Eremyas 11:23 - Fanawbuid tagsibaliwas Fakayabian

²³ Gina kban nafadasug faurianan, ngay taw sis furuan Anatut umkamin.”

Eremyas 11:23 ပူးပေါင်းရင်းမြစ်များ

Eremyas 11:19

Kanya fagayu nu gamatangan angku kata kway sik fagfabulun fag tupa ay kwa saful te, mauri at algan. Kanya fagayu glong te, “Gfabul watam anya, kata nu gfuan sik fun kayu tangayu at rawvg, ay laman ban umkalyam wan ay we gamatang ya anya sas fagdaul daga.”

Eremyas 23:12

Nu katanya, kanya fagayu at dalan umdulum ay umdangsal. Ay kanya fagayu umtaid ay umlub, aroro namadasug au sa anya fagayu fagidapun gina kban gfaurianan. Au, Yawi, taglong tuy.

Eremyas 44:27

Abat ngate kban gdiri ayu laman e fagmasineun am, gfaurianan kway ban ayu. Ay fagayu am tagbanwan stes talun Igiptu, kabul ban am sas awayan, sas fanlunus yakmay ban am ankamin.

Eremyas 46:21

Ay anggan ban at fagbayadun fag ngay tagfawayan kafoli glagyu. Kanya fagayu kata at nafataglu fag ngay fagbaugun tumad laman at fagnamabulun. Umfasludan ban takatanya, aroro ginanya wan at buknga laman namaurianan ay namamin ngay taw Igiptu.

Eremyas 48:44

Nusnga sinu ban at nalagyu aroro kalimu umtong sasad lusung. Ay nusnga sinu at kinlangfe siginans lusung umsangdaw sas sangdaw, aroro gfaurianan kwan Muab nu ndasug ban ku nafalganan fag buknga. Au, Yawi, taglong tuy.

Eremyas 5:29

Au, Yawi, glong au te, o nunda kwa ro masine gfaurianan anya fagayu aroro sat ngay nafakamulun mauri? Ay o nunda kwa ro masine gfasud sa takatanya fag talun at ngay taw?

Eremyas 5:9

O nunda kwa ro masine gfaurianan anya fagayu aroro sat ngay nafakamulun mauri? Ay o nunda ro kwa yangay masine gfasud takatanya fag ngay taw? Au, Yawi, taglong tuy.”

Eremyas 50:27

Fabuli wan fagayu at tagfawayan kata nu gfabul ngay tumad baka. Fabuli wan kanya fagayu. Afanyuan kanya fagayu aroro buknga wan nu gfaurianan au anya fagayu.

Eremyas 6:9

Yawi at Mabalyanan nalong yay fia te, “At sawad ban fag ngay taw Israel namamin kwan sat ngay fawayan, kata nu grabas taguyan fag rawvg ubas. Kanya fagayu gfalingamanun mandi sas wa don laman we fasawadan fagayu rawvg.”

Eremyas 8:12

O kanya fagayu kapla at ngay fakamulun at maksvn nu mauri? Duan! Kanya fagayu we apla ya! Nu katanya, glong au te, kanya fagayu umfaurianan yangay kata at ngay iba. Ay gina kban gfaurianan, kanya fagayu umkamin. Au, Yawi, taglong tuy.

Usea 9:7

Ngay taw Israel, andasug wan nu gafaurianan am fag menit, ay kafag menit namasure ban ay nafakamulun. Sumaful wam te, andasug wa ngaro kafag menit, ay glong am te, ‘Kanya fag taglong kata nu yud mamatanganan.’ Makatu wayam glong takatanya, aroro ngayu wan ay ngay asalanan ay kadotama am angku.

Ubadyas 1:18

Akub ban ay Use at kasugfunanan umkata sik afuy, ay namamin ban Isaw at kasugfunanan, ay Isaw ban umkata sik nagbiluganan fare at masakit nu kairug, yakmay namin. Au, Yawi, taglong tuy.

Mikas 7:4

Ngay taw sit furuan takatap te, matuyan, we tungkul, kata way sik wat at madugi. Ay andasug wan at buknga Dius nu namaurianan anya fagayu, kata at ngay taglong at nafararang ebi. Ay andasug wan at buknga nu nangafaplan.

Lukas 19:44

Kanya ban fagayu namatong emu, gasfuan tagbanwan si emu. Ay wa ban e gang ya gtudtungudan, aroro wo nasaful te, Dius andasug sa emu.”