Eremyas 12:10 - Fanawbuid tagsibaliwas Fakayabian

¹⁰ Ngayuk tagfangguna nanrasras Uda, ku nafangayan fia te, ku tanuman wat ubas. Ay kanya umkata sik talun at yud e taw.

Eremyas 12:10 ပူးပေါင်းရင်းမြစ်များ

Isayas 3:14

Kanya andasug laman namoyung te, sinu fag ngay tagfangguna at ke asalanan. Katatuy at longan sa kafag ngay tagfangguna, “Nafauri am ku tanuman wat ubas, at masuad te, ku ngay taw. Ay nafapnu am sa ay ngay bale nusnge wain ay nabul siginan at yud e kwa fag ngay taw.

Isayas 43:28

Nu katanya, nafae fakaplaun au am ngay tagfon fanggalangun, ay o, Israel, nafabayan au emu gafaurianan ay gafaplan.

Isayas 63:18

Ay sik kadugayun, am ngay taw oma tagagbilug am Bale, ay katsi, em ngay fawayan narasras wan.

Eremyas 23:1

Yawi, Israel at Dius, glong te, “Am fag ngay tagfangguna ku ngay taw afanyuan am! Am wan ku fagfatigwanan tagalaga ku ngay taw kata sik tagalaga ngay tupa, dewa katanya, nafabayan am kanya fagayu nu kabul ay nu gfanaruayan. Takatanya ay nafakamulun, nafasaruayan wayam ku ngay taw. Nu katanya, namaurianan au ayu. Anud wan, namaurianan au ayu aroro sa ay ngay nafakamulun at mauri.

Eremyas 25:37

Aroro Yawi maksvn nu kadotama, ngay fagfafangonan ngay fagbaugun umkata sik talun at yud e taw.

Eremyas 25:38

Yawi kata sik liun at nalfas siginan at luib laman nanrvbvy at fagnangonun. Mabalu way lang ban si ay talun, aroro ay ngay fawayan at nafakamulun ay aroro maksvn Yawi nu kadotama.

Eremyas 25:9

namadasug au sa ayu sik ngay tagfawayan siginans fawalan fag alvngvdan ay ku fagsuguan Nabukudunusur, Babilunya at fun, tagfangguna. Kanya namawayan sa ay talun, ay sa sangay tagbanwan sanya, ay anggan sa sangay furuan tagsi ay ligung. Namamin kwan ayu, ay tiba bank taw umdulo at kindasug sa ayu, ay gfalingun ban gugat ayu aroro ay talun ban marasrasan way gugat.

Eremyas 3:19

Ay guseganan kban glong te, ‘Am wan ku ngay sisian ay gfon kban sa ayu sik talun at masine, sik masine fia fag famonun sas fagdaul daga.’ Nu glong au, gngayan ban am angku te, ‘Mama’ ay wa ban am kasaruayan ya siginan angku.

Eremyas 39:3

Ay talun Babilunya at ngay tagfawayan nu nasakbo wan sas Erusalem, at ngay tagfangguna namalunggung sis wabilug furuan at sakbawan. Tagsanya, Nergal-Sareser tagsiginans Samgar, Nebu-Sarsekim fag tagfangguna ay sik tagfangguna at ngayan yangay te, Nergal-Sareser, ay tiba yak tagfangguna.

Eremyas 6:3

Ngay tagfangguna ay at ngay tagfawayan nanligung furuan Erusalem. Kanya fagayu nangawat at ngay bale ramit nusnga nday at fakaylatun.

Eremyas 9:10

Eremyas nalong te, Nanwayway au maksvn laman sa sangay buksul ay sa sangay fagnamafangonan, aroro at makmak an-gong wan ay we gdalan ya sanya. Ay kwe dungganan ya ngay baka nu guni, ay anggan ngay manuk tungud ay tiba yak mela anyayu wan.

Esekyel 34:2

“Taw at baguama, nangaringang o sabaliwas Israel at ngay tagulit. Nanlong o sanya fag ngay taw te, ‘Fun Dius Yawi glong te, Afanyuan am. Ay fagalagaun ay ngay sadili way. O nunda tagalaga tupa, bunwa tupa at fagalagaun?

Esekyel 34:5

Ay aroro we gulit ya, kanya fagayu narapyagan, ay tagsis talun fag ngay mangilafang naon wan.

Daniel 8:13

Ay nadungug au duak tagbarita nu gkamatoan. At sadi nainto te, “Seduge ban nu yud gfon ya fanggalangun kayu menit, ay nu gfauri Yawi at bale, ay nu grasras tagsis banwa fag ngay awatan, kata kafag taginfan?”

Sakaryas 7:14

Kata au sik maksvn fag tagmara namarapyagan au anya fagayu sas nusnga nday fag talun. Kanya fagayu naubun at ngay talun at masine nu katanya, we masuad ya ay we manamanwan ya.”

Lukas 21:14

Faksvni ay amatanganan, laman diam gafanawa te, tain ban ay famalus.

At Nafasure 11:2

Ay lag o namasud ya sas Dius at ligung bale, aroro sanya nafon wan sa sangay taw at yud natoglag Dius. Ay kanya ban fag ngay taw nangiklas furuan Erusalem, kaduge ufatk safulu e duak magdanun.