Eremyas 12:3 - Fanawbuid tagsibaliwas Fakayabian

³ Yawi, dewa katanya, gtoglag tuo angku, ay saful way o ku amatanganan. Guyudani tuy fag ngay taw kata sik ngay tupa ay fasamani anya fagayu laman am fagfabulun.

Eremyas 12:3 ပူးပေါင်းရင်းမြစ်များ

2 Fun 20:3

“Yawi, amatangani tua ku ngay nafakamulun at matuyan ay nasaful wo te, fagdaul ku amatanganan nafaning ktua emu, ay fagdaul ku nafakamulun masine tua sa emu.” Ay kanya gwayway maksvn.

1 Krunika 29:17

Ku Dius, nasaful au te, nainsaful o em ngay amatanganan ay guseganan o nu nalag o te, matuyan tuami. Nu katanya, matuyan ay bundi fabulunan nu gfon au sa emu tuy fagayu. Ay guseganan au aroro nalag au te, anggan am ngay taw tagste di gafabulunan nu gfon.

Ub 23:10

Aroro kanya saful way ku fakamulun, kanya nu ntabu nu gfaskud angku, nu glag angku masine ktua, kata sik gintu at masine fia.

Alubad. 11:5

Kanya ginsaful at matuyan ay at mauri. Ay kanya kadotama at takamabul fag taw.

Alubad. 139:23

Ku Dius, damai tua gugat angku, ay insafuli tua gugat ku amatanganan. Faskudi angku ay asafuli ku ngay fagafanawaun.

Alubad. 17:3

Nainsaful o ku amatanganan, ay dewa sad yabi nafaskud o angku. Ay wo e nalag si angku nusnga setaw fag asalanan, ay kwa nalong at mauri kata tibak taw at fakamulun,

Alubad. 26:1

Yawi, fatuyani te, kdi e asalanan, aroro gugali ktua sat matuyan, ay maksvn nu gafanud au sa emu ay kwa gawabilugan ya.

Alubad. 7:9

Faragangi wan fagayu taw nu gfakamulun at mauri, ay fae fagmanabayuni sas fagayu at matuyan. O wan at matuyan fag Dius, taginsaful em ngay amatanganan ay em fakaylatun.

Eremyas 15:15

Eremyas nalong te, “Yawi, saful wayo fagayu, amatangi tua ay gubuki angku. Fasudi sas fagayu at nafauri angku. Saful au te, di o masakit gfangauri. Nu katanya, lag o gfabayan ku ngay fawayan nu gfabul angku. Amatangi ku ngay naidapan laman sa emu.

Eremyas 17:16

Yawi, nafakamulun au am nafatigwanan sa angku fag fakamulun laman sik tagalaga am ngay taw. Kwa kaylat nu gfauri o anya fagayu. Saful way o ku ngay nalong.

Eremyas 17:18

Falimui ay faplai fagayu tagfauri angku. Ay fadasugi sa anya fagayu fagmauriun laman umkamin wan. Dewa katanya, lag gfakamulun sa angku takatanya.

Eremyas 20:12

Yawi at Mabalyanan, saful way o nu sinu at matuyan aroro saful o at ngay amatanganan. Falagi sa angku nu gfasud o sa kafag ngay taw, aroro nafatigwanan kwan sa emu takatanya fagayu.

Eremyas 48:15

Dewa katanya, talun Muab ban karasras wan anggan at fagagbilugun fag ngay furuan. Ay e gfabul ban at ngay baguama at maseganama. Au, Yawi at Mabalyanan, taglong tuy.

Eremyas 50:27

Fabuli wan fagayu at tagfawayan kata nu gfabul ngay tumad baka. Fabuli wan kanya fagayu. Afanyuan kanya fagayu aroro buknga wan nu gfaurianan au anya fagayu.

Eremyas 51:4

Fagayu ban at nabasingan mataygilid way lang ngayu si sangaba dalan sis furuan Babilunya.

Uan 21:17

Ay sis fatulu ginan, Isus nadog yay fia nainto te, “Simun, Uan at baguama, o kesug o angku?” Ay Pedru kabalu aroro tulu ginan Isus nu ginto anya te, “O kesug o angku?” Ay kanya nalong anya te, “Em Fun, nasaful wo fagayu nusnge wain. Nasaful wo te, kesug au emu.” Ay Isus nalong anya te, “Fafangoni ku ngay tupa.

Santiagu 5:5

Nabul wam ay fakaylatun ay ay fagalabianun ste swa daga. Nafataglu am ay sadili kata fagfilasun fag bumbu at mafatagluan.

2 Pedru 2:12

Ay kanya fag ngay taw gfalingun nusnge wain deyud saful. Kanya kata way sik mangilafang at yud e amatanganan. Ay at faginsalugun laman taw ggamat ay gfabul anya. Kanya ban fag ngay taw kabul kata ngay mangilafang.