Eremyas 10:16 - Fanawbuid tagsibaliwas Fakayabian

¹⁶ Dewa katanya, Akub at Dius di kata kafag ngay fagsegan. Kanya tua at nawat fagayu nusnge wain, ay kanya yangay at nafili ngay taw Israel. At ngayan Yawi at Mabalyanan.

Eremyas 10:16 ပူးပေါင်းရင်းမြစ်များ

Alubad. 119:57

Yawi, o way lang ku fakaylatun. Ay gfatuyanan au te, namaning kban am ngay longan.

Alubad. 135:4

Aroro kanya nafili tua ngay taw Israel, Akub at ngay kasugfunanan, laman at ngay taw.

Alubad. 142:5

Yawi, nu katanya, guro au sa emu te, “O way lang ku taggubuk ay ku fakaylatun ste sfagdaul daga.”

Alubad. 33:6

Siginan Yawi at aringang, banwa ankawat. Ay siginan at uyup, menit ansure, gasfuan magdanun ay anggan ngay galeme.

Alubad. 73:26

Ku Dius, dewa ku bilug ay ku amatanganan anmomuy, nafabitsug tuo angku, ay gufud tuo gugat angku.

Alubad. 74:2

Dius, amatangi emi. Aroro ami wan ebi am nafili fag ngay taw. Ay o wan tagagbilug ay tagfalangfe emi. Amatangi yangay am fagbanwanan fag Buksul Siun.

Nu Galin 19:5

Nu galo tua ban am angku ay gfaning ku nawat fag nasadian, gfili kban ayu siginans fagayu talun laman ku ngay taw. Au wan tagagbilug fagdaul daga,

Nu Galin 34:9

Ay kanya nalong te, “Kin ku Fun, nu guseganan tuo angku, gfainfanyuan au sa emu te, aloi tua ban emi. Dewa mi kamaogatun em ngay amatanganan, falyami em fagmauriun ay em ngay asalanan. Aylati emi laman am ngay taw ami fia.”

Fangatulun 16:4

Yawi e algan sat awatan fagayu, anggan at mauri fag ngay taw, nafalganan wan laman ban sas faurianan.

Isayas 19:25

Yawi at Mabalyanan mamanyun ban anya fagayu ay glong te, “Gfamanyun au ku ngay taw Igiptu, ay ngay taw Asirya, ku ngay nawat, ay taw Israel ku fagagbilugun.”

Isayas 45:7

Au wan at nafae yamag ay at nafae dulum. Ay au yangay tagfadasug fagmasineun ay fagmauriun. Au Yawi at nawat takatanya fagayu.

Isayas 47:4

Tam Tagfalangfe, Yawi at Mabalyanan, Israel at Dius at yud e Malong.

Isayas 47:6

Andotama au ku ngay taw ay naiyan au anya. Nu katanya, nafababawan au sa emu ay wo nfanyu ya. Ay nafaidapan o anggan at mafagtainan.

Isayas 51:15

Aroro au wan ay Dius Yawi tagfalugwak ay tagfafawas dagat. Ku ngayan Yawi at Mabalyanan.

Isayas 54:5

Ay at nawat emu kata wa nu am mangama. Au, Yawi at Mabalyanan sas fagayu. Au wan Israel at Dius at yud e Malong, am Tagfalangfe. Ku ngayan te, Fagdaul daga at Dius.

Eremyas 10:12

Siginan Yawi at fagmabalyananun ay at fagsafulun, kanya nawat banwa ay fagdaul daga.

Eremyas 10:6

Yawi, we mafasud emu; mabalyanan tuo ay am ngayan kadungug.

Eremyas 31:35

Au, Yawi tagsugu menit laman gyamag fagngabak menit, ay au wan tagsugu magdanun ay ngay galeme laman gyamag fagngabak yabi. Ay au yangay tagfauigan dagat ay tagfafawas ngay lugwak. Au, Yawi at Mabalyanan, taglong tuy.

Eremyas 32:18

Nafalag o am fakafanyun sas ngayuk libuk taw, dewa katanya, gfaurianan o at ngay sisian aroro sat ngay fagtainan at ngay asalanan. Dius mabalyanan o, am ngayan Yawi at Mabalyanan.

Eremyas 33:2

Kanya glong te, “Au at nawat fagdaul daga, ku ngayan Yawi.

Eremyas 46:18

Au Yawi at Mabalyanan ay Fun, gfatuyanan au te, kafanud nu gleleg au, e namabo ban talun Igiptu amabitsug yap tua tibak fawayan, kata Buksul Tabur tagsis wabilug ngay buksul, ay buksul Karmel tagsis tigyangan dagat.

Eremyas 50:34

Au wan Yawi at Mabalyanan kanya fagayu at tagfalangfe. Ggubuk au anya ay gfae fagmanabayanun, dewa katanya, namaurianan kban tagbanwan sis talun Babilunya.

Eremyas 51:19

Dewa katanya, Akub at Dius di kata kafag ngay fagsegan. Kanya tua at nawat fagayu nusnge wain, ay kanya yangay at nafili ngay taw Israel. At ngayan Yawi at Mabalyanan.

Takabalu 3:24

Nu katanya, glong au sa ku sadili te, “Yawi wan tagfon angku fagayu ku fagayudanun, ay gafanud au sa anya.”

Amus 4:13

Dius wan at nawat ngay fungsu ay tagmara, ay kanya yangay tagfae menit ay tagfae yabi. Kanya gfasaful sa sangay taw at ngay algan ay gfagtainan sas fagdaul daga. At ngayan Yawi, at Mabalyanan fag Dius.

Sakaryas 2:12

“Ay Yawi gdog yay nangagbilug talun Uda laman at afud sit yud e malong fag talun. Ay gdog yay ban gfili Erusalem laman at furuan.

Deuterunumyu 32:9

Yawi nafili Akub at kasugfunanan, laman at ngay taw.