Eremyas 13:11 - Fanawbuid tagsibaliwas Fakayabian

¹¹ Nu setain kanya fag famutus fagwan nu gfutus taw at fagwan, kaylat kyangay nangus ngay taw Uda ay taw Erusalem nu masadi sa angku. Nafili au anya fagayu laman namauseganan ay nanseg angku, dewa katanya, kanya fagayu wa naylat. Au, Yawi, taglong tuy.”

Eremyas 13:11 ပူးပေါင်းရင်းမြစ်များ

Alubad. 135:4

Aroro kanya nafili tua ngay taw Israel, Akub at ngay kasugfunanan, laman at ngay taw.

Alubad. 147:20

Kanya wa nafakamulun takatanya sa tibak talun. Nu katanya, kafag ngay talun at taw wa saful at ngay suguan. Segi Yawi!

Alubad. 81:11

Dewa katanya, wam nafandungug ay wam nafaning angku.

Isayas 43:21

Nawat au kanya fag ngay taw laman sa angku, ay laman ban kanya fagayu namauseganan angku.

Isayas 62:12

Kanya ban kangayan te, “Yud e malong fag ngay Taw” ay “Yawi at Nafalangfe.” Ay Erusalem ban kangayan yangay te, “Mauseganan fag Furuan” ay “At Yud Mabaluanan fag Furuan.”

Eremyas 13:1

Yawi nalong te, “Loi wan ay namayad o sik famutus fagwan at mawatan siginan at masine fag ramit, ay futusi sam fagwan, dewa katanya, lag gbakbak ya.”

Eremyas 13:10

Kanya fag ngay taw at mauri, wa kaylat gfaning ku longan. Kanya fagayu nafaning way at sadili amatanganan ay naseg ngay fagsegan. Nu katanya, kanya ban fagayu umkata kafag famutus fagwan at yud e tungkul ya.

Eremyas 13:12

“Eremyas, nanlong o sa sangay taw Israel te, ‘Au Yawi, Israel at Dius, glong au te, fagayu ay fagsuadan fanlangu umkapnu fanlangu.’ Ay kanya fagayu nu glong way emu te, ‘Saful waymi te, em ngay fagsuadan ban umkapnu fanlangu,’

Eremyas 19:15

“Yawi at Mabalyanan, Israel at Dius, glong te, ‘Namadasug kban sanya fag furuan ay sa sangay furuan ayu sirut sit ligung ku nalong fag faurianan aroro kanya fag ngay taw kamatungudunun ay wa gdungugan ku ngay longan.’ ”

Eremyas 32:20

Nafakamulun o nusnge wain at madulo sis talun Igiptu, ay gfataglayun o gfakamulun takatanya anggan iste stalun Israel ay sa tibak talun. Ay siginan takatanya, andungug o sas fagayu talun.

Eremyas 33:9

Ay nu nfasludan ban takatanya, furuan Erusalem ban gfauseganan angku. Ay fagayu ban talun sas fagdaul daga gtadtaruyan kalimu nu nadungug te, furuan Erusalem e fagmasineun wan, ay maramraman, ay e fagmanabayanun siginan angku.”

Eremyas 6:17

Nu katanya, nafili au ngay tagulit ay nalong ayu te, ‘Dungugani budyung nu gawang laman sik famararang sa ayu.’ Dewa katanya, nalong wayam te, ‘Wami kaylat gdungugan.’ ”

Eremyas 7:13

Kaduge am gfakamulun at mauri, gfararang koma gugat ayu, dewa katanya, wam nadungugan. Nauro koma ayu ay wam nabalus.

Eremyas 7:23

nu bunway, nasugu kyangay te, ‘Faningi angku, ay au wan ay Dius, ay am wan ku ngay taw. Banwani kata ku nalong ayu fag balyawvtan laman ban mabayan tua nu gbanwan am.’

Eremyas 7:24

“Dewa katanya, kanya fagayu wa nafaning ay wa nadungugan angku. Abat ngate, nafaksvn way nu kamaogatun at amatanganan ay nu gfakamulun at mauri. Ay kanya fagayu abat ngate nangakbang sa angku, gfataglayun way kayayu.

Eremyas 7:26

Dewa katanya, wam nadungugan ay nafaning kanya fag ngay taglong. Ay ay ngay amatanganan amogat yap ay ngay mangaguyang at amatanganan, ay ay ngay fakamulun amauri yap ay ngay mangaguyang at nafakamulun.

Amus 3:1

Ngay taw Israel, Yawi nafalfas ay ngay mangaguyang siginans talun Igiptu. Dungugani at longan sabaliwa ayu:

Lukas 10:11

‘Gfagfag ami ngay lukbu at kindafut sa em darafa siginan ay furuan, laman sik famasaful sa ayu te, wam gfaning. Ay dewa katanya, amatangani, munakbang wan Dius nu gfagtainan ayu.’

Deuterunumyu 26:18

Ay katsi fag menit Yawi gfasure yangay sa ayu te, am wan at nafili fag ngay taw kata at fatuyanan, ay faningi ban fia fagayu at suguan.

Deuterunumyu 26:19

Ay kanya ban nanfili ayu gtungud tua sas fagayu talun at taw, ay e gfauseganan ban ayu ay sik takadungug ban am. Ay ay Dius Yawi namayud e malong ayu kata at fatuyanan.

Deuterunumyu 4:7

We tibak taw at mabalyanan at ke dius at munakbang gugat, kata Yawi tam Dius nu munakbang si antam galay tam guro anya.

1 Pedru 2:9

Dewa katanya, am sik nafili tuam fag ngay taw, ay tam Fun tuam at ngay tagfon fanggalangun, ay sik furuan at mafasamanan laman sas Dius. Dius nafili ayu laman gfoyung am at nafakamulun fag ngay madulo. Ay nauro yangay ayu siginan sad fagmadulumun laman glo am sat fagmayamagun at maksvn nu madulo.