Eremyas 13:10 - Fanawbuid tagsibaliwas Fakayabian

¹⁰ Kanya fag ngay taw at mauri, wa kaylat gfaning ku longan. Kanya fagayu nafaning way at sadili amatanganan ay naseg ngay fagsegan. Nu katanya, kanya ban fagayu umkata kafag famutus fagwan at yud e tungkul ya.

Eremyas 13:10 ပူးပေါင်းရင်းမြစ်များ

Alubad. 78:8

nu katanya, kanya ban fagayu di kata at ngay mangaguyang at nafamabo, ay at nafamaogatun, ay at yud e fagafanudun ay at yud matuyan sas Dius.

Takamoyung 11:9

Am at mabaguama yay, mabayani tua kaduge am mabaguama. Fakamuluni ay fakaylatun gfakamulun, dewa katanya, amatangani te, Dius ban gfaurianan ayu kata ay nafakamulun.

Isayas 3:24

Nu katanya, abat ngate kanya fag ngay mangena mabebanglu, basung way. Ay abat ngate at famutus fagwan sik ramit, sik lubid way, ay abat ngate at buk masine, malanu way, ay abat ngate at lanbung masine, saku way, ay abat ngate at kamatan masine, kapla way.

Eremyas 11:10

Kanya fagayu nafakamulun at mauri kata at ngay mangaguyang at nafakamulun, ay ankuri ku longan ay naseg tibak fagsegan. Ngay taw Erusalem ay taw Uda wa nafaning em nasadian.

Eremyas 11:18

Sanya ginan, Yawi nafasaful sa angku ku ngay fawayan at algan.

Eremyas 13:7

Nu katanya, anfoli au sas Liskung Eufrates laman namul, ay kanya mangaro kagirat wan ay we tungkul ya.

Eremyas 16:12

Ay fagmauriun aksvn yap tua ay ngay mangaguyang at fagmauriun. Fagayu am nafaning am ay fagmauriun ay ay ngay amatanganan takamaogatun, abat ngate am nafaning angku.

Eremyas 16:4

Kanya ban fagayu umbul siginan at maksvn fag fakasaitun. Wa ban e gamatang ya ay we namoli ya anya fagayu. At ngay bilug ban grapyagan sanya fag talun kata sik fagbaugun at ngay kek. Ay e kabul yangay ban sas awayan ay sas fanlunus. Sanya ginan ban ngay manuk tungud ay at madot fag ngay mela nangon kanya fag ngay taw at ngay bilug.”

Eremyas 20:4

Katatuy Yawi at longan: Umlimu ban o takadasug sa emu ay sa am ngay fagadgalangan. Lumag ban o ngay fawayan nu gfabul kanya fag ngay taw sis fagawayanan. Namagbilug kban talun Uda sas Babilunya at fun. Ay kanya ban fag fun gfabul tibak taw Uda, ay tiba bank taw gatabanan.

Eremyas 22:21

Nafararang kwan sa ayu ebi gina yayam manabayan, dewa katanya, wam nafandungug. Katanya wan ay ugali siginan nu mabaguama am, wam gfaning angku.

Eremyas 23:17

Katatuy kanya fag ngay taglong at longan gugat sa sangay taw at yud gdungugan ku ngay longan, ay takaylat way gfaning at ngay amatanganan: ‘Manabayan tua ban nu mabanwan am. Wa ban e kadasug sa ayu at mauri.’

Eremyas 3:17

Ay ginanya ban e gfangayan Erusalem te, ‘Yawi at fagbanwanan.’ Ay fagayu ban talun at taw nangaful sanya laman namauseganan angku. Ay kanya ban fagayu wa kamaogatun ya ay wa mauri ya at ngay amatanganan.

Eremyas 35:15

siginan ku ngay taglong. Ay ku ngay fagsuguan fag ngay taglong dewa glong gugat ayu te, “Ubuni wan ay ngay ugali at mauri, ay tubusi wan ay famanwanun, ay lag gseg ya sa tibak fagsegan, laman ban gbanwan tuam gugat si ku nafon sa ayu fag daga,” wam gafanud ay gfaning angku.

Eremyas 44:16

“Wami gafanud am ngay nalong sa emi sas Yawi at ngayan!

Eremyas 44:5

Dewa katanya, kanya fagayu wa kaylat gdungugan ku ngay taglong. Ay kanya fagayu wa naubun at ngay fagmauriun ay wa nafaragang nu girug famaebebanglu laman sa tibak fagsegan.

Eremyas 5:23

Dewa katanya, kanya fagayu kamaogatun ay kamabo, ay nalyam ay natalyuyan angku.

Eremyas 7:13

Kaduge am gfakamulun at mauri, gfararang koma gugat ayu, dewa katanya, wam nadungugan. Nauro koma ayu ay wam nabalus.

Eremyas 7:6

ay lag am gfaidapan ya ngay taw tagsiginan tibak talun, ay at yud e ngay fagtainan ya, ay ngay fagbubayun. Lag am gfabul at yud e asalanan ay lag am gseg ya tibak fagsegan tagtaban ayu sas faurianan.

Eremyas 8:5

Dewa katanya, am fag ngay taw Erusalem, wain ay fagtalyuyanun gugat angku? Ay wain ay fakaylatun yay gugat ay ngay fagsegan at yud matuyan, ay wayam kafoli sa angku?

Eremyas 9:13

Yawi gbalus te, “Anfasludan takatanya aroro kanya fagayu wa nafaning ku nafon fag ngay suguan.

Eremyas 9:14

Abat ngate, nafaning way at ngay amatanganan takamaogatun, ay naseg Baal kata at ngay mangaguyang at nafakamulun.”

Eremyas 9:6

Fagayu at fakamulun kamuag way lang, nu katanya, wa kaylat ya gtoglag angku.”

Tap 14:11

Yawi nalong sas Muisis te, “Ginain yaban tuy fag ngay taw nu gfalingun angku? Ginain yaban kanya fagayu nu yud gafanud sa angku dewa au nafakamulun at ngay madulo sa anya fagayu?

Fakamulun 7:51

Sanya ginan, Esteban nalong te, “Kamaogatun am ay amatanganan! Ay wam kaylat gdungugan ay gfaning Dius at foyungan. Nu setain ay mangaguyang at fakamulun, katanya yangay ay fakamulun. Ay gfauri am gugat at Masine fag Falad.

Ebreu 12:25

Nu katanya, am madiriani tua laman diam kauri gdungugan tagfoyung ayu. Ebi fag ngay taw at yud kaylat gdungugan Muisis at foyungan, wa nasaruy faurianan. Ay kaugat waban itam nu yud tam kalangfe nu dway tam kaylat gdungugan tagsiginans banwa fag foyungan.