takatanya aroro siginan am asalanan at kayuan.

Eremyas 13:22 ပူးပေါင်းရင်းမြစ်များ

Isayas 20:4

Aroro Asirya at fun tumaban ban talun Igiptu ay Etiupya at ngay taw, dewa sisian ay dewa fagtainan. Fagayu ban gasifayanan way ay wa galapakan. Masure ban fagayu at ngay balitang, ay kanya ban fag ngay taw Igiptu umkapla.

Isayas 3:17

Nu katanya, namae buyu au at alfuyu, ay kanya ban fagayu umlanu.”

Isayas 47:8

Dungugani, sik tagfangaylat o sam sadili fakaylatun, ay nu gamatangan o, we kadasug sa emu at mauri. Ay nalong yay o sam sadili te, we gfasud angku. Ay nu gamatangan o, wo umsik fagbubayun, ay di mbul am ngay sisian.

Eremyas 13:26

Namaksvn kban ay fakaplaun kata sik mangena at malulasan.

Eremyas 14:16

Ay e nangukas ban sas furuan Erusalem at ngay dalan at ngay kinbul at nafanud sanya fag ngay taglong. Kanya ban fagayu umbul sas awayan ay sas fanlunus. Wa ban e namoli ya at ngay mangena ay at ngay sisian. Ay namadasug kban sa anya fagayu at kasakan fag faurianan.

Eremyas 5:19

Ay nu e ginto way ban te, ‘Wain Yawi tam Dius at fagnafakamulunun sa antam takatanya?’ balusi ban te, ‘Aroro natalyuyan am Yawi, ay naseg am tibak fagsegan si ay talun. Nu katanya, katsi nangafagsuguanan am sa ay fagyudun toglag fag gaban taw.’

Takabalu 1:8

Maksvn wan furuan Erusalem at asalanan. Nu katanya, kanya ansik mauri. Ebi tagfauseganan anya fag ngay taw, katsi gfalingun wan, aroro sat fakaplaun. Ay at kaksvnan nu kapla kanya gfandeng ay natalyuyan gidapan.

Esekyel 23:26

Ay kafag ngay taw ban nanlulas emu ay namul sim bilug fag ngay famasine at masine.

Usea 12:8

Am fag ngay taw Israel, kamatungudun am glong te, ‘Nafaful ami ramraman, ay katsi, maramraman wami. We malong ya te, anramraman ami siginan at mauri fag ngay balyawvtan, aroro nasaful waymi te, takatanya asalanan.’

Usea 2:10

Katsi, namasure au at fakamatugtugun sat ngay mangama at daga salubangan, ay we mafalangfe anya siginan ku faurianan.

Usea 2:3

Kanya nu dway gfaragang, namayud au e lanbung anya, kata gina bagu kasalug. Namakata au anya sik talun at yud e taw, ay gfabayan kwan nu kabul sas fakadanumun.

Naum 3:5

Yawi at Mabalyanan nalong te, “Am fag ngay taw Ninibe, dungugani! Ku ngay fawayan am! Nu katanya, namapla au ayu sis salubangan ngay talun ay sa sangay fagfagtainanan. Umkata am sik mangena at naurug at lanbung sitsigon at alfuyu ay anlag nu malulasan.

Sefanias 1:12

Ay ginanya yangay ban fia fag menit, namae salung au ay nanrvbvy ay namaurianan ngay taw sis Erusalem tagbanwan manabayan ay gamatangan te, ‘Yawi wa namakamulun sa emi at mauri ay at masine.’

Deuterunumyu 18:21

Tibaginan ginto am te, “Tain ro nu saful ami te, kanya Yawi at longan?”

Deuterunumyu 7:17

Malong am say ngay sadili te, “Kafag ngay talun at ngay taw amabalyanan yap tua antam, setain ban nu nangaiyan tam anya?”

Deuterunumyu 8:17

Malong ban am sa ay ngay sadili te, “Nagbilug au tuy fag ngay ramraman siginan ku fagmakatuun ay ku fagmabitsugun.”