Eremyas 11:17 - Fanawbuid tagsibaliwas Fakayabian

¹⁷ Yawi at Mabalyanan wan at nafili Uda ay Israel, dewa katanya, katsi gsugu wa te, “Famini wan anya fagayu aroro mauri at ngay fakamulun, ay nafauri angku siginan nu gfon at ngay fagirugun fag ngay fanggalangun sas Baal.”

Eremyas 11:17 ပူးပေါင်းရင်းမြစ်များ

2 Samwel 7:10

Nafon au sa ku ngay taw Israel sik talun, laman at sadili fagbanwanan. Ay at mauri fag ngay taw di ban gfasalag ya anya fagayu kata ebi ginan,

2 Krunika 28:25

Ay kanya nafawat yangay fag ngay fagnansegan sa tangabat fag ngay buknga sas fagayu furuan tagsis talun Uda, laman kanya fagayu manamon at ngay fanggalangun sat yud matuyan fag ngay fagsegan. Ay takatanya at nafakamulun maksvn nu gfadotama at ngay mangaguyang at Dius Yawi.

Alubad. 44:2

Siginan am fagmabalyananun, naiyan o tibak gaban taw at yud gafanud sa emu siginan at furuan, ay nafaurianan o anya fagayu. Dewa katanya, nafabanwan tuo sanya em ngay mangaguyang, ay nafae ramraman tuo.

Alubad. 80:15

ami takata sik wat ubas am natanum siginan am fagmabalyananun. Amatangi gugat emi am ngay sisian am nafagurang laman sam fagusegananun.

Alubad. 80:8

Kata ami sik wat ubas am nabuba siginans talun Igiptu. Ay am natanum sim naiyan fag ngay taw at daga.

Isayas 5:2

Kanya naali ay nabul wan fagayu gang, ay natanum sanya at mafilian fag ngay fananum ubas. Ay nawat sanya sik bale ngabat fagnangulitan, ay nafagarvy yangay gang laman at fagturisan at gutluan. Sanya ginan, kanya gfanya at rawvg at matamis, ay aroro mangaro, at rawvg mayat way.

Eremyas 1:14

Yawi nalong te, “Matuyan am nalag, aroro e kadasug ban sik malimu siginans wala baliwa fag alvngvdan laman sa sangay taw tagbanwan ste fag talun.

Eremyas 11:11

Nu katanya, au, Yawi, glong au te, ‘Namadasug au sa anya fagayu sik faurianan at yud e malangfe. Ay kanya ban fagayu dewa get gubuk sa angku kwa ggubuk ya.

Eremyas 11:13

Ngay taw Uda, ay ngay fagsegan at kayuan kayu yangay ay furuan. Ay nu seyu sis furuan Erusalem at ngay fagaweanan, kayu yangay nya ay nawat fagirugan laman ay fagfonan ngay fanggalangun laman sas Baal fag fagsegan at maksvn nu mauri.’

Eremyas 12:2

Nafamanyun o sa anya fagayu kata sik fun kayu tangayu at rawvg. Ay kanya fagayu nu gfauseganan emu si way lang at longan ay wa siginan at amatanganan.

Eremyas 18:15

Dewa katanya, ku ngay taw nalyam wan angku. Kanya fagayu girug famaebebanglu laman sa tibak ngay fagsegan. Ay kanya fagayu naubun wan at masine ay at matuyan fag dalan, ay nalao way sat yud matuyan, nu inda nu kalub.

Eremyas 18:8

ay kanya ro nu nafaragang tua nu gfakamulun at mauri, kdi ro gfafasludan ku algan sa anya fagayu.

Eremyas 19:15

“Yawi at Mabalyanan, Israel at Dius, glong te, ‘Namadasug kban sanya fag furuan ay sa sangay furuan ayu sirut sit ligung ku nalong fag faurianan aroro kanya fag ngay taw kamatungudunun ay wa gdungugan ku ngay longan.’ ”

Eremyas 2:21

Kata oma am sik masine fag wat ubas ku natanum, dewa katanya, wain ay faginkataun sik rawvg at madanan?

Eremyas 24:6

Gdiri kban anya fagayu laman umke fagmanabayanun ay gfafoli kban anya fagayu sat fagbanwanan. Namadog kban namaksvn anya fagayu ay kwa ban gfaurianan ya. Nantanum kban anya ay kwa ban gdog ya ggulad.

Eremyas 26:13

Nu katanya, fabalii wan ay ngay ugali ay anggan nu mabanwan am, ay faningi tua ay Dius Yawi. Aroro nu nafakamulun tua ban am takatanya, Yawi ban wa gfataglayun nu gfaurianan ayu.

Eremyas 26:19

“O Esekyas ay ngay taw Uda nafabul Mikas? Duan! Esekyas anlimu tua Yawi ay ankakbang sa anya. Nu katanya, Yawi wa nafataglayun at algan fag faurianan sa anya fagayu. Ay nu nafabul ro tam Eremyas, itam yay tagfaurianan antam.”

Eremyas 32:29

Ay kanya ban fagayu girug wan tuy fag furuan, anggan at ngay bale ke ugun at madatag nu inda ste fag ngay taw nafae fakadotamaun angku siginan nu girug at famaebebanglu fag ngay fanggalangun laman sas Baal fag fagsegan ay anggan nu gfon fanginum fag fanggalangun sa tiba yak fagsegan.

Eremyas 32:30

“Au, Yawi, glong au te, siginan ebi, ngay taw Uda ay ngay taw Israel at nafakamulun mauri way. Kanya fagayu nafadotama angku siginan at nafakamulun mauri.

Eremyas 35:17

“Nu katanya, au, Yawi at Mabalyanan, Israel at Dius, glong au te, dungugani! Am tagbanwan sis Uda ay sis furuan Erusalem, namadasug kban sa ayu ku nalong fag faurianan. Nafakamatoan koma fia ayu ay wam gdungugan, ay nauro koma ayu, ay wam nabalus.”

Eremyas 36:7

Tiba ginan ban manga, siginan takatanya, kanya fagayu kakbang tua sas Yawi ay gubun tua at ngay ugali at mauri. Aroro Yawi nafararang wan sa anya fagayu te, namaurianan ban anya fagayu aroro maksvn nu kadotama.”

Eremyas 40:2

Ay Nebusaradan nu nalag Eremyas nalong te, “Yawi, am Dius nalong te, grasras ban furuan Erusalem.

Eremyas 40:3

Ay anfasludan kata at longan. Anfasludan takatanya aroro am ngay kaiban nafakamulun at mauri sas Yawi ay wa gfaning anya.

Eremyas 42:10

‘Nu gbanwan tua ban am gugat ste fag talun, gfadog kyay ban gfalindug ayu ay kwa ban gfaurianan ya ayu. Gtanum kban ayu ay kwa ban ggulad ya. Aroro at matuyan, anbalu au sa ku nafadasug sa ayu fag faurianan.

Eremyas 44:5

Dewa katanya, kanya fagayu wa kaylat gdungugan ku ngay taglong. Ay kanya fagayu wa naubun at ngay fagmauriun ay wa nafaragang nu girug famaebebanglu laman sa tibak fagsegan.

Eremyas 44:8

Wain ay fakauriun angku siginan nu kawat am tibak fagsegan? Ay girug am ngay famaebebanglu laman sa kafag ngay fagsegan sanya sis talun Igiptu nu inda nu gbanwan am. Ay nafauri am ay ngay sadili ay nafa sik ngay masuya ay nafae fakaplaun am ayu sa sangay talun sas fagdaul daga.

Eremyas 45:4

“Baruk, katatuy yangay Yawi at longan, ‘Nanrasras kban tuy fag talun ku nawat. Nanggulad kban ku natanum. Ay namakamulun kban takatatuy sas fagdaul talun.

Eremyas 7:18

Ngay sisian ayu daul gfansarab, ay at ngay mama gfaigang, ay at ngay mina kawat tinapay laman at fanggalangun sat fagsegan at nafangayan te, Tagsis Banwa fag Mangena fag Fagsegan. Ay kanya fagayu gfon yangay ngay fanlangu sa tibak fagsegan laman gfauri angku.

Eremyas 7:9

Gfangkamul am, kamabul, kamatugtug, kamuagan nu gfatuyan, girug am famaebebanglu laman sas Baal, ay gseg am tibak fagsegan ay fagyudun toglag.

Esekyel 17:5

Sanya ginan, kafag bio nabul yangay sik fananum, ay natanum sis tigyangan liskung ay masakit nu gtugbung.

Usea 10:1

Ebi, ngay taw Israel kata sik ngay tanum wat ubas mataglu ay marabung ay at rawvg ngayu tua. Dewa katanya, kaduge kanya fagayu ankayu, kayu yangay nya at nawat fag ngay fagirugan ay gfasine at fagsegan fag ngay gang.