Eremyas 1:9 - Fanawbuid tagsibaliwas Fakayabian

⁹ Sanya ginan, Yawi nafalugde at take ay nated ku bibig ay nalong te, “Gfon au sa emu ku ngay longan am fagnanlongun.

Eremyas 1:9 ပူးပေါင်းရင်းမြစ်များ

Isayas 49:2

Ku longan kata sik fiso at maglat. Ay Yawi nalaga angku siginan at fagmabalyananun. Kata au sik banyas at mafasinean tagsiwas godun.

Isayas 50:4

Yawi tam Fun nafoyung angku ku fagnanlongun laman namabitsug au at ngay mamomuy. Kayu balabag Yawi gfulo angku laman gdungugan au at foyungan.

Isayas 51:16

Nafoyung kwan sa ayu ku longan, ay siginan ku fagmabalyananun nadiri au ayu. Au at nafatungkud banwa ay anggan fagdaul daga at fagmatungkudan, ay au yangay at nalong sas furuan Erusalem at ngay taw te, ‘Am wan ku ngay taw.’ ”

Isayas 59:21

“Ay katatuy ku nasadian sa ayu: wa ban kalyam ku Falad tagbanwan si ayu, ay anggan ku nafoyung ayu fag ngay longan. Ay foyungi kanya fag ngay longan sa ay ngay sisian, ay katanya yangay sat daga vtv fag ngay gaban ay anggan sat ngay kasugfunanan kabavn. Au, Yawi, taglong tuy.”

Eremyas 15:19

Nu katanya, Yawi nalong sa angku te, “Nu gubun tuo am asalanan, namafoli au emu sa ku day tigyangan laman namataglayun o namakamulun sa angku. Nu matuyan tua ban fia fagayu am longan, ay nu gsaruy tua ban o fagayu at mauri, namadog kban nanfili emu laman ku taglong. At matuyan, kanya way ban fagayu at nangakbang sa emu.

Eremyas 34:6

Sanya ginan, Eremyas nasas Erusalem ay nananlong sas fun Sedekya takatanya fagayu.

Eremyas 36:2

“Buli sik fagrirukan ay riruki sanya fagayu ku nalong emu sabaliwas Israel, sas taw Uda, ay sas fagayu talun. Riruki fagayu ku nalong emu, siginan ebi taguna ku nalong gina fun Usyas gfunan, dasug katsi.

Eremyas 5:14

Nu katanya, Yawi nalong sa angku te, “Siginan takatanya fag ngay longan, nanlong au sa emu sik foyungan takata sik afuy at namaurianan anya fagayu.”

Esekyel 3:10

Ay kanya nalong yay fia angku te, “Taw at baguama, dungugani fia ay amatangi ku ngay nalong emu.

Daniel 10:10

Kanya nated ku daluap ay nagubuk angku, ay kadugenya ku ngay take ay ku ngay tud gtadtaruyan.

Daniel 10:16

Ay kanya nated ku bibig, ay maringang kwan. Nalong au sat malindug si ku daga salubangan te, “Anmomuy au ay anlukme aroro sa ku nalag fag taginfan.

Tap 23:5

Ay Yawi naringang sas Balaam ay nalong te, “Katsi, afolii wan sas Balak ay namadungug o sa anya ku longan.”

Mateu 10:19

Ay nu nataban ban ayu, lag am gafanawa te, tain siring ay longan, ay nataw ay foyungan. Aroro ginanya ban e gfamatanganan ayu sik longan at masine, laman ban e foyungan tuam sanya fag ngay taw.

Markus 7:33

Ay Isus nataban kafag taw siginans fagngayuan, ay nafatayuk at sumyu sa kafag taw at talinga, ay natufe ay nafatayuk sanya fag taw at leplep.

Lukas 12:12

Aroro ginanya ban at Masine fag Falad gfoyung sa ayu ay ngay longan ban at masine.”

Lukas 21:15

Aroro gfoyung kban sa ayu at mamatanganan fag longan laman at nansalag ayu wa mababo ay we fagmafamayudun ya ay longan.

Deuterunumyu 18:16

Aroro kanya wan ay fagetun sa ay Dius Yawi gina am maful sis Kureb. Nalong am sa ay Dius Yawi te, “Lag o gfadungug sa emi am aringang ay lag gfalag emi tagigang fag afuy aroro manbul ami.”

Deuterunumyu 18:17

Nu katanya, Yawi nalong sa angku te, “Masine kanya fagayu at fagetun sa angku.

Deuterunumyu 18:18

Nanfili kban sik taglong kata emu siginan kafag ngay taw at kaiban, ay glong kban sa anya ku fagyalongunun sa anya fagayu.