Eremyas 11:21 - Fanawbuid tagsibaliwas Fakayabian

^21-22 Ngay taw Anatut e algan gfabul angku, kway gfaragang nu kamoyung au Yawi at longan. Nu katanya, Yawi at Mabalyanan nalong te, “Namaurianan au kanya fag ngay taw: at ngay baguama umbul sas awayan, ay at ngay sisian umbul sas lunus.

Eremyas 11:21 ပူးပေါင်းရင်းမြစ်များ

Isayas 30:10

Kafag ngay taw nalong sat ngay taglong te, ‘Lag gfoyung ya emi sabaliwas Dius at nalong sa ayu. Lag gfoyung sa emi at matuyan fag ugali. Am fagfoyungun sa emi nusnge wain yakman tagfauseganan emi, ay sik ngay taginfan yakman at yud kafasludan.

Eremyas 1:1

Katatuy Eremyas, Kilkya at baguama, at ngay foyungan. Kilkya, sik tagfon fanggalangun sis Anatut, sis Benamin fag kasugfunanan at daga.

Eremyas 1:19

Kanya ban fagayu namawayan emu, dewa katanya, gababawan way ban, aroro gufud kban ay ggubuk emu. Au, Yawi, taglong tuy.”

Eremyas 20:10

Nadungug au kafag ngay taw nu ginasan gfalingun angku. Ay kanya fagayu glong kata ku longan te, “Malimu takadasug sa antam!” Ay glong yangay fia te, “Gewan, katsi wan at buknga nu namasud tam Eremyas.” Anggan ku ngay fagadgalangan gfanya nu kafaurianan au. Kanya fagayu glong te, “Bangaran ro manandaya tua tam anya. Nu nfasludan tua ban takatanya, nababo tam ay mafasud anya.”

Eremyas 26:8

Ay Eremyas nu ntabu garingang, ngay tagfon fanggalangun, ay ngay taglong, ay ngay taw naligung anya, ay nalong te, “Masine nu kabul wo!

Eremyas 32:7

Nangakbang ban sa emu am lagbe Kanamel, am mai Salum at baguama, ay glong ban sa emu te, ‘Bayadi wan ku daga sis Anatut, aroro o wan at munakbang ku kalongan, nu katanya, o wan at masine gbayad ku daga.’ ”

Eremyas 34:20

Ay gfon kban anya fagayu sa sangay taw takaylat gfabul anya fagayu. Ay at ngay bilug ban umsik fakonun sa sangay manuk tungud ay sa sangay mangilafang tagsis talun.

Amus 2:12

Nafainumun am fanlangu sa sangay taw at nafatigwanan sas Dius, ay nalong am sa sangay taglong te, lag gfoyung ku longan.

Mikas 7:6

Aroro ginanya ban, ngay baguama wa gsuyu ya at mama, ay at ngay baguina wa gfaning ya at mina, ay at ngay nugang mangena wa yangay gfaning ya at nugangina. Ay sik taw ban at fawayan, siginan wa at sadili talanan.

Mateu 10:21

“Ay sik taw ban nantaban at faduksay sa tibak taw laman namabul. Ay katanya yangay ban sik mama at fakamulun sat sisian. Ay sik sisian ban kamabo at fagtainan laman namabul.

Mateu 21:35

Ay kafag ngay tagalaga nagamat kafag ngay fagsuguan. Ay nafalang at sadi, ay nafabul at sadi, ay nafana gang at sadi.

Mateu 22:6

ay tiba nagamat kafag fun at fagsuguan ay nafauri ay anggan nafabul anya.

Lukas 4:24

Ay Isus nalong yangay fia te, “Matuyan nu glong au ayu te, ngay taw wa gdungugan Dius at taglong sit sadili furuan.