Eremyas 12:1 - Fanawbuid tagsibaliwas Fakayabian

¹ Yawi, kabavn matuyan tuo dewa au nafamayud sa emu. Ay katsi e fagintoun au sa emu: wain ro at mauri fag ngay taw at fakaramramanun? Ay wain ngay taw takamabo emu fagmanabayanun?

Eremyas 12:1 ပူးပေါင်းရင်းမြစ်များ

Fakasigadan 18:25

Gafanud au te, di ro wo nangus gfaurianan at matuyan fag ngay taw gasfuan at mauri fag ngay taw. Ay di ro nangus gsudsudan nu gdama o anya fagayu. O wan tagsaful fagayu taw te, o e asalanan, nu katanya, fakamuluni kata am algan.”

Esra 9:15

Yawi, Israel at Dius, matuyan tuo. Aroro naylat tuo nu kae sawad ami dasug katsi. Gtuyan ami te, e ngay asalanan ami, ay wami manangalindug ya sa am fagmasineun, aroro e ngay asalanan ami.”

Nemyas 9:33

Matuyan gfaurianan o emi. Ay matuyan yangay o sa emi, dewa katanya, sik ngay tagasalanan waymi.

Ub 12:6

Dewa katanya, takamabul fag ngay taw manabayan nu gbanwan, ay ngay taw takauri Dius maseganama tua, dewa katanya, kanya fagayu at fagsegan at sadili way lang fagmakatuun.

Ub 13:3

Dewa katanya, kwa namabadbaboan ayu sabaliwa ku kayaunanan, nu bunway nu namadasug au ku kayaunanan sa tua at mabalyanan fag Dius.

Ub 24:12

Ay sis furuan daul ngay taw tagakabulun gfandeng, ay at natayukan fag ngay taw guro get gubuk. Dewa katanya, Dius wa ggubuk.

Ub 24:23

Dius kaylat way kanya fagayu nu gbanwan manabayan, ay aroro mangaro gulit way at ngay fakamulun.

Ub 8:17

At ngay lalid gulitan gang, ay kaylat sa tagagangun.

Alubad. 116:5

Yawi tam Dius, masine, matuyan ay mafangafanyu.

Alubad. 119:137

Yawi, matuyan tuo, ay matuyan yangay am ngay faugali.

Alubad. 119:75

Yawi, nasaful au te, am ngay faugali matuyan, ay aroro matuyan o, nafaurianan o angku laman sumaful au at matuyan.

Alubad. 145:17

Yawi, fagayu am balyawvtan matuyan, ay sas fagayu am fakamulun, mafangafanyu tuo.

Alubad. 37:1

Lag o galabian ngay taw tagfakamulun at mauri, ay lag o gafanawa anya fagayu.

Alubad. 37:35

Nalag au sik taw mauri nu kamalingun. Kanya kamatungudun, kata sik tangabat fag fun kayu sis buksul Lebanun.

Alubad. 51:4

Anke asalanan au, kaugat wan sa emu. Nafakamulun au at mauri sam daga salubangan. Matuyan am longan te, e asalanan au, ay matuyan wan gfaurianan o angku.

Alubad. 51:6

Am fakaylatun sa angku sik matuyan fag amatanganan, nu katanya, fae fagsafuluni angku.

Alubad. 92:7

Kanya fagayu, dewa anke fagmakatuun, kata way sik makmak at natugbung oma masakit ay at kinke barugwak, kanya ban fagayu gafaurianan way.

Fangatulun 1:32

Aroro tagfabul at yud mamatanganan fag ngay taw at fakamaboun wan, ay tagfaurianan ngay taw at yud e fagsafulun, at fagyudun wa gfae masuad.

Takamoyung 8:14

At maidap stes fagdaul daga tibaginan at masine way fag ngay taw tagafaurianan at faurianan ma sat mauri fag taw. Ay at mauri way fag ngay taw tagbul at famonun laman sat matuyan fag ngay taw. Takatanya wa yangay e masuad.

Isayas 41:21

Yawi, Israel at Fun nalong sa sangay fagsegan te, “Agvd, longi ay famayudi kata ay fagsafulun!

Isayas 48:8

Wam nadungugan ay wam natogdungug kanya fagayu, aroro siginan ebi wam gdungugan. Nasaful kwa te, kamabo am, aroro siginan nu kasalug am kamabo wayam.

Eremyas 11:20

Dewa katanya, nadarangin au te, “Yawi at Mabalyanan, matuyan tua nu ginsaful o, ay saful o taw at amatanganan. O wan tagfasud kanya fag ngay taw, nu katanya, gfatigwanan kwan sa emu ku ngay fakamulun.”

Eremyas 12:6

Dewa am ngay faduksay ay am kalongan at nafamabo emu. Ay kanya fagayu anke algan mauri sa emu. Nu katanya, lag o gafanud kanya fagayu dewa mafalukmeanan fia nu garingang.”

Eremyas 3:20

Dewa katanya, ngay taw Israel natalyuyan angku, kata sik mangena at naubun at indugan. Au, Yawi, taglong tuy.”

Eremyas 3:7

Nu glong kro, kanya fagayu nu ddi gfakamulun ya takatanya, kafoli wan sa angku, ay aroro mangaro, duan. Ay takamabo fag ngay taw Uda nalag at faduksay fag ngay taw Israel takamabo at nafakamulun.

Eremyas 32:16

Ay nu nafon kwan em nasadian sas Baruk, Nerya at baguama, nadarangin au te,

Eremyas 5:11

Ngay taw Israel ay ngay taw Uda wa matuyan ya sa angku. Au, Yawi, taglong tuy.

Eremyas 9:2

Nu e fagbanwanan kdi sat yud e taw fag talun, namanwan au laman kayayu ku ngay iba, aroro kanya fagayu nafamabo kata sik mangena takamatugtug.

Takabalu 1:18

Erusalem nalong te, “Yawi matuyan, dewa katanya, kwa nafaning at ngay suguan. Nu katanya, fagayu am, dungugani ay damai ku fagidapun. E nataban wan ku ngay baguama ay ku ngay baguina.

Esekyel 18:25

“Ay gamatangan wayam manga te, Fun Dius at fakamulun wa matuyan. Ngay taw Israel, amatangani! O ku fakamulun at yud matuyan ay mannga ay fakamulun?

Daniel 9:14

Nu katanya, nafaurianan o emi, ay nafakamulun takatatuy aroro fagayu am fakamulun matuyan. Dewa katanya, wami nafaning emu.

Daniel 9:7

“Em Fun, matuyan tuo, dewa katanya, dasug katsi tagsi emi fakaplaun way. Anggan ngay taw Uda ay Erusalem, ay anggan fagayu taw Israel am nafarapyagan sa sangay talun at munakbang ay tangayayu aroro nafamabo emu.

Usea 6:7

Nafaning wayam Adan, wam nafaning tam nasadian. Natalyuyan am angku gina am si ay talun.

Abakuk 1:4

Nu katanya, am faugali we tungkul ya. Ay wa yangay e fagmatuyanun ya aroro tagfawabilugan at fagfadiugananun at ke asalanan way fag ngay taw, bunwa at yud e asalanan. Nu katanya, fagmatuyanun we tungkul ya.”

Sefanias 3:5

Dewa katanya, Yawi at fagmasineun si tua gugat at furuan. Yawi gfakamulun at matuyan, ay gfasure at fagmatuyanun kayu balabag, ay katanya tua gugat. Dewa katanya, tagfakamulun at mauri we apla ya.”

Malakyas 2:17

Malakyas nalong yangay sa sangay taw Israel te, “Nafauri am Yawi siginan ay ngay nalong. “Dewa katanya, ginto am te, ‘Nataw nunda em ngay nalong at mauri ay at yud matuyan sa anya?’ “Nalong am te, ‘Tagfakamulun at mauri, masine way sis Dius at daga salubangan. Nu katanya, dada wan Dius at matuyan nu gfawabilugan?’ ”

Malakyas 3:15

Ay malong tam te, ‘Takamatungudun fag ngay taw mauseganan, aroro kanya fagayu kae ngay ramraman tua. Ay kanya fagayu wa gafaurianan, dewa nafaskud Dius.’ ”

Deuterunumyu 32:4

Kanya ku fagsarigan fag gang, ay at fakamulun matuyan, ay fagayu at balyawvtan mafanud. Sia wan at matuyan fag Dius ay di gfakamulun at mauri; kanya matuyan tua ay di e fagfili.