Eremyas 13:21 - Fanawbuid tagsibaliwas Fakayabian

²¹ Tain ro am namatangan at nagbilug emu nu am fagadgalangan way fag talun? O nunda ro nu gamatangan o wa kata sik mangena tagafasalugun wan?

Eremyas 13:21 ပူးပေါင်းရင်းမြစ်များ

2 Fun 16:7

Akas nasugu at ngay tagfosuk longan laman nanlong sas Tiglat-Pileser, Asirya at fun te, “Au am fagsuguan tagfadiuganan emu. Falangfei angku siginan Aram at fun ay Israel at fun at namawayan angku.”

Isayas 10:3

Tain ban ay fakamulun nu ndasug nu gafaurianan am fag menit, gina ban faurianan andasug siginan tangayayu fag talun? Dada ban nu get am gubuk? Ay dada ban nu gfasuksuk am ay ngay ramraman?

Isayas 13:8

ay tumadtaruyan kalimu, ay dumalan ban at maksvn fag fagidapun kaksvn sik mangena nu gidapan gina gfasalug. Ay kafag ngay taw dumaddamaan, ay at kaksvnan nu kalimu, at ngay kamatan umraska.

Isayas 21:3

Katanya ku nalag si ku taginfan, ay anlimu au maksvn ay sik fansait bilug andasug sa angku, kaksvn sik mangena nu gidapan gina gfasalug.

Eremyas 2:25

Ngay taw Israel, ay ngay lapak anyangfis wan ay ay ngay mirmir an-gong wan nu gseg am sa tibak fagsegan. Dewa kaksvn nya, glong yayam gugat te, ‘Wami kaylat gubun tibak fagsegan. Kesug waymi ay gfaning anya.’

Eremyas 22:23

Am fag ngay tagbanwan sis furuan Erusalem fag bale daul tangabat at mawatan kayu sidru tagsiginans Lebanun, mafanyuan ban am gina ban andasug sa ayu fagidapun, kata ban am sik mangena tagidapan nu gfasalug.

Eremyas 30:6

E fagintoun au sa ayu. O batang wam e nalag sik mangama tagfasalug? Ay wain ku fagelaganun at mabitsug fag ngay mangama takalaksi wan, ay tagted at ungdan kata sik mangena tagafasalugun?

Eremyas 38:22

Fagayu mangena at kinfamato sim bale, ngay tagfangguna ban gtaban sas talun Babilunya. Ay kanya ban fag ngay mangena glong emu te, ‘Am ngay fagadgalangan gfalingun emu, ay am darafa malubguban way sisad lifak, ay kanya fagayu natalyuyan wan emu.’

Eremyas 4:30

Erusalem, munakbang wan nu kamin o. Nataw katsi am fakamulun? Wain am fagalanbunganun yay at masine ay am fage famasineun yay sim bilug? We tungkul ya nu kamasineun o. Am fagadgalangan fag ngay talun wa kaylat ya emu, abat ngate, namabul wan emu.

Eremyas 4:31

Nadungug au sik maksvn fag wayway ay fag fandeng kata sik mangena nu gfandeng gina gfasalug at ngenge taguna. Katanya ngay taw Erusalem nu gfandeng. Kanya fagayu gfalugde at ngay take ay gfainfanyuan get gubuk ay glong te, “Karanug au. Ku ngay fawayan namabul wan angku.”

Eremyas 48:41

Ay e nangagbilug wan tagsis Muab fag ngay furuan ay at mogat fag ngay fagsuksuanan. Ginanya ban fag ngay menit, Muab at ngay tagfawayan kalimu maksvn kata sik mangena tagafasalugun.

Eremyas 5:31

At ngay taglong kamuag nu gfoyung, ay at ngay tagfon fanggalangun gfangguna siginan at ngay sadili fagsafulun, ay ku ngay taw maksvn nu kaylat takatanya. Dewa katanya, tain ban at fakamulun nu ndasug at fakatabuan fag buknga?”

Eremyas 6:24

Nu nadungug ami takatanya, anmomuy ami ay kalimu ami ay e faganinianun kata sik mangena tagafasalugun wan.

Esekyel 28:9

O si ban manga tagfabul emu at daga salubangan malong yay o te, sik dius o? Nu sanya fag ngay taw, bunwa o dius, sik taw way o.

Mateu 24:8

Takatanya fagayu famasigad takadasug fag ngay fagidapun, kata sik mangena nu gidapan gina gafasalugun.

1 Tesalunika 5:3

Aroro gina ngay taw glong te, “Katsi manabayan ay masine,” masakit faurianan nu kadasug, kata sik mangena nu gafasalugun, ay kanya ro fagayu wa nlagyu ya.