Eremyas 13:20 - Fanawbuid tagsibaliwas Fakayabian

²⁰ Banawani ngay fawayan takadasug siginans fawalan fag alvngvdan. Furuan Erusalem, dada wan am ngay tagbanwan am fakamatungudunun fia, ebi ku nafatigwanan sa emu te, alagai?

Eremyas 13:20 ပူးပေါင်းရင်းမြစ်များ

Fangatulun 14:28

Sik fun at fagmabalyananun kalag sit fagfagtainanun fag ngay taw at kayuan, dewa katanya, nu dway ngayu at fagfunanun, gababawan way.

Eremyas 1:14

Yawi nalong te, “Matuyan am nalag, aroro e kadasug ban sik malimu siginans wala baliwa fag alvngvdan laman sa sangay taw tagbanwan ste fag talun.

Eremyas 1:15

Dungugani! Nanguro au ngay tagfawayan siginans fagayu fagfagtainanan, tagsis wala baliwa fag alvngvdan laman namawayan furuan Erusalem. Ay kanya ban fag ngay talun at ngay fun nangawat at ngay mesa fagfagtainanan sis furuan Erusalem at ngay sakbawan anggan sat ligung. Ay katanya yangay ban at fakamulun sa tibak furuan sis Uda.

Eremyas 10:22

Dungugani ngay tagfawayan takadasug siginans fawalan fag alvngvdan nu gtadtalasan! Kanya fagayu nanrasras Uda at ngay furuan ay at namanwan ban sanya ngay idu talun way lang.

Eremyas 13:17

Ay yayam gugat kaylat gdungugan, nanwayway au yud mafatoglagan aroro siginan ay fakamatungudunun. Nanwayway au maksvn ay ku liasun ganting, aroro e nantaban wan Yawi at nafili fag ngay taw.

Eremyas 25:37

Aroro Yawi maksvn nu kadotama, ngay fagfafangonan ngay fagbaugun umkata sik talun at yud e taw.

Eremyas 6:22

Yawi nalong yay fia te, “Damai! E ngay tagfawayan kadasug siginans fawalan fag alvngvdan. Kanya fagayu siginan tangayayu ay at mabalyanan fag gaban taw at mafalganan laman namawayan.

Abakuk 1:6

Ngay taw Babilunya gfangadotama ay kamabul, ay gsugu au anya fagayu laman namawayan. Kanya fagayu masakit nu gfawayan ngay talun sas fagdaul daga, laman nangagbilug ngay taw at fagbanwanan.