Eremyas 13:18 - Fanawbuid tagsibaliwas Fakayabian

¹⁸ Yawi nasugu angku te, “Nanlong o sas fun ay sat mina te, ‘Duksuni wan siginan at fagmalunggungan aroro munakbang wan nu gbul siginan at alfuyu at ngay sangbo.’ ”

Eremyas 13:18 ပူးပေါင်းရင်းမြစ်များ

2 Fun 24:12

Yuyakin, Uda at fun, ay at mina, ay at ngay fagsuguan, ay takadungug fag ngay taw, ay ngay fun sirut nafamababaun sas Nabukudunusur. Ay gina fawaluk banwa fun Nabukudunusur nu gfunan sis Babilunya, kanya nataban Yuyakin.

2 Fun 24:15

Fun Nabukudunusur nataban yangay Yuyakin sas Babilunya, gadgaloan at mina, ay at ngay bubay, ay at ngay fun sirut, ay at takadungug fag ngay taw sis Uda.

2 Krunika 33:12

Ay kanya gina gidapan, nafamababaun ay nafainfanyuan sat Dius Yawi, at ngay mangaguyang yangay at Dius.

2 Krunika 33:19

Ay marirukan si sangay taglong at fagrirukan, Manase at darangin, ay Yawi at famalus anya, ay fagayu at asalanan ay nu kamabo Yawi. Ay marirukan yangay sanya nu inda nu kawat ngay fagnansegan, ngay turuk fagtoglagan Asera fag fagsegan, ay tiba yak fagsegan, gina kanya yud nafamababaun sas Dius.

2 Krunika 33:23

Ay kanya wa nafaning at mama at nafamababaun sas Yawi. Sarokta kanya nafamut yay at asalanan.

Nu Galin 10:3

Ay Muisis ay Arun nasas Igiptu at fun ay nalong anya te, “Katatuy Yawi at longan, ngay taw Ebreu at Dius: Seduge yaban nu yud o kamababaun sa angku? Falaoi wan ku ngay taw laman kanya mananseg angku.

Nu Galin 39:28

Anggan at ngay sangbo ay at lanbung tagtayuk at bilug mawatan yangay siginan at masine fag ramit.

Fangatulun 27:24

aroro ngay ramraman ay fagmafunanun e fakatabuan way.

Isayas 3:20

ay at ngay fansifig alfuyu, ay at ngay bauyung tagsit ngay famauyungan, ay at ngay famutus fagwan fag ngay ramit, ay at ngay fagsuadan famaebebanglu, ay at ngay fagmabalyananun fag ngay dalag,

Isayas 3:26

Nu katanya, ngayu ban tagwayway ay takabalu sas sakbawan alad. Ay at furuan ban umkata sik mangena at malunggung way lang sis daga at kaksvnan nu kabalu, aroro fagayu at fagagbilugun namin wan.

Isayas 47:1

Yawi nalong te, “Babilunya, umlunggung ban o sasad lukbu, ay wa ban o e fagfagtainanan ya. Ebi kata oma o sik maylat fag baguina, ay katsi wo katanya ya.

Eremyas 22:24

“Au Yawi, gfatuyanan au te, kafanud nu gleleg au, nangaiyan au emu Yuyakin, Uda at fun, Yuyakim at baguama. Dewa o kata sik fanumyu si ku siun fag daluap fakatoglagan ku fagmabalyananun, gbul au emu siginan ku sumyu.

Eremyas 22:26

Nangukas au ayu talanak sa tibak talun ay sanya waban nu kabul am.

Eremyas 29:2

Eremyas nu griruk gina fun Yuyakin talanak natabanan gasfuan ngay taw tagalaga at bale, ay ngay tagfangguna sis Uda ay sis Erusalem, ay ngay tagsaful kawat ay ngay tagfakamulun.

Eremyas 36:16

Ay kafag ngay tagfangguna nu nadungug fagayu at marirukan, kanya fagayu anlimu ay nadaddaman ay nalong sas Baruk te, “Nanlong tam sas fun tam ngay nadungug.”

Takabalu 1:6

Nalyam wan Erusalem at fagmasineun. Ay at ngay tagfangguna kata sik takalunus fag arasyo tagrvbvy at fagnanfangonan. Kanya fagayu anmomuy gina gafafaloan.

Takabalu 1:9

Erusalem at fagmauriun andungug sas fagayu taw, ay kanya wa nasaful at fakadasugan. Maksvn nu malimu at kindasug sanya fag furuan ay we nagubuk ya anya. Nu katanya, kanya nalong te, “Yawi, damai ku fagidapun aroro ku ngay fawayan nababo wa angku.”

Takabalu 2:10

Ngay tagfangguna sis Erusalem maragangan malunggung sis daga, ay nafasat ngay alfuyu dafug, ay nasulun saku, laman gfalag te, kabalu. Ay at ngay baguina garungan aroro kapla.

Takabalu 5:16

Wami e fagmatuyanun ya, ay afanyuan way mi lang, aroro anke asalanan ami.

Esekyel 16:12

fanumyu sim dungus, sulman ay sangbo.

Esekyel 21:26

Au, Fun Dius Yawi, glong au te, buli wan am fansifig am alfuyu ay am sangbo, aroro katsi, wa kata ya ebi ginan. Ngay tagafalingunan ban umsik mabalyanan, ay at mabalyanan ban fag taw umsik tagafalingunan.

Esekyel 24:17

Gfandeng ban o, dewa katanya, lag o gfalag te, kabalu o. Lag o gbul am fansifig am alfuyu ay am lapak. Lag o gtabun am kamatan laman gfalag o te, kabalu o maksvn. Ay lag yangay kon takabalu at fakonun.”

Esekyel 24:23

Wa yangay ban am gbul ay fansifig ay alfuyu ay ay lapak. Ay bundi ban am gwayway ay kabalu. Nu bunway kamomuy ban am ay gfandeng aroro sa ay ngay asalanan.

Esekyel 44:18

Ay kanya fagayu masine nu e ngay fansifig yangay alfuyu at mawatan siginan sik masine fag ramit, ay nu gsulun tagtayuk at bilug fag lanbung at mawatan yangay at masine fag ramit. Ay wa masine gsulun takamafangenit fag lanbung.

Daniel 5:20

Dewa katanya, kanya nafamanagsag ay nafamatungudun, nu katanya, Dius naiyan anya siginan at fagfagtainanan,

Unas 3:6

Ninibe at fun nu nadungug Unas at foyungan, kanya anlindug siginan at fagmalunggungan ay nabul at lanbung tagfatoglag te, sik fun, ay nasulun yangay saku ay nananmalunggung sas tagalukbuun fag daga laman gfalag te, gubun at asalanan.

Mateu 18:4

Nusnga sinu takamababaun katatuy fag sisian, kanya wan tagtungud sis Dius at fagfagtainanan.

Santiagu 4:10

Famababauni sa tam Fun at daga salubangan ay kanya namabat ban ayu ke fagusegananun.

1 Pedru 5:6

Nu katanya, famababauni tua sas Dius at daga fagmabalyananun, ay kanya ban gfabat ayu nu ndasug sit filian fag menit.