Eremyas 12:16 - Fanawbuid tagsibaliwas Fakayabian

¹⁶ Ay kanya ban fag ngay talun at taw nu gafanud tua fia sa angku kata ku ngay taw ay nu gfatuyan tua ban fia sa ku ngayan, kata at nafoyung sa ku ngay taw nu gfatuyanan sas Baal, kanya ban fagayu ku ngay taw yangay.

Eremyas 12:16 ပူးပေါင်းရင်းမြစ်များ

Sulumun at Alubad 1:8

Ku fakesugun fag baguina at masine, nu dyay o saful, gewan, aloi ku ngay fagbaugun at fagsian tagsa sangay tagalaga at bale ramit fagulitan. Ay fasanyai yangay nu namafangon o am ngay kambing.

Isayas 2:3

Ay kanya ban fagayu glong te, “Bastam sas Yawi at nafili fag buksul, sas Akub at Dius at bale, laman kanya ban gfoyung antam at ngay balyawvtan tam fagnamaningun.” Nu katanya, Yawi ban at foyungan kafagdaul siginans Buksul Siun, tagsis furuan Erusalem.

Isayas 42:6

Ay kanya nalong sat fagsuguan te, “Au wan Yawi at nafili emu laman namalag o te, au wan at matuyan. Ggubuk au ay gfaksvn emu, ay namasik nasadian au emu sa sangay taw, ay sik salung sas fagayu talun at taw,

Isayas 45:23

Gtuyan au te, fagayu ku ngay nalong di ban ginbalian. Fagayu taw nantudan laman gseg angku, ay namatuyanan te, gfaning ban angku.

Isayas 49:6

Kanya nalong te, “Ku fagsuguan, namafoli o ku nafasawad fag ngay taw Israel, ay saman wa kanya, ngayu yay ban ku fagnamakamulunun sa emu. Namakata kban emu sik salung sas fagayu talun at taw laman fagayu taw sas fagdaul daga umlangfe.”

Isayas 65:16

Nusnga sinu taglong te, e fon ban sas Israel ay tagfatuyan sanya fag talun, kanya masine nu gfakamulun takatanya siginan nu glong ku ngayan, at matuyan fag Dius. Aroro kwa ban gamatangan ya at kinlangfe fag ngay fagidapun.

Eremyas 16:19

Nalong au te, “Yawi, o wan ku fagmabitsugun ay ku tagfasun gina au kabalu. Fagayu talun at ngay taw tagsis fagdaul daga nangakbang sa emu ay nanlong te, ‘Em ngay mangaguyang at ngay fagsegan we masuad. Kanya fagayu we nafakamulun nusnge wain at masine.

Eremyas 18:8

ay kanya ro nu nafaragang tua nu gfakamulun at mauri, kdi ro gfafasludan ku algan sa anya fagayu.

Eremyas 3:17

Ay ginanya ban e gfangayan Erusalem te, ‘Yawi at fagbanwanan.’ Ay fagayu ban talun at taw nangaful sanya laman namauseganan angku. Ay kanya ban fagayu wa kamaogatun ya ay wa mauri ya at ngay amatanganan.

Eremyas 4:2

ay nu gfatuyan tuo fia sa angku, ay gugali at matuyan, ggubuk ban o sa sangay talun at taw 2 laman kanya fagayu gfauseganan yangay angku.”

Eremyas 5:2

Dewa am glong te, ‘Gfatuyanan au sas Yawi, tagleleg fag Dius,’ kamuag wayam.”

Eremyas 5:7

Yawi nalong sa anya fagayu te, “Wain ro ku fagfalyamun ay ngay asalanan? Ay anggan ay ngay sisian natalyuyan wan angku ay nafatuyanan sat yud matuyan fag ngay fagsegan. Nafon koma anggan sa ay ngay sisian at ngay fagayudanun. Dewa katanya, natalyuyan yayam fia angku ay maful am si takamatugtug fag mangena at bale.

Eremyas 6:16

Yawi gdog yay glong te, “Nanmalindug am sa sangay sagbatan ay famanawani fia. Ay intoi te, inday at dan ay at matuyan fag dalan, ay laoi sanya. Ay umke fagmanabayanun ban am. Dewa katanya, glong wayam te, ‘Wami kaylat nandalan sanya.’

Sefanias 1:5

Namamin kyangay anggan ngay taw tagsas tungud bale laman nanseg menit ay magdanun ay ngay galeme. Namamin kyangay ngay taw takamuagan glong te, ‘Gfaning ami emu,’ ay aroro mangaro gseg way Mulek fag fagsegan.

Sakaryas 1:6

Dewa katanya, anfasludan say ngay mangaguyang ku ngay nalong ay ku ngay famararang siginan ku ngay fagsuguan fag ngay taglong. Ay ay ngay mangaguyang namatangan ay nalong te, ‘Yawi at Mabalyanan nafaurianan antam kata tam nasalan ay at algan sa antam.’ ”

Ruma 11:17

Am at yud Udyu fag ngay taw kata wayam sik malyaman fag fun kayu at ngay sanga at kinsugfun sat matuyan fia fag fun kayu. Ay nafaungbus ayu sat kin-gatvng fag sanga at fakagatvngan. Nu katanya, ankaksvn am siginan kafag fun kayu at lalid.

Ruma 14:11

Aroro at Rirukan nafoyung wa te, “Tam Fun nalong te, ‘Au, tagleleg fag Fun, gfatuyan au te, fagayu ban taw nangalub sa ku daga salubangan, ay galay ban at sadi gseg angku.’ ”

1 Kurintu 3:9

Ami fagdua ggudgubukan ami gfakamulun, Dius at fakamulun. Ay am, Dius am at gamasun. Ay am yangay Dius at nafalindug fag bale.

Uswe 23:7

Lag am gfadiuganan at munakbang si ayu fag ngay taw, nusdi taglong at ngay fagsegan at ngayan. Ay lag yangay nanseg ay namauseganan kafag ngay fagsegan.

Rut 3:13

Stei yap tuy fagngabak yabi, ay balabag ban sbalabag sumaful ta ku kalongan at algan laman sa emu. Ay kanya ban nu kaylat tua, masine, ay nu dway ban kaylat, gfatuyanan au sas Yawi, tagleleg fag Dius te, namafasludan kban ku fanambagun sa emu. Ay katsi fag yabi, stei yap nu gtiug o.”