Eremyas 13:19 - Fanawbuid tagsibaliwas Fakayabian

¹⁹ Naningding wan sis Negeb fag ngay furuan at ngay sakbawan. Ay we masakbo ya ay we maduksun ya sanya ginan. Ay e nantaban wan fagayu tagbanwan sis Uda.

Eremyas 13:19 ပူးပေါင်းရင်းမြစ်များ

2 Fun 25:21

sis Amat fag talun. Ay sanya wan nu gfabul anya fagayu. Ay ngay taw Uda natabanan sa tangayayu fag talun.

1 Krunika 9:1

Fagayu taw Israel anriruk sas fagrirukan ngay gaban, magamut sis fagrirukan sabaliwa ngay fun sis talun Israel. Ay ngay taw Uda natabanan sas talun Babilunya aroro kanya fagayu wa matuyan sas Dius.

Ub 12:14

Dius at narasras, we mafasine ya, ay nu naubung, we mafalfas ya.

Eremyas 17:26

Ay ngay taw at nanseg Yawi at bale kadasug siginans Erusalem at ligung fag ngay talun, siginans Uda ay Benamin at ngay furuan, ay siginans sangay buksul tagsibaliwas fakayabian, ay tagsiginan tiba yak buksul, ay siginans Negeb. Kanya fagayu gbuba ngay fagirugun fag ngay fanggalangun, ay tiba yak fanggalangun, kata gutluan fag fanggalangun, at nafalganan fia fag fanggalangun, ay ngay famaebebanglu.

Eremyas 20:4

Katatuy Yawi at longan: Umlimu ban o takadasug sa emu ay sa am ngay fagadgalangan. Lumag ban o ngay fawayan nu gfabul kanya fag ngay taw sis fagawayanan. Namagbilug kban talun Uda sas Babilunya at fun. Ay kanya ban fag fun gfabul tibak taw Uda, ay tiba bank taw gatabanan.

Eremyas 24:1

Yawi nafae taginfan angku, gina Nabukudunusur, Babilunya at fun, nataban Yuyakin, Yuyakim at baguama, Uda at fun. Nataban fun Yuyakin sas talun Babilunya anggan at ngay tagfangguna, ay at ngay tagsaful kawat, ay Uda at ngay tagfakamulun. Si ku taginfan nalag au duak sabi igus at rawvg sis salubangan Yawi at bale.

Eremyas 28:4

Ay ginanya ban gfafoli kyangay fun Yuyakin, Yuyakim at baguama, ay anggan at fagfunanun fag ngay taw Uda at natabanan sas talun Babilunya, aroro ginanya ban gfatabu kwan Babilunya at fun at fagmabalyananun. Au, Yawi, taglong tuy.’ ”

Eremyas 32:44

“Ay sanya ban fag talun gdog tua e gfabayad at ngay gamasun ay kawat at ngay nasadian ay gfae famatuyan, ay e ngay tagfatuyan ban sit ngay nasadian. Katanya ban at fakamulun sas Benamin at daga, ay sa sangay daga at maligung sis Erusalem, ay sis Uda fag ngay furuan, ay sa sangay buksul ay sa tangayu fag buksul tagsis fakayabian ay anggan tagsis Negeb fag ngay daga. Umfasludan ban takatanya aroro namafoli kban ku ngay taw sat talun siginan at fagatabananan. Au, Yawi, taglong tuy.”

Eremyas 33:13

Ay umkayu ban ngay fagbaugun tagsi sangay buksul fag ngay furuan, sis fakayabian fag ngay fun buksul, sis talun Negeb, sis taw Benamin at daga, si sangay furuan tagsis ligung Erusalem, ay sis Uda fag ngay furuan. Au, Yawi, taglong tuy.”

Eremyas 39:9

Nebusaradan fag tagfangguna ngay tagulit, nafangguna laman gtaban ngay taw at kinsawad sis Erusalem, ay anggan at nafadiuganan anya fag ngay taw, natabanan wan sas talun Babilunya.

Eremyas 52:27

sis Amat fag talun. Ay sanya wan nu gfabul anya fagayu. Ay ngay taw Uda natabanan sa tangayayu fag talun.

Eremyas 52:28

Kayu tuy fun Nabukudunusur at nataban fag ngay taw Udyu: Gina kanya gfunan sis fafituk banwa, tuluk libu duak safulu e tulu. Ay gina sis falabi waluk banwa, waluk sandan tuluk safulu e dua. Ay gina sis faduak safulu e tuluk banwa, fituk sandan ufatk safulu e lima. Kayu kanya Nebusaradan at nataban. Ay fagayu at nataban ufatk libu unumk sandan.

Takabalu 1:3

Maksvn nu gfaidapan talun Uda, ay at ngay taw natabanan wan. Kanya fagayu gbanwan sa tibak talun at yud e fagmabayanun. Ay at ngay fawayan gfafalo anya fagayu ay wa malagyu ya.

Sakaryas 7:7

Katanya yangay ku longan ebi sa sangay taglong, gina Erusalem manabayan ay ngayuk taw gbanwan sanya ay gina yangay e ngay furuan sit ligung, talun Negeb ay anggan ngay buksul sas fakayabian baliwa.’ ”

Deuterunumyu 28:15

Dewa katanya, nu dway ban am gsuyu ay Dius Yawi ay way ban am fia gfaning fagayu at ngay suguan ay at faugali ku nafon ayu katsi, umfaurianan ban am takatatuy fag ngay faurianan:

Deuterunumyu 28:52

Kanya ban fagayu namawayan sas fagayu ay furuan ay Dius Yawi at nafon ayu, yakmay ban anrufa at ngay alad tangabat ayu daul ay fagsegun.

Uswe 18:5

Afudi sas fitu kanya fag talun, dewa katanya, Uda at kasugfunanan namanwan way sis siun fag alvngvdan ay Use at kasugfunanan si way baliwas wala fag alvngvdan.