Eremyas 12:11 - Fanawbuid tagsibaliwas Fakayabian

¹¹ Ay kanya ban fag talun we tungkul ya. Ay kafag furuan umkata sik talun at yud e taw, aroro wa ban e ggubuk ya anya.

Eremyas 12:11 ပူးပေါင်းရင်းမြစ်များ

Takamoyung 7:2

Amasine yap at nanlag at kinbul nu gamut sa sik tagbia fag ngay falganan, aroro fagayu ban kabul way. Ay fagayu nangus tagleleg yay gamatangan tua gugat takatanya.

Isayas 42:25

Nu katanya, Yawi nafalag sa antam at dotama maksvn, ay nafaidapan antam sa tam ngay fawayan. Kanya nu kadotama kata sik afuy at maligung tagirug antam, aroro wa tam nafandungug ay namatangan.

Isayas 57:1

At matuyan fag taw nu nbul, we ginto ya te, “Wain at faginbulun?” Ay we nasaful te, Dius nabul wan kafag taw laman gfasaman siginans fagmauriun.

Eremyas 10:22

Dungugani ngay tagfawayan takadasug siginans fawalan fag alvngvdan nu gtadtalasan! Kanya fagayu nanrasras Uda at ngay furuan ay at namanwan ban sanya ngay idu talun way lang.

Eremyas 10:25

Fadasugi am dotama sa sangay talun at taw at yud natoglag emu ay sa sangay taw at yud nangakbang sa emu, aroro kanya fagayu nafamin Akub at kasugfunanan ay naiklas at ngay bale.

Eremyas 14:2

“Uda ay at ngay furuan kabalu. At ngay tagbanwan sis Erusalem malunggung sisad daga ay nawayway maksvn.

Eremyas 19:8

Nangiklas kban at furuan daul ay umsik fagfalingunun ban. Ay fagayu ban tagdalan sanya fag furuan garinun ay gfalingun sat kinfasludan.

Eremyas 23:10

Mapnu wan ste fag talun tagseg tibak fagsegan, aroro sat ngay taglong at ngay fakamulun at mauri ay nu gfasawe nu gfakamulun. Nu katanya, Yawi nafauri kafag ngay taw at talun, ay at ngay fananumun an-gong wan ay anlangke.

Eremyas 25:11

Ay tuy ban fag talun umsik mabaluan. Ay tagbanwan sanya fag talun namakamulun sas Babilunya at fun kaduge fituk safuluk banwa.

Eremyas 4:20

Gdoddogan faurianan nu kadasug, ay fagdaul talun anrasras wan. Anggan ku ngay bale ramit anrasras yangay.

Eremyas 4:27

Katatuy Yawi at longan te, “Fagdaul talun umrasras, dewa katanya, kya ban fia grasras.

Eremyas 4:28

Fagdaul daga kabalu ay banwa kadulum, aroro nalong kwan ku faurianan ay kwa gfabadbalian ya. Nafalganan kwan ku namatangan ay namafasludan kwan.”

Eremyas 6:8

Ngay taw tagbanwan sis Erusalem, kanya sik famararang sa ayu, ay nu dway am kaylat gdungugan, nangayayu au siginan ayu, ay ay talun umsik mabaluanan at yud e gbanwan ya.”

Eremyas 9:10

Eremyas nalong te, Nanwayway au maksvn laman sa sangay buksul ay sa sangay fagnamafangonan, aroro at makmak an-gong wan ay we gdalan ya sanya. Ay kwe dungganan ya ngay baka nu guni, ay anggan ngay manuk tungud ay tiba yak mela anyayu wan.

Eremyas 9:11

Yawi glong te, “Nanrasras kwan Erusalem, ay kanya umkata at kinbaras fag ngay gang, ay tagbanwan ban sanya idu talun way lang. Ay fagayu ban furuan tagsis Uda namakata au at yud e taw fag talun, ay wa ban e gbanwan ya sanya.”

Eremyas 9:9

O nunda ya nsak at fagmauriun laman gfaurianan au anya fagayu? O ay nunda kwa masine gfasud takatanya fag ngay taw? Au, Yawi, taglong tuy.”

Uel 1:10

Fagayu at ngay tanum sit gamasun namin wan. Ay at ngay gamasun antubas wan. Fagayu at tanum wat ubas ay ngay kayu ulibu anyango wan ay at ngay gutluan namling wan.

Lebitiku 26:32

Nanrasras kban ay ngay talun ay ay ngay fawayan ban at nangagbilug ayu, kadulo.

Sakaryas 7:5

“Nanlong o sas fagayu taw Israel ay anggan sa sangay tagfon fanggalangun te, ‘Kaduge fituk safuluk banwa galay sis falima ay fafituk magdanun, kabalu am ay wam gfangon laman gdarangin, dewa katanya, bunwa laman sa angku.

Ruma 8:22

Ay saful tam te, Dius at awatan gfandeng gidapan dasug katsi, kata sik mangena nu gfasalug.