Eremyas 11:10 - Fanawbuid tagsibaliwas Fakayabian

¹⁰ Kanya fagayu nafakamulun at mauri kata at ngay mangaguyang at nafakamulun, ay ankuri ku longan ay naseg tibak fagsegan. Ngay taw Erusalem ay taw Uda wa nafaning em nasadian.

Eremyas 11:10 ပူးပေါင်းရင်းမြစ်များ

Alubad. 78:57

Kanya fagayu natalyuyan ay nafamabo Dius, ay kanya fagayu kata at ngay mangaguyang at yud e tungkul ya, ay at kinkata sik godun at yud katon ya.

Isayas 24:5

Ngay taw tagbanwan sas fagdaul daga nafauri wan at fagbanwanan, aroro wa nafaning Dius at ngay suguan ay wa nadungugan at ngay longan. Kanya fagayu nafamabo ebi at nasadian sas Dius te, namaning tua ban anya.

Eremyas 13:10

Kanya fag ngay taw at mauri, wa kaylat gfaning ku longan. Kanya fagayu nafaning way at sadili amatanganan ay naseg ngay fagsegan. Nu katanya, kanya ban fagayu umkata kafag famutus fagwan at yud e tungkul ya.

Eremyas 17:23

dewa katanya, kanya fagayu wa nadungugan angku. Kanya fagayu kamaogatun at ngay amatanganan! Ay wa kaylat ku ngay foyungan.

Eremyas 22:9

Ay katatuy ban at famalus sa kafag ngay taw, ‘Aroro kanya fagayu natalyuyan at nasadian sas Yawi, ay naseg ay nafaning tibak fagsegan.’ ”

Eremyas 31:32

Kanya ban wa kata ya ebi taguna fag nasadian ku nawat sat ngay mangaguyang gina au gtaban anya fagayu kaduge glao siginans talun Igiptu. Dewa au kata nu at indugan, kanya fagayu wa nafaning taguna em nasadian.”

Eremyas 44:16

“Wami gafanud am ngay nalong sa emi sas Yawi at ngayan!

Eremyas 44:5

Dewa katanya, kanya fagayu wa kaylat gdungugan ku ngay taglong. Ay kanya fagayu wa naubun at ngay fagmauriun ay wa nafaragang nu girug famaebebanglu laman sa tibak fagsegan.

Eremyas 7:28

Nu katanya, nanlong yakman o sanya fag ngay taw te, ‘Am fag gaban taw at yud gfaning ay Dius Yawi ay at yud kaylat gfayfoyung. We si ya ayu fagmatuyanun ay wam e gfoyung ya at matuyan.

Eremyas 9:6

Fagayu at fakamulun kamuag way lang, nu katanya, wa kaylat ya gtoglag angku.”

Esekyel 16:59

“ ‘Fun Dius Yawi glong te, gfaurianan kban emu aroro nafaeyud o e masuad am fatuyanan siginan nu yud o gfaning ta nasadian.

Esekyel 5:6

Kanya fag furuan nafamabo ku ngay suguan ay amauri yap tua tagsit ligung fag ngay talun. Ay kanya fag ngay taw wa nafaning ku ngay suguan ay ku ngay faugali.

Usea 6:4

Dewa katanya, Yawi nalong sas Israel ay sas Uda te, “Nataw ku fakamulun sa ayu? Nu kesug am angku wa matuyan, kata way sik ayuyus ay kata sik damug masakit kalyam.

Usea 6:7

Nafaning wayam Adan, wam nafaning tam nasadian. Natalyuyan am angku gina am si ay talun.

Usea 7:16

Kanya fagayu nananget oma gubuk sat yud e tungkul fag ngay fakakbangan. Kanya fagayu kata way sik yud e masuad fag godun. At ngay tagfangguna anbul sas awayan aroro wa matuyan at ngay longan. Nu katanya, ngay taw Igiptu ban namalingun anya fagayu.

Sefanias 1:6

Namamin kyangay tagtalyuyan ay at yud kakbang sa angku.

Sakaryas 1:4

Lag am gfaning ay ngay mangaguyang at fakamulun. Nasugu koma sik ngay taglong laman nanlong sa anya fagayu te, ubuni wan at ngay fakamulun at mauri. Dewa katanya, wa nafanud ay wa nafaning angku.

Sakaryas 7:11

“Ay kanya fagayu wa nadungugan ku longan. Kanya fagayu natalyuyan angku ay wa nafaning.

Sakaryas 7:13

Aroro kanya fagayu wa gdungugan ku ngay suguan, nu katanya, kwa yangay gdungugan nu guro angku.

Deuterunumyu 31:16

Ay nalong sas Muisis te, “Munakbang wan nu kabul o ay nu nangalo o am ngay mangaguyang. Nu nbul ban o, ngay taw ban nanseg tibak fagsegan, sa ban at fakadasugan fag talun at ngay fagsegan. Kanya ban fagayu gtalyuyan angku, ay namayud ban e masuad ku nawat fag nasadian laman sa anya fagayu.

Deuterunumyu 9:7

Amatangani nu setain nu kauri am ay Dius Yawi gina am sis talun at yud e gbanwan. Siginan nu gduksun am fag menit siginans talun Igiptu dasug katsi, kamabo wayam gugat Yawi.

Ebreu 8:9

Ay kanya ban fag nasadian di ban kata ku nasadian sat ngay mangaguyang, gina au gtaban anya fagayu siginans talun Igiptu. Kanya fag ngay taw wa nafataglayun nu masadi sa angku, nu katanya nafabayan kwan anya fagayu.”

Tagfangguna 2:11

Ngay taw Israel nafakamulun at mauri sas Yawi at daga salubangan, ay naseg Baal fag fagsegan.

Tagfangguna 2:17

Dewa katanya, kanya fagayu wa nadungugan at ngay tagfangguna. Abat ngate, at ngay fakamulun kata way sik tagfaebayad fag mangena siginan nu gseg tibak fagsegan. Kanya fagayu natalyuyan masakit Yawi at ngay suguan, ay wa kata at ngay mangaguyang at nafaning tua.

Tagfangguna 2:19

Ay kanya fag ngay tagfangguna nu nbul wan, ngay taw Israel gdog yay kafoli sat mauri fag fakamulun ay gdog yay gseg tibak fagsegan aksvn yap at ngay mangaguyang at fagmauriun. Ay kanya fagayu wa kaylat gubun at ngay fakamulun at mauri ay at fakamaogatunun.

1 Samwel 15:11

“Nanuran au ku nafilian Saul laman sik fun. Aroro kanya natalyuyan angku ay wa nafaning ku ngay suguan.” Samwel nu nadungug takatanya, kanya maksvn nu gafanawa, ay gdarangin sas Yawi fagngabak yabi.