Eremyas 11:4 - Fanawbuid tagsibaliwas Fakayabian

⁴ Katatuy em nasadian: gina au gfaduksun ay ngay mangaguyang siginans talun Igiptu takata sik faygangan daul at mafatinas sanbung, nalong au sa anya fagayu te, ‘Faningi ku ngay suguan, aroro nu gfaning tua ban am angku ay ku ngay suguan, am waban ku ngay taw, ay au ay Dius.

Eremyas 11:4 ပူးပေါင်းရင်းမြစ်များ

Fakasigadan 17:8

Katsi sik ngay betaw wayam sis talun Kanaan, ay dewa katanya, namagbilug kban kabavn sa emu ay anggan sam ngay kasugfunanan tuy fag talun, ay au tua ban gugat ay Dius.”

1 Fun 8:51

Aroro tuy am nafili fag ngay taw laman am fagagbilugun, am nataban siginans Igiptu fag talun takata sik faygangan daul tagigang.

2 Fun 18:6

Ay kabavn kanya matuyan sas Yawi sas fagayu nusnge wain ay gfaning fia fagayu at suguan at nafon sas Muisis.

Nu Galin 20:6

Dewa katanya, gfalag au sas fagayu kasugfunanan takesug angku ay tagfaning ku ngay suguan te, kesug au anya fagayu.

Isayas 30:6

Katatuy Dius at foyungan sanya fag ngay mangilafang baliwa tagsis talun Negeb: Ngay taw Uda nalo sa sik talun maidap at dalan, ay e liun, ay e ngay ule ay dot kata tua nu glayug. Ay nafabuba at ngay fagmaramramanun sat ngay asnu ay kamelyu, laman famonun sa sik talun at ngay taw at yud mafagubuk anya nusdi alay.

Isayas 48:10

Nu gfasine au ayu, di kata nu gfasine sik salapi, aroro nu gfasine au ayu siginan tua nu gfaidapan au ayu.

Eremyas 11:7

Siginan nu gfaduksun au ay ngay mangaguyang siginans talun Igiptu dasug katsi, gfamatang koma gugat sa anya fagayu te, faningi tua angku.

Eremyas 24:7

Namon kban sa anya fagayu sik amatanganan laman gtoglag tua angku te, au Yawi. Ay gtuyan kban anya fagayu te, ku ngay taw, ay kanya ban fagayu gtuyan te, au wan at Dius, aroro kanya ban fagayu kafoli wan sa angku sas fagdaul at amatanganan.

Eremyas 26:13

Nu katanya, fabalii wan ay ngay ugali ay anggan nu mabanwan am, ay faningi tua ay Dius Yawi. Aroro nu nafakamulun tua ban am takatanya, Yawi ban wa gfataglayun nu gfaurianan ayu.

Eremyas 30:22

Kanya ban fagayu ku ngay taw ay au ban at Dius.”

Eremyas 32:28

Nu katanya, amatangani, namon kwan tuy fag furuan sa sangay taw Babilunya ay sat fun Nabukudunusur, ay kanya ban fagayu gagbilug wan tuy fag furuan.

Eremyas 38:20

Ay Eremyas glong anya te, “Nu gfaning tua ban o Yawi at longan, ngay taw Babilunya ro wa gfon emu sa kafag ngay taw Udyu. Wa ro wo kabul ay wa ro e kadasug sa emu nusnge wain at mauri.

Esekyel 11:20

Gina kban nafaful ayu, gfaning ban am ku ngay suguan ay ku ngay faugali. Ay ku ngay taw ban am, ay au, ay Dius.

Esekyel 14:11

Namakamulun kban takatanya, laman ban ngay taw Israel wa kayayu siginan angku, ay wa gfauri ya at ngay mesa sadili siginan nu gasalanan. Nu katanya tua, kanya fagayu ku ngay taw, ay au ban at Dius. Au, Fun Dius Yawi taglong tuy.’ ”

Esekyel 36:28

Namanwan ban am sa ku nafon sa ay ngay mangaguyang fag talun. Am waban ku ngay taw ay au ban ay Dius.

Esekyel 37:23

Kanya ban fag ngay taw wa namasuya ya at ngay sadili siginan nu nanseg ngay fagsegan at maksvn nu masuya ay nu namakamulun nusnga setaw at mauri. Aroro namalyam kban at ngay asalanan laman namalangfe au anya fagayu. Kanya ban fagayu ku ngay taw, ay au ban at Dius.

Esekyel 37:27

Namanwan kban gugat magamut anya fagayu, ay au ban kafag ngay taw at Dius, ay kanya ban fagayu ku ngay taw.

Daniel 3:26

Nu katanya, fun Nabukudunusur ankakbang sas sakbawan faygangan ay nauro kanya fag tulu te, “Tiba Tungud fag Dius at ngay fagsuguan, gewan, duksuni sanya ginan.” Ay kanya fag tulu naduksun.

Lebitiku 26:12

Gufud kban gugat ayu, ay au ban ay Dius, ay kabavn ban gtuyan au te, am wan ku ngay taw.

Lebitiku 26:3

“Ay nu gfaning tua ban am fagayu ku ngay suguan ay ku ngay faugali,

Sakaryas 13:9

Ay at sadi fag afud namasine au kata nu e nafasine sik salapi sasad afuy. Namaskud au anya fagayu kata nu gfaskud sik gintu sasad afuy. Kanya ban fagayu nanguro sa angku ay gbalus ktua ban. Gtuyan kban anya fagayu te, ku ngay taw, ay kanya ban fagayu gtuyan te, ‘Yawi em Dius.’ ”

Sakaryas 6:15

“Ngay taw kadasug siginan tangayayu fag talun laman nanggubuk nangawat Yawi at bale. Umfasludan takatanya ay sumaful am te, Yawi at Mabalyanan at nasugu angku stae sa ayu. Matuyan umfasludan takatanya fagayu, nu gfaning tua ban am ay Dius Yawi.”

Sakaryas 8:8

Namafoli au anya fagayu sas Erusalem, ay namabanwan sanya. Ay gdog kyay ban gtuyan anya fagayu te, ku ngay taw, ay au ban at Dius at matuyan ay at mafanggubuk.”

Mateu 28:20

Foyungi sa anya fagayu, laman gfaning fagayu ku longan sa ayu. Matuyan, si ktua ban gugat ayu, sitsigons fagdaul daga at fakatabuan.”

2 Kurintu. 6:16

Ay Dius at bale wa masine namadgaloan sat yud matuyan fag ngay fagsegan. Itam wan tagleleg fag Dius at bale. Ay Dius yangay at nalong te, “Gbanwan kban ay galo kanya fag ngay taw. Au ban kafag ngay taw at Dius, ay kanya ban fagayu ku ngay taw.”

Deuterunumyu 11:27

Nung tua ban am gfaning ay Dius Yawi at ngay suguan ku nafon ayu katsi, kanya ban gfon ayu nusnga setaw.

Deuterunumyu 4:20

Amatangani gugat te, ay Dius Yawi nataban ayu siginans talun Igiptu, siginans talun takata sik faigangan tagigang, laman at ngay taw ban am fia, ay katsi anud am wan at ngay taw.

Deuterunumyu 5:6

“Au wan ay Dius Yawi at nafaduksun ayu siginans talun Igiptu nu inda nu gafagsuguanan am.

Ebreu 5:9

Ay kanya nu nafakamulun wan takatanya, kanya nafon tua at yud e fakatabuan fag fakalangfean sas fagayu taw tagfaning anya.

1 Samwel 15:22

Ay Samwel gbalus te, “O nunda Yawi nu guseganan ngay fagirugun fag ngay fanggalangun gtungud yap tua sa tagfaning anya? At matuyan, tagfaning Yawi gtungud yap tua ngay fanggalangun. Ay tagdungugan anya gtungud yap tua ngay fanggalangun fag ngay tupa at ngay taba.