Eremyas 11:13 - Fanawbuid tagsibaliwas Fakayabian

¹³ Ngay taw Uda, ay ngay fagsegan at kayuan kayu yangay ay furuan. Ay nu seyu sis furuan Erusalem at ngay fagaweanan, kayu yangay nya ay nawat fagirugan laman ay fagfonan ngay fanggalangun laman sas Baal fag fagsegan at maksvn nu mauri.’

Eremyas 11:13 ပူးပေါင်းရင်းမြစ်များ

2 Fun 23:13

Kanya nasugu yangay laman giklas ngay bale fagnansegan sa tangabat fag ngay buknga sas Erusalem at fakamenitan ay sit Mauri fag Buksul at fasiunan fag alvngvdan. Kanya fag ngay bale fun Sulumun at nafawat laman sas Asturet, ngay taw Sidun at fagsegan at maksvn nu mauri, ay Kemus, taw Muab at fagsegan at maksvn nu mauri, ay anggan Mulek, ngay taw Amun at fagsegan at maksvn nu mauri.

2 Krunika 28:25

Ay kanya nafawat yangay fag ngay fagnansegan sa tangabat fag ngay buknga sas fagayu furuan tagsis talun Uda, laman kanya fagayu manamon at ngay fanggalangun sat yud matuyan fag ngay fagsegan. Ay takatanya at nafakamulun maksvn nu gfadotama at ngay mangaguyang at Dius Yawi.

Isayas 2:8

Kanya yay fagayu at nawat at fagfausegananun fag ngay fagsegan!

Eremyas 11:17

Yawi at Mabalyanan wan at nafili Uda ay Israel, dewa katanya, katsi gsugu wa te, “Famini wan anya fagayu aroro mauri at ngay fakamulun, ay nafauri angku siginan nu gfon at ngay fagirugun fag ngay fanggalangun sas Baal.”

Eremyas 17:1

Yawi nalong te, “Ngay taw Uda, ay ngay asalanan marirukan si ay ngay amatanganan takamaogatun kata sik ngay longan at marirukan sis gang ay sis sunge tagsis fagirugan at ngay fugungan.

Eremyas 18:15

Dewa katanya, ku ngay taw nalyam wan angku. Kanya fagayu girug famaebebanglu laman sa tibak ngay fagsegan. Ay kanya fagayu naubun wan at masine ay at matuyan fag dalan, ay nalao way sat yud matuyan, nu inda nu kalub.

Eremyas 19:4

Namakamulun kban takatanya aroro ku ngay taw natalyuyan angku ay nafili sanya fag datag laman at fagnamonan at ngay fagirugun fag ngay fanggalangun sa sangay fagsegan at yud gleleg. Kanya fagayu ay anggan at ngay mangaguyang ay Uda at ngay fun wa toglag kafag fagsegan. Ay sanya fag datag kanya fagayu nafabul yangay at bagu kasalug fag ngay sisian.

Eremyas 19:5

Kanya fagayu nawat at fagnansegan fag bale laman sas Baal, ay nairug sanya at ngay sisian laman at ngay fanggalangun sanya fag fagsegan. Kwa oma nasugu sa anya fagayu takatanya, ay kwa yangay e amatanganan takatanya.

Eremyas 2:28

Ay wain? Dada wan katsi ay nawat fag ngay fagsegan? Kanyai wan ay faguroun. O makatu ro gfalangfe ayu sa ay fagidapun? Ay ngay fagsegan kayu oma ay ngay furuan sis talun Uda.

Eremyas 3:24

Siginan nu sisian ami nasaful wami te, fagayu em mangaguyang at nainlufuyan sa way lang em fagsegan at mapla, anggan em ngay fagbaugun ay em ngay sisian.

Eremyas 3:25

Yawi em Dius, nanuksuan ami emu, aroro maksvn nu kapla ami emu, aroro ami ay anggan em ngay mangaguyang nafamabo ami emu.”

Eremyas 32:35

Kanya fagayu nawat sik bale laman at fagnansegan Baal sis datag Ben-Inum ay sanya yangay nu namon at ngay sisian sas Mulek fag fagsegan. Kwa nasugu sa anya fagayu takatanya, ay kwa yangay e algan te, kanya fagayu gfakamulun takatanya fag fagmauriun at nafae asalanan ngay taw Uda.”

Eremyas 44:21

“O nu glong am, Yawi wa nasaful te, am ay anggan ay ngay mangaguyang, ay ay ngay fun, ay ay ngay tagfangguna, ay fagayu am, girug am ngay famaebebanglu fag fanggalangun laman sa sangay fagsegan sis Uda fag ngay furuan ay sis Erusalem fag ngay dalan?

Eremyas 44:5

Dewa katanya, kanya fagayu wa kaylat gdungugan ku ngay taglong. Ay kanya fagayu wa naubun at ngay fagmauriun ay wa nafaragang nu girug famaebebanglu laman sa tibak fagsegan.

Eremyas 48:35

Namaragang kwan ngay tagfon fanggalangun nu gfon fanggalangun sa sangay tungud buksul fag ngay bale fagnansegan, ay nu nangirug at famaebebanglu sat ngay fagsegan. Au, Yawi, taglong tuy.

Eremyas 7:9

Gfangkamul am, kamabul, kamatugtug, kamuagan nu gfatuyan, girug am famaebebanglu laman sas Baal, ay gseg am tibak fagsegan ay fagyudun toglag.

Esekyel 16:24

nafalindug o sis fagaweanan sik bale laman sa sangay fagsegan.

Usea 10:1

Ebi, ngay taw Israel kata sik ngay tanum wat ubas mataglu ay marabung ay at rawvg ngayu tua. Dewa katanya, kaduge kanya fagayu ankayu, kayu yangay nya at nawat fag ngay fagirugan ay gfasine at fagsegan fag ngay gang.

Usea 12:11

Dewa katanya, ngay taw Gilyad gfataglayun yay gugat at ngay fagmauriun, ay kata way nu yud e masuad. Ngay taw Gilgal gfon ngay tama baka sat ngay fagsegan, ay nu katanya, gfarasras au at ngay fagirugan fanggalangun, ay umkata ban sik nafaful fag ngay gang gina naali at gamasun.

Usea 9:10

Dius nabalus te, “Ngay taw Israel, ebi gina au gfili ay ngay mangaguyang laman ku ngay taw, maksvn nu guseganan au. Kata au sik taw taguseganan nu nalag sik tanum wat ubas nu natugbung si sik talun at yud e taw, ay mannga nu nalag taguna fag rawvg si sik tanuman fun igus. Dewa katanya, nalao wam sas Baal-Peur, ay nafalganan ay ngay sadili sa kafag fagsegan at mauri, ay nu katanya, ansik mauri am kata kafag fagsegan ay fakesugun.