Eremyas 12:9 - Fanawbuid tagsibaliwas Fakayabian

⁹ Ku nafili fag ngay taw anke fagmauriun maksvn sa angku, ay ankata sik tagfaninduk fag ngay manuk tungud. Ay tibak manuk tungud tagfaninduk naligung anya fagayu. Ay namasanya au at madot fag ngay mela laman nangon anya fagayu.

Eremyas 12:9 ပူးပေါင်းရင်းမြစ်များ

2 Fun 24:2

Yawi nafadasug sa anya ngay taw Babilunya, taw Aram, taw Muab, ay taw Amun fag ngay tagakabayuan laman namarasras Uda, kata Yawi at nalong sat ngay fagsuguan fag ngay taglong.

Isayas 2:11

Ginanya ban fag buknga, Yawi way lang ngay taw at fagfabatun ay at fagfausegananun. Kanya ban gfababa ay gfapla fagayu takamatungudun ay takamanagsag.

Isayas 2:12

Yawi at Mabalyanan nafalganan sik menit laman namaurianan fagayu takamatungudun, ay fagayu taglong te, mabalyanan ami.

Isayas 56:9

Akbangi, am fag ngay taw at madot kata ngay mangilafang sisad araw, ay namamin am ku ngay taw Israel.

Eremyas 15:3

“Au, Yawi, glong au te, namadasug kban sa anya fagayu ufatk faurianan: kanya ban fagayu kabul sas awayan, ay ngay idu nangguyudan at ngay bilug, ay ngay manuk tungud naninduk anya fagayu, ay tagfangagat fag ngay mela namamin at ngay nagsawadan.

Eremyas 2:15

At ngay fawayan kata sik ngay liun gsubang anya fagayu, ay nafauri at ngay daga, ay nairug at ngay furuan, ay we gbanwan ya sanya.

Eremyas 34:20

Ay gfon kban anya fagayu sa sangay taw takaylat gfabul anya fagayu. Ay at ngay bilug ban umsik fakonun sa sangay manuk tungud ay sa sangay mangilafang tagsis talun.

Eremyas 7:33

Ngay manuk tungud ay at madot fag ngay mela nangon ku ngay taw at bilug at mabulan, ay nusnga sinu we manansabug ya.

Takabalu 1:17

Furuan Erusalem naet gubuk, dewa katanya, we nagubuk anya. Aroro Yawi naylat Akub at ngay kasugfunanan nu gfawayan ngay talun tagsit ligung. Tibak talun natuyan te, Erusalem maksvn nu mauri.

Esekyel 34:5

Ay aroro we gulit ya, kanya fagayu narapyagan, ay tagsis talun fag ngay mangilafang naon wan.

At Nafasure 17:16

Ay am nalag fag safuluk sunge ay kafag tagfangagat fag mela, kauri kafag mangena takamatugtug, ay kanya ban fagayu namul kafag mangena at ngay ramraman ay anggan at lanbung, ay we fagagbilugun ya. Ay kanya ban nangon takamatugtug fag mangena at faknul ay at fasawadan ban nangirug wan.