Eremyas 10:12 - Fanawbuid tagsibaliwas Fakayabian

¹² Siginan Yawi at fagmabalyananun ay at fagsafulun, kanya nawat banwa ay fagdaul daga.

Eremyas 10:12 ပူးပေါင်းရင်းမြစ်များ

Fakasigadan 1:1

Taguna, Dius nawat banwa ay fagdaul daga.

Fakasigadan 2:5

bunya fagayu fananumun tagtugbung, aroro Yawi ya batang gfarak ay ye taw at nangalaga.

1 Krunika 16:26

Ay tibak talun at fagsegan bunwa at matuyan fag dius. Yawi tua at nawat banwa.

Ub 26:7

Dius narafad kiwang sis daga banwa, ay narabing fagdaul daga sat yud e nusnge wain ya.

Ub 37:18

O magubuk ro wo Dius nu gfae linyabu, katugas sik taganyang fag salaming tansu?

Ub 9:8

Kanya tua at narafad banwa ay at mafaragang lugwak.

Alubad. 104:2

Yamag gsifig emu kata am lanbung, ay nawat o banwa laman am fagbanwanan.

Alubad. 104:24

Yawi, ngayu am nawat! Nawat o kanya fagayu siginan am fagsafulun, ay ankapnu sas fagdaul daga.

Alubad. 119:90

Ay am fagmatuyanun ban gtaglayun tua sas fagayu kasugfunanan. Mogat nu kawat o fagdaul daga, nu katanya, katanya tua ban gugat.

Alubad. 24:2

aroro kanya wan at nafalindug fagdaul daga at fagtungkudan sas bangsi dagat.

Alubad. 33:6

Siginan Yawi at aringang, banwa ankawat. Ay siginan at uyup, menit ansure, gasfuan magdanun ay anggan ngay galeme.

Alubad. 65:7

Gfaragang o tagbia fag ngay lugwak sis dagat, ay anggan ngay taw nu gawayan.

Alubad. 78:69

Ay sanya fag buksul, kanya nafalindug at bale: takabat sbanwa ay takaogat sdaga at yud ginbalian kabavn.

Alubad. 93:1

Yawi, o wan em Fun at ke fagmasineun ay at mabalyanan. O wan at nawat fagdaul daga, nu katanya, di gbadbalian.

Fangatulun 3:19

Siginan Yawi at fagsafulun, nawat banwa ay daga, ay anke ngay bulbug, ay anke arak siginan sangay linyabu.

Fangatulun 30:4

Sinu nunda at nasas banwa ay at natustus ste swa daga? Ay sinu nunda at nagalumutan tagmara ay at nasifig mamam sat lanbung? Ay sinu nunda at namatangan laman namoli fagdaul daga at fatuan? Nung tuo e nasaful, longi angku kafag taw at ngayan ay anggan at baguama at ngayan.

Isayas 37:16

“Yawi at Mabalyanan, Israel at Dius, at malunggung sit faglunggungan sis wabilug ngay awatan at ke fakfak, o way lang Dius sas fagayu fagfagtainanan sas fagdaul daga. O wan at nawat banwa ay fagdaul daga.

Isayas 40:22

Dius malunggung sit fagbanwanan sis tungud fagdaul daga ay gfunan, ay nu glag at ngay taw ste swa daga kata way sik ngay fitfit. Kanya nawat banwa kata nu narafad sik umut, ay kata nu kawat sik bale ramit laman ngay taw at fagbanwanan.

Isayas 42:5

Yawi tam Dius at nawat banwa ay at narafad kata sik umut. Kanya nawat yangay fagdaul daga ay anggan fagayu tagsanya. Kanya yangay tagfon leleg sa sangay taw tagbanwan sis fagdaul daga.

Isayas 44:24

Katatuy Yawi ay Tagfalangfe at nawat ayu at longan: “Au Yawi at nawat fagayu nusnge wain. Au wan at narafad banwa, ay au way lang at nawat fagdaul daga.

Isayas 45:12

Au wan at nawat fagdaul daga ay anggan ngay taw tagbanwan sanya. Ku ngay daluap at narafad banwa, ay au yangay tagsugu menit, ay magdanun, ay galeme te, ‘Asurei.’

Isayas 45:18

Yawi, o at nawat banwa ay fagdaul daga. O wan Dius. Wo nawat fagdaul daga way ro e gleleg, nawat o kanya laman e gbanwan. Ay nalong o te, “Au wan Yawi, sas day angku we tibak dius.

Isayas 48:13

Au wan at nawat fagdaul daga at fagmatungkudan, ay au yangay at narafad banwa. Ay nu nasugu au, kanya fagayu gfaning.

Isayas 49:8

Yawi glong te, “Si ban ku nafalganan fag buknga, namalangfe au ay namalus ay nanggubuk emu. Nandiri kban emu, ay aroro sa emu nangawat au sik nasadian sa sangay taw. Gdog yay ban o namasine Israel at ngay daga at kinrasras, ay namagbilug ban o sa ku ngay taw.

Eremyas 10:13

Siginan at aringang banwa gfangalung, ay gfae linyabu siginan sangay fungfung daga. Ay gfae limbad gina karak, ay gfadasug tagmara siginan at fagfungsuan.

Eremyas 10:16

Dewa katanya, Akub at Dius di kata kafag ngay fagsegan. Kanya tua at nawat fagayu nusnge wain, ay kanya yangay at nafili ngay taw Israel. At ngayan Yawi at Mabalyanan.

Eremyas 14:22

Nusdi sadik fagsegan sa sangay talun we mafadasug arak, ay we mafae ayuyus, ay anggan banwa wa mafae arak. Yawi em Dius, o way lang at mafafakamulun takatanya, ay sa way lang emu nu gafanud ami.

Eremyas 27:5

Siginan ku fagmabalyananun nawat au fagdaul daga, ngay taw ay ngay mangilafang, ay au way tagfili at nangalaga kanya fagayu.

Eremyas 32:17

“Yawi, em Fun, nawat o banwa ay daga siginan am fagmabalyananun. Mafakamulun o fagayu nusnge wain.

Sakaryas 12:1

Katatuy Yawi at longan sabaliwas Israel: Au, Yawi, at nawat banwa ay daga. Ay au wan tagfon leleg sa sangay taw.

Uan 1:3

Siginan anya ankawat fagayu nusnge wain, ay nu dway siginan anya fagayu nusnge wain wa nkawat.

Kulusas 1:16

Aroro fagayu sis banwa ay sis daga takalag ay yud kalag anggan at ngay mabalyanan, ay fagmafunanun, ay fagtainan, ay tagfunan fag ngay falad, kanya fagayu ankawat siginan at Baguama laman sa anya.