Eremyas 12:5 - Fanawbuid tagsibaliwas Fakayabian

⁵ Yawi glong sas Eremyas te, “Nu kalufuy wo gfagudgunan ngay taw, kaugat wa ro sas kabayu. Ay nu nlub way o sit madatag, kaugat wa ro sis day Liskung Urdan fag funfun.

Eremyas 12:5 ပူးပေါင်းရင်းမြစ်များ

1 Krunika 12:15

Ay gina taguna fag magdanun ginanya fag banwa, kanya fagayu nadife Liskung Urdan gina maksvn nu glugwak. Ay kanya fagayu naiyan fagayu tagbanwan sis datag sis fakamenitan, ay sis fakayabian baliwa.

Fangatulun 24:10

Gina o e fagidapun, way o e fagsegun ya, kanya wan tagfatuyan te, wa maksvn am amatanganan.

Fangatulun 3:11

Ku sisian, lag o kauri Yawi nu gsalag emu, aroro kanya tagfasine am ugali.

Eremyas 11:21

Ngay taw Anatut e algan gfabul angku, kway gfaragang nu kamoyung au Yawi at longan. Nu katanya, Yawi at Mabalyanan nalong te, “Namaurianan au kanya fag ngay taw: at ngay baguama umbul sas awayan, ay at ngay sisian umbul sas lunus.

Eremyas 26:8

Ay Eremyas nu ntabu garingang, ngay tagfon fanggalangun, ay ngay taglong, ay ngay taw naligung anya, ay nalong te, “Masine nu kabul wo!

Eremyas 36:26

Abat ngate, fun nasugu way sat baguama Erakmel, ay sas Seraya, Asriel at baguama, ay sas Selemya, Abdyel at baguama te, “Gamati Baruk fag tagriruk ay Eremyas fag taglong.” Dewa katanya, Yawi nafasuksuan wan duama.

Eremyas 49:19

Sik liun tagsiginan at fagsuksuanan sis tigyangan Liskung Urdan gfarapyagan ngay tupa tagsis fagfafangonan sis day liskung. Katanya yangay ban nu namafalo au ngay taw Edum siginan at talun, ay namatigwanan kban at talun sa ku nafili fag ngay taw. Sinu takata angku? Sinu at manamaskud namabadbaboan angku? Sinu fag tagfangguna at manamawayan angku?

Eremyas 50:44

“Sik liun tagsiginan at fagsuksuanan sis tigyangan Liskung Urdan gfarapyagan ngay tupa tagsis fagfafangonan sis day liskung. Katanya yangay ban nu namafalo au ngay taw Babilunya siginan at talun. Ay namatigwanan kban at talun sa ku nafili fag ngay taw. Sinu takata angku? Sinu at manamaskud namabadbaboan angku? Sinu fag tagfangguna at manamawayan angku?

1 Pedru 4:12

Ku ngay fakesugun ku ngay faduksay, lag am kadulo dewa am gdalan at maksvn fag famaskud, ay lag am gamatangan te, wa nangus katatuy at kindasug sa antam.