Eremyas 11:20 - Fanawbuid tagsibaliwas Fakayabian

²⁰ Dewa katanya, nadarangin au te, “Yawi at Mabalyanan, matuyan tua nu ginsaful o, ay saful o taw at amatanganan. O wan tagfasud kanya fag ngay taw, nu katanya, gfatigwanan kwan sa emu ku ngay fakamulun.”

Eremyas 11:20 ပူးပေါင်းရင်းမြစ်များ

Fakasigadan 18:25

Gafanud au te, di ro wo nangus gfaurianan at matuyan fag ngay taw gasfuan at mauri fag ngay taw. Ay di ro nangus gsudsudan nu gdama o anya fagayu. O wan tagsaful fagayu taw te, o e asalanan, nu katanya, fakamuluni kata am algan.”

2 Fun 19:14

Esekyas nu nabul rirukan siginan kafag ngay tagfosuk, kanya natap, ay nalao sas Yawi at bale ay narafad kafag rirukan sis Yawi at daga salubangan.

1 Krunika 28:9

“Ay o, ku baguama Sulumun, toglagi ay fakamuluni sa am mama at Dius sas fagdaul am amatanganan aroro Yawi glag way tam amatanganan ay saful tam algan ay tam fagamatanganun. Nu kakbang tua ban o gugat sa anya, ggubuk tua ban emu. Dewa katanya, nu natalyuyan way ban o anya, kanya ban gaiyan emu kabavn.

1 Krunika 29:17

Ku Dius, nasaful au te, nainsaful o em ngay amatanganan ay guseganan o nu nalag o te, matuyan tuami. Nu katanya, matuyan ay bundi fabulunan nu gfon au sa emu tuy fagayu. Ay guseganan au aroro nalag au te, anggan am ngay taw tagste di gafabulunan nu gfon.

Ub 5:8

Nu au di emu, nangakbang kwan sas Dius, laman namoyung sa anya ku kayaunanan.

Alubad. 139:23

Ku Dius, damai tua gugat angku, ay insafuli tua gugat ku amatanganan. Faskudi angku ay asafuli ku ngay fagafanawaun.

Alubad. 35:2

Bubai am famalabag ay gubuki angku.

Alubad. 43:1

Dius, foyungi sa sangay taw te, kdi e asalanan. Balabagi angku siginan at mauri fag ngay taw, ay falangfei angku siginans ngay tagfandaya.

Alubad. 57:1

Dius, afanyui angku, aroro o wan ku fagsarirungan. Gsarirung au si emu kata sik riangan manuk sit mina at daga fakfak yakmay fagmauriun anlangfe.

Alubad. 58:10

Dius ban nu nafasud at mauri fag ngay taw, at matuyan fag ngay taw guseganan ban, ay namasurung at ngay darafa sat mauri fag ngay taw at taguk.

Alubad. 7:10

Dius wan ku tagbalabag, ay gfalangfe tua ngay taw tagugali at matuyan.

Alubad. 7:8

Yawi, insafuli ngay talun at taw, nu sinu at ke asalanan. Fatoglagi sa sangay taw te, kdi e asalanan aroro nasaful o te, matuyan ktua ay kdi e nafakamulun at mauri.

Alubad. 7:9

Faragangi wan fagayu taw nu gfakamulun at mauri, ay fae fagmanabayuni sas fagayu at matuyan. O wan at matuyan fag Dius, taginsaful em ngay amatanganan ay em fakaylatun.

Eremyas 12:1

Yawi, kabavn matuyan tuo dewa au nafamayud sa emu. Ay katsi e fagintoun au sa emu: wain ro at mauri fag ngay taw at fakaramramanun? Ay wain ngay taw takamabo emu fagmanabayanun?

Eremyas 12:3

Yawi, dewa katanya, gtoglag tuo angku, ay saful way o ku amatanganan. Guyudani tuy fag ngay taw kata sik ngay tupa ay fasamani anya fagayu laman am fagfabulun.

Eremyas 15:15

Eremyas nalong te, “Yawi, saful wayo fagayu, amatangi tua ay gubuki angku. Fasudi sas fagayu at nafauri angku. Saful au te, di o masakit gfangauri. Nu katanya, lag o gfabayan ku ngay fawayan nu gfabul angku. Amatangi ku ngay naidapan laman sa emu.

Eremyas 17:10

Dewa katanya, au Yawi, saful kway taw at basad ay at amatanganan. Namakamulun kban sas galay sik taw kata at ugali ay at nafakamulun.

Eremyas 17:18

Falimui ay faplai fagayu tagfauri angku. Ay fadasugi sa anya fagayu fagmauriun laman umkamin wan. Dewa katanya, lag gfakamulun sa angku takatanya.

Eremyas 20:12

Yawi at Mabalyanan, saful way o nu sinu at matuyan aroro saful o at ngay amatanganan. Falagi sa angku nu gfasud o sa kafag ngay taw, aroro nafatigwanan kwan sa emu takatanya fagayu.

Takabalu 3:58

Fun Dius, nagubuk tuo angku sa ku fagidapun, ay nafalangfe tuo ku leleg.

Takabalu 3:59

Yawi, nalag o ku ngay fawayan nu gfakamulun sa angku at mauri. Nu katanya, fatuyani te, matuyan ktua.

Takabalu 3:64

Yawi, faurianani wan anya fagayu kata at nafakamulun.

Esekyel 11:5

Sanya ginan, Yawi at Falad antayuk sa angku ay nasugu angku laman nanlong au te, “Yawi glong te, Saful kway ay nalong ay anggan ay fagamatanganun.

Fakamulun 17:31

Aroro Dius nafalganan wan sik menit laman nanginsaful taw at asalanan, siginan at nafili fag taw. Kanya nafatuyan takatanya sas fagayu taw siginan nu gfadog gfaleleg at nafili fag taw.”

Filipus 4:6

Lag am gafanawa nusngewain ay fagayudanun, abat ngate, eti way sas Dius siginan ay darangin gasfuan nu guseganan am.

2 Timuteu 4:14

Aleandru fag takawat ngay fagagbilugun siginans sanbung, kanya mauri at fakamulun sa angku. Tam Fun waban tagfasud sa anya kata at nafakamulun.

1 Pedru 2:23

Dewa e nafalingun anya, kanya wa nafasud. Ay dewa e nafaidapan anya, wa nafamalimu, nu bunway nafatigwanan tua at sadili sas Dius, at matuyan fag tagwabilug.

At Nafasure 18:20

Useganani am tagsis banwa aroro at kindasug sa anya. Useganani, am Dius at ngay taw, ay at ngay nasugu, ay at ngay taglong, aroro Dius nafaurianan wa anya aroro sat nafakamulun sa ayu at mauri.’ ”

At Nafasure 2:23

Ay gfabul kban fagayu tagfaning kanya fag mangena, laman ban sas fagayu furuan fag ngay tagafanud, sumaful te, saful kway ngay taw at ngay amatanganan ay at ngay algan. Ay namasud kban sas galay at sadi si ayu kata ay mesa nafakamulun.

1 Samwel 16:7

Ay Yawi nalong sas Samwel te, “Lag o gdama at kabatan ay at kaseganaman aroro bunwa kanya ku nafili. Aroro nu gfili au wa kata staw nu gfili, taw nu gdama si way at kabilugan, ay nu gdama au si tua at amatanganan.”

1 Samwel 24:15

Yawi nangus tagfatuyan nu sinu ta at ke asalanan. Kanya namafasludan takatanya, ay gfalangfe angku siginan emu.”