Eremyas 12:13 - Fanawbuid tagsibaliwas Fakayabian

¹³ Ku ngay taw natanum trigu, dewa katanya, at faggutluun ban dugi way. Ay kanya fagayu maksvn nu gfakamulun dewa katanya, wa ban e nagbulan. Kanya ban fagayu gumutlu fakaplaun aroro sa ku dotama at maksvn.”

Eremyas 12:13 ပူးပေါင်းရင်းမြစ်များ

Alubad. 78:62

Dius dewa nagbilug at ngay taw, kanya nafababawan ay nafafabul sat ngay fawayan, aroro kanya maksvn nu kadotama.

Isayas 55:2

Wain ay fagfangulanun ay ngay salapi sat yud e tungkul fag ngay fakonun? Wain ay fagfaminun ay nalufuyan sat yud mafapsug ayu? Dungugani angku, ay oni at mataba fag ngay fakonun.

Eremyas 17:10

Dewa katanya, au Yawi, saful kway taw at basad ay at amatanganan. Namakamulun kban sas galay sik taw kata at ugali ay at nafakamulun.

Eremyas 4:26

Nalag au sik gamasun tangayu gugat nu grawvg at kinkata sik talun at yud e taw. Siginans Yawi at dotama ngay furuan anrasras.

Eremyas 9:5

Galay at sadi kamuag way sat ngay iba, ay nusdi sadik taw we glong ya at matuyan. At ngay leplep annanad wan nu garingang sas fakamuagun, ay gfalufuy at sadili siginan nu gfakamulun at mauri.

Usea 8:7

Kanya fagayu kata way nu gtanum tagmara ay ggutlu tagridribudan fag tagmara. Ay kanya fagayu kata yangay sik trigu at yud e rawvg. Ay kanya nu narawvg di, tiba way ro ktalun takon.

Lebitiku 26:16

Nu katanya, katatuy ban ku fakamulun sa ayu: Sat maksvn fag fakalimuun umlipsik am, aroro gfadasug kban sa ayu fakasaitun at yud ya kafia, ay sik ragnat tagfadulum ay mata ay tagfamomuy ay bilug. Gtanum ban am, dewa katanya, wa ban am e gutluan, aroro ay ngay fawayan ban namawayan ayu ay gbul fagayu ay gutluan.

Lebitiku 26:20

Wa ban e fanambagun ay ngay nainlufuyan, aroro wa ban e rawvg ay ngay tanuman, ay wa yangay ban e rawvg ay natanum fag fun kayu.

Mikas 6:15

Ay dewa ban am at natanum, bunwa ban am taggutlu. Ay dewa ban am gturis ulibu at rawvg, bunwa ban am at nangagbilug kafag langis. Ay gturis yangay ban am rawvg ubas, dewa katanya, bunwa ban am taginum.

Abakuk 2:13

Dewa katanya, ay nataban fag ngay taw at nawat fag ngay bale, kairug way ban, nu katanya, wa ban e masuad ay ngay nainlufuyan. Yawi at Mabalyanan at nafalganan takatanya.

Agay 1:6

Ngayu oma ay natanum, dewa katanya, alay way ay gutluan. E fakonun oma am, dewa katanya, wa kasakan. E fanginum oma am, dewa katanya, kadanum yayam. E lanbung oma am, dewa katanya, karios yayam. E bulan oma am, dewa katanya, kamin way vtv.

Agay 1:9

Yawi at Mabalyanan glong yangay te, “Gseg am te, ngayu tua ban ay gutluan, dewa katanya, alay way. Nustua ay nafauli ay gutluan, nafafaragfag kway lang. Nafakamulun au sa ayu takatanya aroro nafabayan am ku bale nu maiklasan, ay fagugatanun gfasine ay ngay mesa bale way lang.

Ruma 6:21

Nataw ay nabul siginan ay nafakamulun ebi ay fakaplaun katsi? Takatanya fag ugali at fungfung fakabulun way.

Deuterunumyu 28:38

Ngayu oma ban ay ngay natanum, dewa katanya, alay way ban ay gutluan, aroro ngay liung ban kon way.