Eremyas 12:12 - Fanawbuid tagsibaliwas Fakayabian

¹² At nanrasras kadasug siginans talun at yud e taw fag ngay tagbudbuksulanun. Ay gagbilug kban anya fagayu kata sik fiso tagsumbalian at uyup laman namauri galay sik taw, ay wa ban e malagyu ya.

Eremyas 12:12 ပူးပေါင်းရင်းမြစ်များ

Isayas 34:6

Yawi at fiso gatabaun ay gatagukun, kata nu gfilas sik ngay fanggalangun fag kambing ay tupa. Aroro Yawi namabul ban fagayu taw Busra kata sik fanggalangun. Ay ngayu yay at fagnamabulun sis talun Edum.

Isayas 57:21

Sik taw at mauri wa ban mabayan nu gbanwan.” Katanya ku Dius at nalong angku.

Eremyas 15:2

Ay kanya fagayu nu nainto te, ‘Dada ro nu glao ami?’ nanlong ro wo te, ‘Yawi glong te, Fagayu ku natuyan kabul sas fakasaitun, umbul sas fakasaitun. Ay ku natuyan te, kabul sas awayan umbul sas awayan, ay ku natuyan te, kabul sas fanlunus umbul sas fanlunus, ay ku natuyan te, gatabanan, e tumaban ban.’

Eremyas 16:5

Yawi nalong yay fia te, “Lag o gsakbo sa sik bale at ke mabulan. Lag o kabalu gasfuan ngay takabalu, ay lag o gfalag am fakafanyun sas nusnga sinu. Aroro kwa kesug ya ay kafanyu kanya fag ngay taw.

Eremyas 25:11

Ay tuy ban fag talun umsik mabaluan. Ay tagbanwan sanya fag talun namakamulun sas Babilunya at fun kaduge fituk safuluk banwa.

Eremyas 3:2

Damai fia sis talun at yud e taw fag ngay tagbudbuksulanun. O nunda e ngay buknga yay sanya ay yud nafasuya? Nafasuya am ay talun. Kata am takamatugtug fag mangena tagmalunggung gugat sis day dalan laman gfanya mangama, ay kata am at mauri fag taw tagfanya at fagfauriun fag taw sis talun at yud e taw. Nafasuya wam ay daga aroro sa ay fagmauriun, ay sa nu gseg am tibak fagsegan.

Eremyas 3:21

Sis talun at yud e taw fag ngay tagbudbuksulanun, ngay taw Israel gwayway gfainfanyuan aroro kanya fagayu anyayu ay nalyam angku.

Eremyas 34:17

“Nu katanya, au, Yawi, glong au te, aroro wam nafaning angku ay wam nafalfas ay ngay fagsuguan ay ngay kaiban fag ngay taw Udyu, namalfas au ayu laman kabul am sas awayan, sas fanlunus ay sas fakasaitun. Ay namasik masuya au ayu sas fagayu fagfagtainanan at daga salubangan sas fagdaul daga.

Eremyas 4:27

Katatuy Yawi at longan te, “Fagdaul talun umrasras, dewa katanya, kya ban fia grasras.

Eremyas 46:10

Dewa katanya, tam Fun, Yawi at Mabalyanan gbabo ban gina nawayan. Ay ginanya ban kanya mafasud sat ngay fawayan. At fiso kata sik mangilafang takalunus at nangon kafag ngay taw yakmay napsug, ay at nanginum at taguk yakmay napyan. Ay kanya ban fag ngay taw at ngay bilug at mabulan, kata ban sik ngay fanggalangun sa tam Fun, Yawi at Mabalyanan, tagsi sangay furuan sas fawalan fag alvngvdan, munakbang sis Liskung Eufrates.

Eremyas 47:6

Ginto am te, seduge ya ban nu gfaragang au ku faurianan sa ayu siginan ku fiso tagsumbalian at uyup. Ay glong am te, fafolii wan am fiso sam guma ay fabayani wan emi.

Eremyas 48:2

Wa ban kafauseganan ya Muab aroro Kesbun at ngay tagfawayan e algan wan namawayan kafag talun. Ay o Madmen, am ngay fawayan ban namawayan emu ay namamin am ngay tagbanwan.

Eremyas 8:15

Nafanya oma tam fagmanabayanun, dewa katanya, we ndasug. Nafanya oma tam fagmafianun, dewa katanya, at kindasug fagmalimuun way.

Takabalu 3:17

Kwe fagmanabayanun ya, ay nalyam kwan ku kayaunanan at masine.

Esekyel 14:17

“Ay namadasug kban sanya fag talun sik awayan laman namabul at ngay tagbanwan ay at ngay fagbaugun.

Esekyel 21:28

“Taw at baguama, nanlong o sa sangay taw Amun at nafalingun ngay taw Israel te, ‘Au, Fun Dius Yawi, glong au te, fiso mafalganan wan laman namabul ayu. Ay nafanyang kwan ay maksvn nu masulo kata limbad.

Esekyel 21:4

Anud, namabul kban ayu, am tagsis dua alvngvdan.

Esekyel 21:8

Yawi nalong yay fia angku te,

Esekyel 21:9

“Taw at baguama, nanlong o ku fagyalongun sa sangay taw. Nanlong o sa anya fagayu te, ‘Au, Yawi, glong au te, nafaglat kwan ku fiso laman famabul. Ay nafanyang kmandi laman masulo kata limbad. O katsi kamanagsag yayam? O gfalingun yayam ku ngay foyungan dewa nafoyung sa ayu at matuyan?

Esekyel 5:2

Taguna fag afud namoli o sam natagis fag furuan Erusalem. Ay nangirug o sas wabilug furuan nu ntabu wo gfalag nu setain furuan Erusalem nu gababawan. Ay at faduak afud, gatvngi ay fatunglui sas furuan daul. Ay at sawad, falayugi wan sas tagmara. Aroro namabul kban ku ngay taw siginan sik fiso tagsumbalian at uyup.

Lebitiku 26:33

Umke awayan ban maksvn si ayu laman grasras ay furuan, ay namasaruayan kban ayu sa sangay talun.

Amus 9:4

Ay at ngay fawayan ban dewa tumaban anya fagayu, namabul kyay fia anya fagayu. Aroro ku algan wan namamin, ay yud nanggubuk anya fagayu.’ ”

Sefanias 2:12

Yawi nalong te, “Ngay taw Etiupya, namabul kban ayu sas awayan.

Deuterunumyu 32:42

Ay at ngay taguk ban ganting aroro sa ku bangko, ay ku fiso namabul at ngay bilug. Ay umbul yangay ban anggan at ke fakarukan, ay at maubungan, ay anggan at ngay tagfangguna.”

At Nafasure 6:4

Ay ansure yangay sadi yak kabayu, ay kafag kabayu maraska. E nafon sa tagsakay, fagmabalyananun gfalyam fagmanabayanun, ste swa daga, laman ngay taw gfadfabulan. Ay e nafon sa anya sik fiso daul tagsumbalian at uyup.