Eremyas 11:16 - Fanawbuid tagsibaliwas Fakayabian

¹⁶ Ebi Yawi nu gdama kanya fagayu kata oma sik fun kayu ulibu at marabung ay tangayu at rawvg, dewa katanya, gina ban at maksvn fag afuy nadalan, kanya fagayu umkamin kata at nairug fag ngay sanga at yud e fanambagun ya.

Eremyas 11:16 ပူးပေါင်းရင်းမြစ်များ

Ub 8:16

Ngay taw nu glag, kanya masine tua at kayaunanan, kata sik tanum at marugme ay menit at fagdamlagun tua gugat, ay at ngay sanga glangfad sas fagdaul tanuman.

Alubad. 52:8

Dewa katanya, au si ktua gugats Dius at bale kata sik fun kayu ulibu marabung. Ay kabavn gafanud ktua te, kanya mafangesug.

Alubad. 80:16

Dius, e nagatvng wan ay e nairug am natanum fag wat ubas. Nu katanya, siginan am dotama, faurianani wan fagayu at nafakamulun takatanya.

Alubad. 80:17

Nafili o ay nafabitsug sik taw laman sam fagusegananun. Nu katanya, gubuki tua anya!

Alubad. 83:2

Damai am ngay fawayan; kanya fagayu kamanagsag guro gina namawayan, ay kamatungudun te, gbabo.

Isayas 27:11

Ay at ngay sanga nu nyango wan, kalifung wan, sik ngay mangena gfaful laman at famaygang. Kafag ngay taw we nasafulan, nu katanya, Dius at nawat anya wa kafanyu ya anya.

Eremyas 2:21

Kata oma am sik masine fag wat ubas ku natanum, dewa katanya, wain ay faginkataun sik rawvg at madanan?

Eremyas 21:14

Dewa katanya, namaurianan au ayu kata ay ngay nafakamulun. Nangirug au ay fagagbilugun fag ngay araw yakmay ankirug fagayu si ay ligung. Au, Yawi, taglong tuy.’ ”

Eremyas 7:20

“Au, Yawi ay Fun, glong au te, namadasug au ste fag furuan ku dotama at maksvn: sa sangay taw, ay sa sangay fagbaugun, ay sa sangay fun kayu, ay sa sangay tanum. Ku dotama kata sik afuy at yud e mafarabung.

Usea 14:6

Kanya ban marabung tua, ay at kamasinean ban kata sik dingin, ay mabebanglu kata sik anangi.

Mateu 3:10

Gfoyung au sa ayu te, katsi yay wase mafawawan wan sa sangay fun kayu at lalid. Ay kafag ngay fun kayu nu dway masine at rawvg, e gfuan wan ay nangukas sasad afuy.

Uan 15:6

Nusnga sinu at yud gbanwan si angku, kanya kata sik ngay sanga at kin-gong ay fagukasun. Ay sanya ginan gfaful kafag ngay sanga ay nangukas sasad afuy laman nangirug.

Deuterunumyu 28:40

Gtanum ban am ngayuk tanum ulibu nusnga nday si ay fagbanwanan, dewa katanya, wa ban am e fagmafabulun langis sanya ginan, aroro at ngay rawvg ban katong way.

At Nafasure 11:4

Kanya fag duak tagfatuyan, duak kayu ulibu ay duak fagfatungkudan salung sis fagdaul daga at Fun at daga salubangan.