Eremyas 11:12 - Fanawbuid tagsibaliwas Fakayabian

¹² Nu katanya, at fagnangetan gubuk sa way lang at ngay fagsegan at fagnamonan gugat ngay fanggalangun. Dewa katanya, faurianan nu ndasug, kanya fag ngay fagsegan wa mafalangfe nusnga sinu fag taw.

Eremyas 11:12 ပူးပေါင်းရင်းမြစ်များ

2 Krunika 28:22

Ay dewa fun Akas gidapan, kanya gfataglayun yay nu kamabo Yawi.

Isayas 45:20

Yawi glong yay te, “Fagayu am at nalagyu siginan tibak talun, afuli ay akbangi sa angku. Ngay taw tagbuba at ngay fagsegan fag ngay kayu we fagsafulun. Kanya gdarangin sat ngay fagsegan at yud mafalangfe anya.

Isayas 46:7

Ay namuba sat fagnamalindugan ay kanya sanya way gugat aroro wa malelegan. Ay nu e nandarangin sa anya, wa gbalus, ay wa ggubuk gina e fagidapun.

Eremyas 18:15

Dewa katanya, ku ngay taw nalyam wan angku. Kanya fagayu girug famaebebanglu laman sa tibak ngay fagsegan. Ay kanya fagayu naubun wan at masine ay at matuyan fag dalan, ay nalao way sat yud matuyan, nu inda nu kalub.

Eremyas 2:28

Ay wain? Dada wan katsi ay nawat fag ngay fagsegan? Kanyai wan ay faguroun. O makatu ro gfalangfe ayu sa ay fagidapun? Ay ngay fagsegan kayu oma ay ngay furuan sis talun Uda.

Eremyas 44:8

Wain ay fakauriun angku siginan nu kawat am tibak fagsegan? Ay girug am ngay famaebebanglu laman sa kafag ngay fagsegan sanya sis talun Igiptu nu inda nu gbanwan am. Ay nafauri am ay ngay sadili ay nafa sik ngay masuya ay nafae fakaplaun am ayu sa sangay talun sas fagdaul daga.

Deuterunumyu 32:37

Kanya ban ginto sat ngay taw te, “Dada wan katsi ay fagsegan ay fagsarigan fag gang?

Deuterunumyu 32:38

Dada wan katsi ay fagsegan takon ay taginum, ay ngay fanggalangun fag ngay taba, ay fanlangu? Eti gubuk sa anya fagayu ay kanyai wan ay taggubuk!

Tagfangguna 10:14

Wain wayam nanget gubuk sa ay ngay nafili fag fagsegan? Kanyai wan tagfalangfe ayu gina am gidapan.”