Eremyas 11:11 - Fanawbuid tagsibaliwas Fakayabian

¹¹ Nu katanya, au, Yawi, glong au te, ‘Namadasug au sa anya fagayu sik faurianan at yud e malangfe. Ay kanya ban fagayu dewa get gubuk sa angku kwa ggubuk ya.

Eremyas 11:11 ပူးပေါင်းရင်းမြစ်များ

Ub 35:13

Anud, Dius wa gdungugan at yud e masuad fag darangin ay wa kasalag.

Alubad. 18:41

Kanya fagayu naet gubuk, dewa katanya, we nagubuk anya. Ay naet yangay gubuk anggan sa emu, dewa katanya, wo nabalus.

Alubad. 66:18

Nu nesug kway ro ku ngay asalanan, tam fun ro wa nabalus angku.

Fangatulun 1:28

Ay gina ban am guro angku, kwa ban gbalus ayu. Grvbvy ban am angku, dewa katanya, wa ban am lumag.

Fangatulun 29:1

Sik taw at yud gfabali at ugali dewa e gsalag, umfaurianan ay wa mlangfe.

Isayas 1:15

Dewa ngap am gdarangin gugat, kwa kasalag ayu. Ay dewa malayun nu gdarangin am, kwa gdungugan ayu, aroro ngayu wan ay nafabul taw.

Isayas 24:17

Fagayu am tagbanwan sas fagdaul daga, fakalimuun, ay lusung, ay litag gfanya wa ayu.

Eremyas 11:14

“Nu katanya, Eremyas, lag o gdarangin ay lag o gfainfanyuan sa angku laman sa anya fagayu, aroro kwa ro gbalus ya anya fagayu nu naet gubuk gina e fagidapun.

Eremyas 11:17

Yawi at Mabalyanan wan at nafili Uda ay Israel, dewa katanya, katsi gsugu wa te, “Famini wan anya fagayu aroro mauri at ngay fakamulun, ay nafauri angku siginan nu gfon at ngay fagirugun fag ngay fanggalangun sas Baal.”

Eremyas 14:12

Kanya ro fag ngay taw dewa e buknga nu yud gfangon laman gdarangin, laman get gubuk sa angku, kwa ro gdungugan ya anya fagayu. Ay kanya ro fagayu dewa gfon at ngay fagirugun fag ngay fanggalangun ay at famauseganan sa angku fag ngay fanggalangun, kwa kaylat ya. Abat ngate, namabul kwan anya fagayu sas awayan, fanlunus, ay sas faurianan.”

Eremyas 14:2

“Uda ay at ngay furuan kabalu. At ngay tagbanwan sis Erusalem malunggung sisad daga ay nawayway maksvn.

Eremyas 15:2

Ay kanya fagayu nu nainto te, ‘Dada ro nu glao ami?’ nanlong ro wo te, ‘Yawi glong te, Fagayu ku natuyan kabul sas fakasaitun, umbul sas fakasaitun. Ay ku natuyan te, kabul sas awayan umbul sas awayan, ay ku natuyan te, kabul sas fanlunus umbul sas fanlunus, ay ku natuyan te, gatabanan, e tumaban ban.’

Eremyas 18:11

“Nu katanya, nanlong o sa sangay taw Uda ay sa sangay taw Erusalem te, ‘Dungugani! E algan au namaurianan ayu. Nu katanya, faragangi wan nu gugali am at mauri. Ay galay am at sadi ubuni wan ay fakamulun ay anggan ay ugali at mauri.’

Eremyas 19:15

“Yawi at Mabalyanan, Israel at Dius, glong te, ‘Namadasug kban sanya fag furuan ay sa sangay furuan ayu sirut sit ligung ku nalong fag faurianan aroro kanya fag ngay taw kamatungudunun ay wa gdungugan ku ngay longan.’ ”

Eremyas 19:3

Longi ro te, ‘Uda at ngay fun ay ngay taw Erusalem, katatuy Yawi at Mabalyanan, Israel at Dius, at longan: Gfadasug kban ste fag talun at maksvn fag faurianan ay fagayu ban at nadungug takatanya umlimu maksvn.

Eremyas 23:12

Nu katanya, kanya fagayu at dalan umdulum ay umdangsal. Ay kanya fagayu umtaid ay umlub, aroro namadasug au sa anya fagayu fagidapun gina kban gfaurianan. Au, Yawi, taglong tuy.

Eremyas 25:35

Wam e fagmalagyuan ya, ay wam malagyu ya.

Eremyas 35:17

“Nu katanya, au, Yawi at Mabalyanan, Israel at Dius, glong au te, dungugani! Am tagbanwan sis Uda ay sis furuan Erusalem, namadasug kban sa ayu ku nalong fag faurianan. Nafakamatoan koma fia ayu ay wam gdungugan, ay nauro koma ayu, ay wam nabalus.”

Eremyas 36:31

Gfaurianan kban ayu talamean, anggan ay ngay tagfangguna aroro sa ay fagmauriun. Gfadasug kban sa ayu ay sa sangay taw Erusalem ay sa sangay taw Uda fagayu faurianan ku nalong laman sa ayu aroro wam nadungugan angku.’ ”

Eremyas 6:19

Ngay taw sas fagdaul daga, dungugani! Gfadasug kban sik maksvn fag faurianan sa sangay taw tagbanwan ste, laman sik faurianan sat ngay algan. Aroro kanya fagayu wa kaylat gdungugan ku ngay longan, ay wa nafaning ku ngay suguan.

Takabalu 2:22

Nataban o ngay fawayan laman nansumbalian namawayan angku, kata nu gtaban o anya fagayu sa sik fagmafulun. Gina o nafadasug am dotama, we nalagyu ay we nlangfe ya, ay fagayu anbul wan. Ku ngay fawayan nafabul wan ku nafasalug ay ku nafagurang fag ngay sisian.

Esekyel 14:3

“Taw at baguama, kanya fag ngay tagfangguna kesug tibak ngay fagsegan, ay kanya wan at nafae asalanan anya fagayu. Nu katanya, kwa kaylat kanya fagayu nu get gubuk sa angku.

Esekyel 7:5

“Au, Yawi ay Fun, glong au te, kadasug ban sa ayu at yud katabu fag faurianan.

Esekyel 8:18

Nu katanya, ku dotama ban umdasug sa anya fagayu. Kwa ban kafanyu ya anya fagayu. Ay dewa ban guro get gubuk sa angku, kwa ban ggubuk ya.”

Amus 5:19

Ay kata ban am sik taw tagamatangan te, anlangfe wan siginan sik liun, ay aroro mangaro, nafablang yay fia sik usu. Ay gamatangan yangay te, anlangfe wan aroro siwa at bale, ay aroro mangaro gina nated at dingding sik ule nagat anya.

Mikas 3:4

Gina ban am gafaurianan fag menit, get ban am gubuk sas Yawi, ay wa ban ggubuk ayu aroro sa ay fagmauriun.”

Sakaryas 7:13

Aroro kanya fagayu wa gdungugan ku ngay suguan, nu katanya, kwa yangay gdungugan nu guro angku.

1 Tesalunika 5:3

Aroro gina ngay taw glong te, “Katsi manabayan ay masine,” masakit faurianan nu kadasug, kata sik mangena nu gafasalugun, ay kanya ro fagayu wa nlagyu ya.

Ebreu 1:3

Dius at fagmasineun at damlag kalag sit Baguama, aroro nu setain Dius, katanya yay anggan at Baguama. Ay at Baguama wan tagbakvd fagayu nusnge wain siginan at mabalyanan fag aringang. Ay kanya nu nafasine wan tam ngay asalanan, namalunggung sas banwa sat Mabalyanan fag Dius at siun.