Eremyas 10:10 - Fanawbuid tagsibaliwas Fakayabian

¹⁰ Yawi way lang at matuyan ay tagleleg fag Dius, ay at yud e fakatabuan fag Fun. Ay kanya nu ndotama, fagdaul daga guigan ay we taw magwanta.

Eremyas 10:10 ပူးပေါင်းရင်းမြစ်များ

Fakasigadan 21:33

Abrayam natanum sik fun kayu sis Beerseba ay sanya ginan, kanya naseg at yud e fakatabuan fag Dius, Yawi.

1 Fun 18:39

Ay fagayu taw nu nalag, namalub ay glong te, “Yawi wan Dius! Yawi wan Dius!”

1 Fun 8:60

Nu katanya, fagayu ban gaban taw sas fagdaul daga sumaful te, we tibak Dius sas day Yawi.

1 Krunika 29:11

“Yawi, o wan at fun sas fagayu nusnge wain, ay at mabalyanan, ay sik fagsuyuun tagtungud sas fagayu, ay at mauseganan! Aroro o way tagagbilug fagayu tagsis banwa ay tagsis daga.

2 Krunika 15:3

Ngaduge wan ngay taw Israel nu gbanwan nu yud si anya at matuyan fag Dius, ay nu yud e ngay tagfon fanggalangun tagfoyung anya fagayu, ay nu yud e fagaloan suguan.

Ub 9:6

Kanya mafauig daga, anggan at fagtungkudan.

Alubad. 10:16

Yawi wan tagfunan kabavn ban! Ngay talun at taw yud gtoglag Dius umkalyam siginans fagdaul daga.

Alubad. 100:3

Asafuli te, Yawi wan tam Dius. Sia wan at nawat antam, ay itam wan at ngay taw. Kanya gulit antam kata ngay fagbaugun sis fagfafangonan.

Alubad. 100:5

Yawi matuyan tua, ay kanya mafangesug kabavn, ay at fagmatuyanun ban di e fakatabuan sas fagayu kasugfunanan.

Alubad. 104:32

Nu nadama o fagdaul daga, kae faleleg, ay nu nated o ngay buksul, kae anus.

Alubad. 114:7

Siginan tam Fun Dius, Akub at Dius at daga salubangan, nangus fagdaul daga guigan.

Alubad. 145:13

Yawi, nu gfagtainan o sas fagayu kasugfunanan, kabavn tua. Gfafasludan tuo gugat am ngay fatuyanan, ay sas fagayu am fakamulun, mafangafanyu tuo.

Alubad. 146:6

at nawat banwa ay daga, ay anggan dagat ay fagayu tagsanya. Kabavn ban, Dius gfafasludan fagayu at fatuyanan.

Alubad. 18:7

Siginan Yawi at dotama fagdaul daga nauigan, ay nauigan yangay anggan ngay buksul at fagtungkudan.

Alubad. 29:10

Yawi wan tagagbilug lugwak, ay kanya gfunan kabavn.

Alubad. 31:5

Yawi, ku Dius, nafatigwanan kwan sa emu ku sadili. Falangfei angku, aroro kabavn am ngay longan matuyan tua.

Alubad. 42:2

Tagleleg fag Dius, kaylat kwa daul nangakbang sa emu. Ginain ya ban manga nu mananseg au emu?

Alubad. 68:11

Fun Dius nafadasug at suguan, ay ngayu at nafadungug kafag barita:

Alubad. 68:8

Daga nauigan ay narak sis Buksul Sinay sim daga salubangan: Ay Israel at Dius ansure sanya.

Alubad. 74:12

Em Dius, siginan ebi sfagsigadan, o wan ku Fun. Ay ngayu ginan wo gfalangfe ngay taw sas fagdaul daga.

Alubad. 76:7

Nu katanya, fagayu taw nangus kalimu tua emu. Sinu at magwanta gina o kadotama?

Alubad. 76:8

Sanya sbanwa nainsaful o, ay fagayu taw sas fagdaul daga anlimu ay naragangan.

Alubad. 77:18

Siginan tagridribudan fag tagmara, lingsi andungug, ay ngay limbad nayamag, ay fagdaul daga nauigan.

Alubad. 84:2

Yawi, maksvn nu kaylat au nansakbo sam bale. Ay sas fagdaul ku amatanganan, guro au guseganan sa emu, o wan tagleleg fag Dius.

Alubad. 9:8

Matuyan nu ginsaful o ngay taw at asalanan sas fagdaul daga, ay di o e fagfili.

Alubad. 90:11

Sinu tagsaful am dotama at maksvn? Anud, nu ndotama o, maksvn tua, nu katanya, masine nu gfababaun ami sa emu.

Alubad. 90:2

Dius, gina yay o yud nawat ngay buksul ay fagdaul daga, sanya wo. O wan Dius, siginan ngay ebi ay kabavn ban.

Alubad. 93:2

Siginans fagsigadan, nafaogat o am fagbanwanan. Siginan ngay nu kae buknga, sanya wo gugat.

Alubad. 97:4

At nawat fag lingsi gyamag sas fagdaul daga, ay ngay taw nu nalag gtadtaruyan kalimu.

Isayas 37:17

Yawi, dungugi tua angku ay damai. O tagleleg fag Dius, dungugani Senakerib nu gfalingun emu.

Isayas 37:4

Asirya at fun nasugu at fun tagfawayan laman namalingun tagleleg fag Dius. Malgau ay Dius Yawi nadungug wan kanya fag fun tagfawayan at longan ay kanya umfaurianan aroro nalong takatanya. Nu katanya, darangini tua at kinsawad si antam.’ ”

Isayas 40:15

Sas Yawi, ngay talun at ngay taw kata way sik anting si sik fagsuadan, ay kata sik dafug sis famabudbungguan; ay tagsis wabilug dagat fag ngay talun kagan way sik dafug.

Isayas 40:28

O nunda yam saful ay yam batang gdungug te, Yawi, at yud e fakatabuan fag Dius, at nawat fagdaul daga? Kanya di kamomuy ay di kalufuy ay we taw saful at amatanganan.

Isayas 57:15

Ay Tiba Tungud fag Dius at yud e malong ay tagleleg kabavn, glong yay fia te, “Gbanwan au sa tangabat ay yud e malong fag buknga, dewa katanya, gbanwan kyangay maful si sangay taw takamababaun ay at naubun at asalanan, laman gfabitsug au anya fagayu.

Isayas 65:16

Nusnga sinu taglong te, e fon ban sas Israel ay tagfatuyan sanya fag talun, kanya masine nu gfakamulun takatanya siginan nu glong ku ngayan, at matuyan fag Dius. Aroro kwa ban gamatangan ya at kinlangfe fag ngay fagidapun.

Eremyas 23:36

abat ngate, taglong te, ‘E longan au siginans Yawi.’ Aroro tibak taw glong takatanya laman at ngay iba gafanud anya, nu katanya, kanya fagayu gfayud way e masuad tagleleg fag Dius, Yawi at Mabalyanan, at longan.

Eremyas 4:2

ay nu gfatuyan tuo fia sa angku, ay gugali at matuyan, ggubuk ban o sa sangay talun at taw 2 laman kanya fagayu gfauseganan yangay angku.”

Eremyas 4:24

Ay nalag au buksul nu guigan.

Eremyas 50:46

Ay at kaksvnan ban ngay taw Babilunya nu gatabanan, daga guigan ay kanya ban fag ngay taw nu gwayway kadungug sas fagdaul daga.”

Eremyas 51:29

Talun Babilunya ban guigan kata sik taw tagtadtaruyan ay maksvn at fakasaitun, aroro Yawi namafasludan wan at algan sanya fag talun laman we gbanwan ya sanya ay laman umsik mabaluanan.

Daniel 4:3

Maksvn nu madulo ay mabalyanan at nafakamulun. Kanya nu gfunan we fakatabuan.

Daniel 4:34

Nu nlangfe fituk banwa, au, Nabukudunusur, ankakbang au sas Dius, ay kanya nafafoli sa angku ku amatanganan at masine. Nu katanya, naseg au ay nafauseganan anya, Tiba Tungud ay tagleleg kabavn fag Dius. Ay nalong au te, Kanya gfagtainan kabavn ban, ay at fagfagtainanan gfataglayun ban sas fagayu kasugfunanan.

Daniel 6:26

Gsugu au sa sangay taw tagsi ku fagfagtainanan te, fagayu nangus taw alimui tua ay suyui Daniel at Dius. Aroro kanya tagleleg tua fag Dius ay tagleleg tua kabavn. Kanya nu gfunan we fakatabuan ay we mababo anya.

Daniel 6:27

Kanya gfalangfe ngay taw ay gfakamulun ngay madulo sas banwa ay sas fagdaul daga. Ay kanya nafalangfe Daniel sa sangay liun.

Daniel 7:14

Ay Dius nafauseganan anya ay nafon fagmabalyananun laman gfunan, ay fagayu gaban taw sas fagayu talun sas fagdaul daga, tagsaman at ngay fangaringang naseg anya. Kanya nu gfunan we fakatabuan. Ay we marasras at fagfagtainanan.

Uel 2:11

Yawi at aringang kata sik lingsi gina gsugu at ngay tagfawayan at maseganama ay tangayu. Ay kanya fagayu gfaning tua at suguan. Yawi at nafalganan fag menit gina ban namaurianan maksvn nu malimu. Sinu ro at magwanta?

Mikas 1:4

Ay at fagnanloan ban fag ngay buksul umtinas kata sik ngay lune at mafasalungan. Ay at fagnanloan ban fag ngay datag umke karang kata mamam nu nabuntuk siginan tangabat fag afud daga.

Naum 1:5

Fungsu, buksul ay fagdaul daga guigan sit salubangan, ay fagayu taw gtadtaruyan kalimu.

Naum 1:6

Sinu at magwanta Yawi nu nkuri? Aroro kanya nu nkuri, kata nu gfaduksun afuy siginan at bibig, ay gang kabaltak sit salubangan.

Abakuk 3:10

Ngay buksul nu nalag emu, gtadtaruyan kalimu. Nu narak maksvn, dagat glugwak ay gbia nu kalung.

Abakuk 3:6

Ay nu nlindug o, fagdaul daga guigan, ay nu nadama o, ngay talun gtadtaruyan kalimu, ay taguna fag ngay buksul kabaras. Ay am ngay balyawvtan di gbadbalian kabavn.

Malakyas 3:2

Dewa katanya, sinu ban fag taw at magwanta gina Dius kadasug? Ay sinu yangay ban at manangalindug sat daga salubangan? Kanya ban kadasug kata sik afuy nu gfadalusan sanbung ay kata sik famalyam lanbung at layungun. Kanya ban namasine ngay taw Lebi kata sik takawat sanbung nu gfasine salapi ay gintu. Ay kanya ban fagayu at fanggalangun gdog tua e tungkul sas Yawi.

Mateu 16:16

Ay Simun Pedru nabalus te, “O wan Dius at nafili fag Fun, tagleleg fag Dius at Baguama.”

Mateu 26:63

Ay Isus wa garingang. Ay tiba tungud fag tagfon fanggalangun nalong yangay sas Isus te, “Balusi emi sa tagleleg fag Dius at daga salubangan, o o wan Dius at nafili fag Fun, Dius at Baguama?”

Uan 17:3

Katatuy sik taw nu e leleg at yud e fakatabuan: nu natoglag emu te, o wan at matuyan fag Dius, ay nu natoglag yangay angku am nasugu, Isus, am nafili fag Fun.

Fakamulun 14:15

“Wain ay fagfakamulunun takatanya? Ami, taw yangay ami kata ayu. Gfoyung waymi sa ayu at Masine fag Barita laman gubun am ay ngay fagsegan at yud e tungkul ay tumoglag am tagleleg fag Dius at nawat banwa ay daga, dagat ay anggan fagayu tagsanya.

Deuterunumyu 32:4

Kanya ku fagsarigan fag gang, ay at fakamulun matuyan, ay fagayu at balyawvtan mafanud. Sia wan at matuyan fag Dius ay di gfakamulun at mauri; kanya matuyan tua ay di e fagfili.

Deuterunumyu 5:26

O nunda e taw yay tagleleg at nadungug tagleleg fag Dius at aringang siginan sad igang, kata tam nadungug?

1 Tesalunika 1:9

Aroro kanya wan fag ngay taw at nafadungug sa emi te, naylat mandi am em nasiboan ayu. Ay kanya yangay fagayu at nalong sa emi te, naubun wam nu gseg am ay ngay fagsegan, laman gfaning am tagleleg ay at matuyan fag Dius,

1 Timuteu 1:17

Sadi way tam Dius at mabalyanan, at yud e fakatabuan fag Fun, ay at yud kabul, ay at yud kalag. Kabavn segi anya. Anud.

1 Timuteu 6:17

Foyungi sat ngay maramraman at ke fagagbilugun nusnge wain ste swa daga te, lag kamatungudun, ay lag gseg takatabu fag ramraman, nu bunway segi tua Dius tagfon antam tam fagayudanun yud e fakatabuan, tagfae fagusegananun antam.

Ebreu 10:31

Maksvn ban nu malimu tagleleg fag Dius at faurianan sas fagayu taw tagfakamulun takatanya.

Uswe 3:10

Katsi, sumaful am te, si wa ayu tagleleg fag Dius, aroro kaduge am gfawayan ay ngay fawayan, tam Dius gfayayu siginan ayu ngay taw Kanaan, taw Ket, taw Kib, taw Peres, taw Girgas, taw Amur ay ngay taw Ebus.

1 Uan 5:20

Ay nasaful yangay tam te, Dius at Baguama andasug ay nafon sa antam fagsafulun, laman sumaful tam at Matuyan. Ay katsi gbanwan tua tam sit Matuyan aroro gbanwan tua tam sit Baguama Isus tam Fun, aroro sia wan at matuyan fag Dius ay leleg at yud e fakatabuan.

At Nafasure 20:11

Ay sanya ginan nalag au sik faglunggungan daul malaksi ay at malunggung sanya. Daga ay kiwang nalyam wan siginan anya, ay we kalag ya.

Tagfangguna 5:4

Yawi, gina o nalo siginans Buksul Seir, ay naduksun siginans talun Edum, daga nauigan ay narak maksvn.

1 Samwel 17:26

Dabid nainto sit akbang fag tagfawayan te, “Sinu atsi fag taw Filistia yud gtoglag Dius ay tagfalingun tagleleg fag Dius at ngay tagfawayan? Nataw ro fun at famonun sat nafabul anya laman karagang wan nu gfapla ngay taw Israel?”

1 Samwel 17:36

Nafakamulun au takatanya sa sangay liun ay sa sangay usu, ay mafakamulun kyangay ro takatanya sa anya. Kafag taw Filistia yud gtoglag Dius, kamatungudun gfalingun tagleleg fag Dius at ngay tagfawayan.