Eremyas 10:21 - Fanawbuid tagsibaliwas Fakayabian

²¹ Anfasludan sa antam takatatuy fagayu, aroro tam ngay tagfangguna kata way sik ngay taw at yud e fagsafulun, ay wa nanangakbang sas Yawi laman nanget gubuk. Nu katanya, kanya fagayu nababawan, ay at fagfunanun fag ngay taw nalagyu wan.

Eremyas 10:21 ပူးပေါင်းရင်းမြစ်များ

Eremyas 10:14

Ngay taw tagseg ngay fagsegan sik yud way mamatanganan ay yud e fagsafulun. Ngay takawat gintu umkapla sat nawat fag ngay fagsegan, aroro at awatan bunwa at matuyan fag fagsegan. Kanya fag ngay fagsegan wa gleleg,

Eremyas 10:8

Ngay taw tagsiginan tibak talun kamaogatun at ngay amatanganan, ay we fagsafulun ay tagfoyung anya, at yud way e tungkul fag ngay fagsegan at mawatan siginans kayu.

Eremyas 12:10

Ngayuk tagfangguna nanrasras Uda, ku nafangayan fia te, ku tanuman wat ubas. Ay kanya umkata sik talun at yud e taw.

Eremyas 2:8

Ay anggan ngay tagfon fanggalangun wa grvbvy ya angku. Ay ngay tagfoyung ku suguan wa yangay gtoglag ya angku. Ngay tagfangguna gfauri angku. Ay ngay taglong at foyungan sa way baliwas Baal at ngayan ay gseg at yud matuyan fag ngay fagsegan.

Eremyas 22:30

Kanya glong te, “Rarusi wan siginans fun at fafil Yuyakin at ngay baguama at ngay ngayan. Fun Yuyakin nababawan wan, ay nusdi ban at sisian at sadi we nanmalunggung sas fun Dabid at faglunggungan laman gfunan sas talun Uda. Au, Yawi, taglong tuy.”

Eremyas 49:32

Ay fagayu ban at kamelyu ay fagayu at fagbaugun am wan tagagbilug. Gfasaruayan kban kanya fag ngay taw sa tangayayu fag ngay talun ay gfadasug kban sa anya fagayu ngay faurianan dewa ndaginan. Au, Yawi, taglong tuy.

Eremyas 5:31

At ngay taglong kamuag nu gfoyung, ay at ngay tagfon fanggalangun gfangguna siginan at ngay sadili fagsafulun, ay ku ngay taw maksvn nu kaylat takatanya. Dewa katanya, tain ban at fakamulun nu ndasug at fakatabuan fag buknga?”

Eremyas 50:17

“Ngay taw Israel kata way sik ngay tupa at nasaruayan aroro ngay liun gfafalo. Taguna, fun Asirya naon anya fagayu, ay Nabukudunusur, Babilunya at fun, at narufa at ngay bini.

Eremyas 8:9

Ngay taw taglong te, e fagsafulun ami, umke fakaplaun ay umke fakalimuun aroro e nantaban ban anya fagayu. Aroro kanya fagayu natalyuyan ku ngay longan, nataw fag fagsafulun tagsi anya?

Esekyel 34:12

Nanrvbvy kban anya fagayu kata sik tagalaga tupa nu grvbvy at ngay tupa tagsaruayan. Namaful kban anya fagayu siginan sangay talun nu inda nu marapyagan gina fag buknga e fagmauriun.

Sakaryas 10:3

Yawi nalong te, “Maksvn nu kadotama au ngay tagfangguna ku ngay taw. Matuyan wan, namaurianan kwan anya fagayu. Aroro au wan tagalaga ku ngay taw Uda kata nu galaga tupa. Kanya fagayu namakata au sik kabayu tagfanagsag sis fagawayanan.

Sakaryas 13:7

Yawi at Mabalyanan glong te, “Falganani fiso tagsumbalian at uyup! Ay fabuli wan ku nafili fag tagalaga tupa. Fabuli anya laman at ngay fagalagaun fag ngay tupa sumaruayan. Ay namaurianan au anya fagayu.